လံာ်တၢ်ဟးထီၣ်ကွံာ် 7:15 - Sgaw Karen Common Bible

¹⁵ လၢတၢ်န့ၣ်အဃိမုၢ်ဆ့ၣ်ထီၣ်န့ၣ်လဲၤထံၣ်အီၤဖဲအလဲၤလီၤဆူ ထံကျိနံၤလါန့ၣ်တက့ၢ်. လဲၤစိာ်ဃုာ်နီၣ်ထိးဘိလၢအကဲထီၣ်ဂုၢ်, ဒီးအိၣ်ခိးအီၤဖဲထံကျိကၢၢ်နံၤန့ၣ်တက့ၢ်.

လံာ်တၢ်ဟးထီၣ်ကွံာ် 7:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:21

ဘၣ်ဆၣ်ကစၢ်ယွၤတပျဲပှၤနီတဂၤကမၤနၢၤမၤပ့ၤအဝဲ သ့ၣ်ဘၣ်. လၢတၢ်ဒီဒၣ်အိၣ်ပှိၤအဝဲသ့ၣ်အဂီၢ်, အဝဲဟ့ၣ်ပလီၢ်တ့ၢ်စီၤပၤတ ဖၣ်,

လံာ်တၢ်ဟးထီၣ်ကွံာ် 2:5

စီၤပၤဖၤရိၤအဖိမုၣ်တဂၤဟဲလီၤလုၣ်ထံလၢထံကျိပူၤဖဲ အကုၢ်ပိာ်မုၣ်တဖၣ်ဟးဝဲလၢထံကျိကၢၢ်နံၤအခါန့ၣ်လီၤ. သတူၢ်ကလာ်စီၤပၤဖိမုၣ်ထံၣ်စဲာ်ဖိတဖျၢၣ်လၢဆှဲဖးထီတဖၣ် အကျါ, ဒီးမၢအကုၢ်ပိာ်မုၣ်ဖိတဂၤလဲၤဟံးန့ၢ်ဝဲလီၤ.

လံာ်တၢ်ဟးထီၣ်ကွံာ် 7:10

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးမၤဝဲဒ်ယွၤမၤလိာ်ဝဲအသိးန့ၣ်လီၤ. စီၤအၤဟရိၣ်တ့ၢ်လီၤအနီၣ်ထိးဘိ လၢစီၤပၤဒီးအပဒိၣ်တဖၣ်အမဲာ်ညါ, ဒီးကဲထီၣ်ဝဲလၢဂုၢ်တဘိလီၤ.

လံာ်တၢ်ဟးထီၣ်ကွံာ် 7:14

တုၤနုၤတစုယွၤစံးဘၣ်စီၤမိၤၡ့, “စီၤပၤအံၤအသးကိၤဒိၣ် မးဒီးဂ့ၢ်လိာ်ဝဲလၢကပျၢ်ကွံာ်ပှၤဂီၢ်မုၢ်န့ၣ်လီၤ.

လံာ်တၢ်ဟးထီၣ်ကွံာ် 8:20

ဒီးယွၤစံးဘၣ်စီၤမိၤၡ့, “ခဲဂီၤကိာ်ဂီၤဂီၤန့ၣ်လဲၤထံၣ် လိာ်စီၤပၤဖဲအလဲၤဆူထံနံၤဒီးတဲဘၣ်အီၤလၢယွၤစံးဝဲဒ်အံၤ, “ပျၢ်ယပှၤဂီၢ်မုၢ်ဒ်သိးအဝဲသ့ၣ်ကဘူၣ်ထီၣ်ဘါထီၣ်ယၤအဂီၢ်န့ၣ်တက့ၢ်.

လံာ်ယဃ့းစက့လး 29:3

စံးလၢတၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ် ကီၢ်အဲၤကူပတူးအစီၤပၤန့ၣ်တက့ၢ်. ယမ့ၢ်နဒုၣ်နဒါ, နသမၣ် ဖးဒိၣ်လၢအမံလီၤလၢ နထံကျိအပူၤန့ၣ်လီၤ. နစံးနဲလၢထံကျိ နံၤလါမ့ၢ်နတၢ်ဒီးနမၤအီၤလၢ နနီၢ်ကစၢ်ဒၣ်နဲလီၤ.