လံာ်တၢ်ဟးထီၣ်ကွံာ် 6:7 - Sgaw Karen Common Bible

⁷ ဒီးယကဒုးကဲထီၣ်သုလၢယပှၤဂီၢ်မုၢ်, ဒီးယကကဲထီၣ်သုကစၢ်ယွၤလီၤ. ဒီးသုကသ့ၣ်ညါလၢယမ့ၢ်ယွၤ, သုကစၢ်ယွၤဖဲယမၤထူၣ်ဖျဲးသုလၢကီၢ်အဲၤကူပတူး အတၢ်မၢကဲကုၢ်အပူၤန့ၣ်လီၤ.

လံာ်တၢ်ဟးထီၣ်ကွံာ် 6:7 Iomraidhean Croise

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 8:60

ဒီးလၢတၢ်န့ၣ်အဃိ, ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ်ညါဝဲ လၢယွၤထဲတဂၤဧိၤအံၤမ့ၢ်ကစၢ်ယွၤ, ဒီးကစၢ်ယွၤအဂုၤအဂၤတအိၣ်ဘၣ်န့ၣ်လီၤ.

လံာ်စီၤနဃ့မယၤ 1:10

ယွၤဧၢ, ပှၤသ့ၣ်တဖၣ်အံၤမ့ၢ်ဝဲနခ့နပှၤဒီးနပှၤကလုာ်ဒၣ်နဲန့ၣ် လီၤ. နမၤပူၤဖျဲးအဝဲသ့ၣ်လၢနစိဒိၣ်ကမီၤထီဒီးနဂံၢ်နဘါန့ၣ်လီၤ.

စံးထီၣ်ပတြၢၤ 100:3

သ့ၣ်ညါလၢယွၤမ့ၢ်ကစၢ်ယွၤတက့ၢ်. အဝဲဒၣ်န့ၣ်တ့ပှၤ ဒီးပမ့ၢ်အတၢ်လီၤ. ပမ့ၢ်အပှၤဂီၢ်မုၢ်ဒီး အတၢ်အီၣ်ဆၣ်အလီၢ် အသိတဖုလီၤ.

စံးထီၣ်ပတြၢၤ 81:6

“ယသုးကွံာ်နဖံဘၣ်ခိၣ်အတၢ်ဝံတၢ်ယိး, ဒီးနစုတဖၣ်ထူၣ်ဖျဲးထီၣ်လၢတၢ်ဃၢတၢ်စုာ် အလိၤလံ.”

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 14:18

ဖဲယမၤနၢၤအဝဲသ့ၣ်န့ၣ်ပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

လံာ်တၢ်ဟးထီၣ်ကွံာ် 15:2

ယွၤမ့ၢ်ပှၤအိၣ်ပှိၤယၤလၢအဂံၢ်အဘါဆူၣ်လီၤ. အဝဲမ့ၢ်ပှၤတဂၤလၢအအုၣ်က့ၤခီၣ်က့ၤယၤလီၤ. အဝဲမ့ၢ်ယကစၢ်ယွၤဒီးယကစံးထီၣ်ပတြၢၤအီၤ, မ့ၢ်ယပၢ်အကစၢ်ယွၤဒီးယကသးဝံၣ်ထီၣ်အတၢ်ဒိၣ်တၢ်ထီအဂ့ၢ်လီၤ.

လံာ်တၢ်ဟးထီၣ်ကွံာ် 16:6

မၤသးဒ်န့ၣ်ဒီးစီၤမိၤၡ့ဒီးစီၤအၤဟရိၣ်စံးဘၣ်ကယဲၢ်ပှၤအံၣ် စရ့လးဖိခဲလၢာ်, “တဟါအံၤ, သုကသ့ၣ်ညါဘၣ်လၢယွၤမ့ၢ်ပှၤထုးထီၣ်ကွံာ်သုလၢ ကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 2:11

ဖဲစီၤမိၤၡ့ဒိၣ်ထီၣ်ဝဲ, ဒီးဘၣ်မုၢ်တနံၤန့ၣ်လဲၤအိၣ်သကိး အပှၤကလုာ်, ပှၤဧ့ၤဘြံၤဖိတဖၣ်ဒီး ထံၣ်ဘၣ်လၢအဝဲသ့ၣ်ဘၣ်တၢ်မၢဆူၣ် မၢနၢၤအီၤန့ၣ်လီၤ. ဒီးထံၣ်ဘၣ်ပှၤအဲၤကူပတူးဖိတဂၤတီၢ်ပှၤဧ့ၤဘြံၤဖိတဂၤလၢ အမ့ၢ်အပှၤကလုာ်န့ၣ်လီၤ.

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်တၢ်ဟးထီၣ်ကွံာ် 7:17

ဒီးခဲကနံၣ်အံၤ, ကစၢ်စီၤပၤဧၢ, ယွၤစံးဝဲဒၣ်လၢနကသ့ၣ်ညါလၢ အဝဲမ့ၢ်မတၤခီဖျိတၢ်လၢအကမၤဝဲန့ၣ်လီၤ. ကွၢ်, ယကတီၢ်ထံကျိအမဲာ်ဖံးခိၣ်အံၤဒီးကကဲထီၣ်ဝဲလၢတၢ်သွံၣ် န့ၣ်လီၤ.

လံာ်ယၡါယၤ 41:20

ပှၤဂီၢ်မုၢ်ကထံၣ်တၢ်အံၤဒီးသ့ၣ်ညါဝဲလၢ ယၤ, ယွၤအံၤမၤတ့ၢ်တၢ်အံၤလီၤ. အဝဲသ့ၣ်ကနၢ်ပၢၢ်ထီၣ်ဝဲလၢအံၣ်စရ့လး အကစၢ်ယွၤစီဆှံဒုးကဲထီၣ်တၢ်အံၤလီၤ.”

