လံာ်တၢ်ဟးထီၣ်ကွံာ် 6:8 - Sgaw Karen Common Bible

⁸ ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်တၢ်ဟးထီၣ်ကွံာ် 6:8 Iomraidhean Croise

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:12

ယကဟ့ၣ်နၤထံဧိၤကီၢ်ဧိၤလၢယဟ့ၣ်တ့ၢ်စီၤအၤဘြၤဟၣ်, စီၤအံၤစဲးဒီးယကဟ့ၣ်စ့ၢ်ကီးအီၤဆူနၤဒီးနစၢၤနသွဲၣ်လၢ နလီၢ်ခံတဖၣ်န့ၣ်လီၤ.”

လံာ်စီၤနဃ့မယၤ 9:15

တုၤတၢ်သၣ်ဝံၤအဝဲသ့ၣ်အသးဒီးနဟ့ၣ်အီၤကိၣ်လၢမူခိၣ်ဒီးတုၤ တၢ်သူအဝဲသ့ၣ်အသးလၢထံ ဒီးနဒုးဟဲထီၣ်ထံလၢလၢၢ်တဖျၢၣ်အပူၤန့ၣ်လီၤ. နတဲဘၣ်တ့ၢ်အဝဲသ့ၣ်လၢကပၢထံဧိၤကီၢ်ဧိၤ လၢနအၢၣ်လီၤတ့ၢ်လၢနကဟ့ၣ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 32:13

သ့ၣ်နီၣ်ထီၣ်က့ၤနခ့နပှၤစီၤအၤဘြၤဟၣ်, စီၤအံၤစဲး, ဒီးစီၤယၤကိာ်တက့ၢ်. သ့ၣ်နီၣ်ထီၣ်က့ၤတၢ်အၢၣ်လီၤအီလီၤ သမှံၤသပှၢ်လၢနမၤဒီးအဝဲသ့ၣ်, လၢနကဟ့ၣ်လီၤအဝဲသ့ၣ်လၢအစၢၤအသွဲၣ်အါထဲသိးသိးဒီးဆၣ်ဧိၤ ဖီဧိၤလၢမူကပိာ်လိၤဒီးဟ့ၣ်လီၤအစၢၤအသွဲၣ်တဖၣ်လၢကီၢ်တဘ့ၣ် လၢနအၢၣ်လီၤအီလီၤတ့ၢ်လၢကကဲထီၣ်အတၢ်န့ၢ်သါအထူအယိာ်န့ၣ်တက့ၢ်.”

လံာ်တၢ်ဟးထီၣ်ကွံာ် 6:2

ဒီးကစၢ်ယွၤကတိၤတၢ်ဒီးစီၤမိၤၡ့ဒီးစံးဘၣ်အီၤ, “ယဲဒၣ်အံၤယမ့ၢ်ယွၤလီၤ.

လံာ်တၢ်ဟးထီၣ်ကွံာ် 6:4

ဒီးယမၤစ့ၢ်ကီးတၢ်အၢၣ်လီၤအီလီၤဒီးအဝဲသ့ၣ်, ဒီးယအၢၣ်လီၤလၢယကဟ့ၣ်အဝဲသ့ၣ်လၢကီၢ်ကနၤဧၣ်, ကီၢ်လၢအဝဲသ့ၣ်အိၣ်ဆိးဝဲဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်ယဃ့းစက့လး 20:23

လၢတၢ်န့ၣ်အဃိ, ယမၤကဒီးတၢ်ဆိၣ်အဂၤတမံၤလၢပှၢ်မုၢ်ကနၢ အပူၤန့ၣ်လီၤ. ယဆိၣ်တၢ်လၢယကမၤလီၤပြံလီၤပြါအဝဲသ့ၣ်လၢဟီၣ်ခိၣ်ဒီ ဘ့ၣ်ညါန့ၣ်လီၤ.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 20:42

တုၤယဆှၢကဒါက့ၤသုဆူကီၢ်အံၣ်စရ့လး, ကီၢ်တဘ့ၣ်လၢယအၢၣ်လီၤတ့ၢ်လၢယကဟ့ၣ်လီၤသုမိၢ်ပၢ်ဖံဖု လၢပျၢၤတဖၣ်န့ၣ်ဒီး, အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 36:7

ယၤ, ယွၤပၢဘၣ်တၢ်ခဲလၢာ်ကစၢ်, အၢၣ်လီၤတၢ်သမှံၤသပှၢ် လၢပှၤကလုာ်အိၣ်ခိၣ်အိၣ်ဃၢၤတဖၣ်ကဘၣ်တၢ်ဆီၣ်လီၤကွံာ်အီၤ န့ၣ်လီၤ.

