လံာ်တၢ်ဟးထီၣ်ကွံာ် 7:16 - Sgaw Karen Common Bible

¹⁶ တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.

လံာ်တၢ်ဟးထီၣ်ကွံာ် 7:16 Iomraidhean Croise

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 14:5

တုၤပှၤတဲဘၣ်ကီၢ်အဲၤကူပတူးအစီၤပၤလၢပှၤအံၣ်စရ့လးဖိ တဖၣ်ထူၣ်ဖျဲးကွံာ်လံန့ၣ်, အဝဲဒီးအပဒိၣ်ပပှၢ်တဖၣ်လဲလိာ်ကွံာ် အတၢ်ပာ်လီၤအသးဒီးစံးဝဲ, “ဘၣ်မနုၤလၢပမၤတၢ်အံၤလၢပပျဲထူၣ်ဖျဲးကွံာ်ပှၤအံၣ်စရ့လး ဖိလၢအမ့ၢ်ပကုၢ်န့ၣ်လဲၣ်.”

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 3:13

ဒီးစီၤမိၤၡ့စံးဆၢဝဲဒၣ်, “တုၤယလဲၤဆူပှၤအံၣ်စရ့လးဖိ သ့ၣ်တဖၣ်အအိၣ်ဒီးစံးဘၣ်အဝဲသ့ၣ်, သုပၢ်တဖၣ်အကစၢ်ယွၤဆှၢလီၤယၤဆူသုအိၣ်လီၤ. ဒီးအဝဲသ့ၣ်ကသံကွၢ်ယၤ ကစၢ်ယွၤအံၤအမံၤဒ်လဲၣ်ဒီးယကစံးဘၣ် အီၤဒ်လဲၣ်.”

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 4:22

ဒီးနဘၣ်စံးဘၣ်စီၤပၤဖၤရိၤ, ယွၤစံးဝဲဒၣ်, ‘အံၣ်စရ့လးမ့ၢ်ယဖိဝဲၢ်ကိန့ၣ်လီၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 7:4

တုၤနုၤတစုယကဟဲစိာ်တၢ်စံၣ်ညီၣ်ဆါဆါကလဲာ်လၢကီၢ်အဲၤကူပတူးအလိၤ, ဒီးဒုးဟးထီၣ်ကွံာ်ပှၤဂီၢ်မုၢ်, ပှၤအံၣ်စရ့လးဖိ, လၢကီၢ်အဲၤကူပတူးန့ၣ်လီၤ.

လံာ်တၢ်ဟးထီၣ်ကွံာ် 8:1

တုၤနုၤတစုယွၤစံးဘၣ်စီၤမိၤၡ့, ဒီးစံးဝဲဒၣ်, “လဲၤဆူစီၤပၤအအိၣ်ဒီးတဲဘၣ်အီၤလၢယွၤစံးဝဲဒၣ်, ပျၢ်ယပှၤဂီၢ်မုၢ်, ဒ်သိးအဝဲသ့ၣ်လဲၤဘူၣ်ထီၣ်ဘါထီၣ်ယၤကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:20

ဒီးယွၤစံးဘၣ်စီၤမိၤၡ့, “ခဲဂီၤကိာ်ဂီၤဂီၤန့ၣ်လဲၤထံၣ် လိာ်စီၤပၤဖဲအလဲၤဆူထံနံၤဒီးတဲဘၣ်အီၤလၢယွၤစံးဝဲဒ်အံၤ, “ပျၢ်ယပှၤဂီၢ်မုၢ်ဒ်သိးအဝဲသ့ၣ်ကဘူၣ်ထီၣ်ဘါထီၣ်ယၤအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 9:1

ဒီးယွၤစံးဘၣ်စီၤမိၤၡ့, “လဲၤဆူစီၤပၤအအိၣ်ဒီးတဲဘၣ် အီၤလၢယွၤ, ပှၤဧ့ၤဘြံၤဖိတဖၣ်အကစၢ်ယွၤစံးဝဲဒၣ်, ‘ပျၢ်ယပှၤဂီၢ်မုၢ်ဒ်သိးအဝဲသ့ၣ်ကလဲၤဘူၣ်ထီၣ်ဘါထီၣ်ယၤ အဂီၢ်တက့ၢ်.

လံာ်တၢ်ဟးထီၣ်ကွံာ် 9:13

တုၤနုၤတစုယွၤစံးဘၣ်စီၤမိၤၡ့, “ဂဲၤဆၢထၢၣ်ခဲဂီၤကိာ် ဂီၤဂီၤဒီးလဲၤထံၣ်လိာ်စီၤပၤဒီးတဲဘၣ်အီၤလၢယွၤ, ပှၤဧ့ၤဘြံၤ ဖိတဖၣ်အကစၢ်ယွၤစံးဝဲ, “ပျၢ်ယပှၤဂီၢ်မုၢ်ဒ်သိးအကလဲၤဘူၣ်ထီၣ်ဘါထီၣ်ယၤတက့ၢ်.

လံာ်ယၡါယၤ 45:13

ယနီၢ်ကစၢ်ဒၣ်ယဲယထိၣ်ဂဲၤတ့ၢ်စီၤပၤကိရ့ၣ်လၢကမၤတၢ် ဒီးမၤလၢမၤပှဲၤယတၢ်တိာ်ဒီးမၤလိၤမၤဘၣ်တၢ်လီၤ. ယကမၤလိၤမၤဘျၢကျဲမုၢ်ကိးဘိဒဲးလၢအဝဲ လဲၤတၢ်န့ၣ်လီၤ. အဝဲကသူၣ်ထီၣ်ဘှီထီၣ်က့ၤယဝ့ၢ်, ဝ့ၢ်ယရူၤၡလ့ၣ်ဒီးမၤထူၣ် ဖျဲးယပှၤဂီၢ်မုၢ်လၢအဘၣ်တၢ်မၢကဲကုၢ်အီၤတဖၣ်လီၤ. ပှၤတဒိးလဲတ့ၢ်အီၤမ့ၢ်ဂ့ၤ, ဟ့ၣ်တ့ၢ်အီၤခိၣ်ဖးလာ်ဆှိးမ့ၢ် ဂ့ၤလၢကမၤတၢ်အံၤအဂီၢ်နီတဂၤဘၣ်. ယွၤသ့တၢ်လၢာ်ကတိၤတ့ၢ်လံတၢ်လံ.”

လံာ်ယံးရမံယၤ 50:33

ယွၤသ့တၢ်လၢာ်စံးဝဲဒၣ်, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်ဘၣ်တၢ်မၤအၢမၤနးအီၤလီၤ. ပှၤခဲလၢာ် လၢအဖီၣ်န့ၢ်အဝဲသ့ၣ်န့ၣ်, ပၢၤဃာ်အဝဲသ့ၣ်ဘူးဘူးတံၢ်တံၢ် ဒီး တပျၢ်ဖျဲးအဝဲသ့ၣ်န့ၣ်ဘၣ်.