လံာ်ယဃ့းစက့လး 47:14

ယအၢၣ်လီၤတ့ၢ်တၢ်သမှံၤသပှၢ်ဒီးသုမိၢ်ပၢ်ဖံဖုလၢပျၢၤတဖၣ် လၢယကဟ့ၣ်အဝဲသ့ၣ်လၢထံကီၢ်အံၤဒ်သိးကကဲထီၣ်အဝဲသ့ၣ် အတၢ်န့ၢ်သါန့ၣ်လီၤ. ခဲကနံၣ်အံၤနီၤဖးလီၤအီၤပှဲၤသိးသိး လၢသုကျါတက့ၢ်.

လံာ်တၢ်ဂံၢ် 10:29

ဒီးစီၤမိၤၡ့စံးဘၣ်အမါအဒီပုၢ်ဝဲၢ်ခွါ, ပှၤမံးဒယၣ်ဖိစီၤယံးသရိၣ်အဖိခွါစီၤဃိဘးစံးဝဲ, “ပကစးထီၣ်ပတၢ်လဲၤဆူတၢ်လီၢ်လၢယွၤစံးတ့ၢ်ဝဲလၢကဟ့ၣ်ပှၤ န့ၣ်လီၤ. အဝဲအၢၣ်လီၤအီလီၤတ့ၢ်ဝဲလၢကဒုးဘီၣ်ထီၣ်ညီထီၣ်အံၣ်စရ့လး အဃိဟဲဃုာ်ဒီးပှၤ, ဒီးပကဟ့ၣ်နီၤလီၤနၤလၢပတၢ်ဘီၣ်ထီၣ်ညီထီၣ်န့ၣ်လီၤ.”

လံာ်တၢ်ဂံၢ် 11:12

ယတတ့လီၤအဝဲသ့ၣ်မ့ၢ်ဂ့ၤ, ဒုးအိၣ်ဖျဲၣ်ထီၣ်အဝဲသ့ၣ်မ့ၢ်ဂ့ၤ ဘၣ်. ဘၣ်မနုၤလၢနမၢယမၤတၢ်ဒ်ပှၤဒုးအီၣ်နုၢ်ဖိဆံးဒီးစိာ်အဝဲ သ့ၣ်လၢယစုတီၤတဖၣ်အလိၤဒ်ဖိသၣ်ဆံးတဖၣ်အသိးလၢကျဲဒီဘိဆူ ကီၢ်တဘ့ၣ်လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

လံာ်တၢ်ဂံၢ် 14:30

ယအၢၣ်လီၤအီလီၤတ့ၢ်လၢသုကအိၣ်ဘၣ်ဖဲန့ၣ်ဘၣ်ဆၣ်ဒီးမ့တမ့ၢ် လၢစီၤကၤလ့းဒီးစီၤယိၤၡူဘၣ်န့ၣ်ပှၤတလဲၤနုာ်ဘၣ်နီတဂၤ ဘၣ်.

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်သိၣ်လီၤသီလီၤတၢ် 32:40

ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးန့ၣ်, ယယူာ်ထီၣ်ယစုဒီးဆိၣ်တၢ်,

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

လံာ်စီၤယိၤၡူ 24:13

ယဟ့ၣ်လီၤသုကီၢ်လၢသုတမၤဘၣ်တၢ်လၢအဂီၢ်, ဒီးဝ့ၢ်တဖၣ်လၢသုတတ့ထီၣ်ဘှီထီၣ်အီၤဘၣ်န့ၣ်လီၤ. ဒီးအခဲအံၤသုအိၣ်သုဆိးလၢအပူၤဒီးသုအီၣ်စပံးသၣ်လၢ စပံးမုၢ်လၢသုတသူၣ်လီၤဖျးလီၤအီၤဘၣ်, ဒီးသ့ၣ်စၤယံးအထူၣ်တဖၣ်လၢသုတသူၣ်လီၤဖျးလီၤအီၤဘၣ်န့ၣ်လီၤ.

လံာ်လီၣ်ဖျါ 10:6

ဒီးဆိၣ်လီၤအသးလၢကစၢ်ယွၤအမံၤ, ကစၢ်ယွၤလၢအမူဝဲ လီၤထူလီၤယိာ်, လၢအတ့လီၤမူခိၣ်ဟီၣ်ခိၣ်, ဒီးပီၣ်လဲၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်လီၤ. ကလူးန့ၣ်စံးဝဲ, “တၢ်တမၤယံာ်မၤနီၢ်တၢ်လၢၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 15:29

ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”