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 51:15

ယမ့ၢ်ယွၤ, သုကစၢ်ယွၤလီၤ. ယထိၣ်ဂဲၤထီၣ်ပီၣ်လဲၣ် ဒီးဒုးသီၣ်ထီၣ်အလပီတဖၣ်ရူၢ်ရူၢ်လီၤ. ယမံၤမ့ၢ်ဝဲယွၤသ့တၢ်လၢာ်န့ၣ်လီၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်ယၡါယၤ 63:8

ယွၤစံးဝဲဒၣ်, “အဝဲသ့ၣ်မ့ၢ်ယပှၤဂီၢ်မုၢ်, အဝဲသ့ၣ်တလီယၤဘၣ်.” လၢတၢ်န့ၣ်အဃိအဝဲဒၣ်အုၣ်က့ၤခီၣ်က့ၤအဝဲသ့ၣ်,

လံာ်ယံးရမံယၤ 30:22

အဝဲသ့ၣ်ကမ့ၢ်ယပှၤဂီၢ်မုၢ်, ဒီးယကမ့ၢ်အဝဲသ့ၣ် အကစၢ်ယွၤန့ၣ်လီၤ. ယၤ, ယွၤအံၤ, ကတိၤလံၤတၢ်လံ.”

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ယဃ့းစက့လး 20:19

ယမ့ၢ်ယွၤသုကစၢ်ယွၤန့ၣ်လီၤ. စူၢ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးယတၢ်မၤလိာ်တဖၣ်န့ၣ်တက့ၢ်.

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်တၢ်ဘူၣ်ထီၣ်ဘါထီၣ် 11:44

ယမ့ၢ်ယွၤ, သုကစၢ်, ဒီးသုကဘၣ်ပာ်စီဆှံသုသးလီၤ. အဂ့ၢ်ဒ်အံၤ, ယစီဆှံယဲဒၣ်လီၤ.

လံာ်တၢ်ဘူၣ်ထီၣ်ဘါထီၣ် 11:45

ယမ့ၢ်ယွၤလၢအထုးထီၣ်သုလၢကီၢ်အဲၤကူပတူးအပူၤဒ်သိးယကမ့ၢ်သုကစၢ်ယွၤန့ၣ်လီၤ. သုကဘၣ်စီဆှံဝဲမ့ၢ်လၢယစီဆှံအဃိန့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်တၢ်ဂံၢ် 15:41

ယဲဒၣ်အံၤ, ယမ့ၢ်ယွၤသုကစၢ်ယွၤ, ယဒုးဟးထီၣ်ကွံာ်သုလၢကီၢ်အဲၤကူပတူးပူၤ ဒ်သိးယကမ့ၢ်သုကစၢ်ယွၤန့ၣ်လီၤ. ယမ့ၢ်ယွၤန့ၣ်လီၤ.”

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

လံာ်သိၣ်လီၤသီလီၤတၢ် 14:2

သုဘၣ်ဃးဒီးယွၤသုကစၢ်ယွၤန့ၣ်လီၤ. အဝဲဃုထၢတ့ၢ်သုလၢသု ကမ့ၢ်အဝဲအပှၤဂီၢ်မုၢ်ဒၣ်ဝဲလၢကယဲၢ်ပှၤဂီၢ်မုၢ်တဖၣ်လၢအအိၣ်လၢ ဟီၣ်ခိၣ်အံၤအကျါန့ၣ်လီၤ.

လံာ်သိၣ်လီၤသီလီၤတၢ် 26:18

မုၢ်မဆါတနံၤအံၤယွၤတူၢ်လိာ်သုဒ်အပှၤဂီၢ်မုၢ်ဒၣ်ဝဲအသိး, ဒ်အဝဲအၢၣ်လီၤတ့ၢ်တၢ်ဒီးသုအသိးန့ၣ်လီၤ. ဒီးအဝဲမၤလိာ်သုလၢသုကစူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီခဲလၢာ်န့ၣ်လီၤ.

လံာ်သိၣ်လီၤသီလီၤတၢ် 29:12

တနံၤအံၤသုအိၣ်ဖဲအံၤလၢသုကနုာ်လီၤဆူတၢ်အၢၣ်လီၤအီလီၤ အံၤလၢယွၤ, သုကစၢ်ယွၤမၤဝဲဒီးသုအပူၤဒီးလၢသုကတူၢ်လိာ်အတၢ်ဘျုးတၢ်ဖှိၣ်တဖၣ်အဂီၢ်,

လံာ်သိၣ်လီၤသီလီၤတၢ် 29:13

ဒ်သိးခဲအံၤယွၤကပာ်ဂၢၢ်ပာ်ကျၢၤသုဒ်အဝဲအပှၤဂီၢ်မုၢ်အသိး ဒီးအဝဲကမ့ၢ်သုကစၢ်ယွၤ, ဒ်အဝဲအၢၣ်လီၤတ့ၢ်သုဒီးသုပၢ်ဖးဒိၣ်လၢပျၢၤတဖၣ်လၢအမ့ၢ် စီၤအၤဘြၤဟၣ်, စီၤအံၤစဲးဒီးစီၤယၤကိာ်အသိးန့ၣ်လီၤ.

လံာ်သိၣ်လီၤသီလီၤတၢ် 29:5

လၢအနံၣ်လွံၢ်ဆံအတီၢ်ပူၤ, ယွၤဆှၢတ့ၢ်သုခီဖျိပှၢ်မုၢ်ကနၢ, ဒီးသုကူသုသိးဒီးသုခီၣ်ဖံးတဖၣ်တလီၢ်လံၤကွံာ်ဘၣ်.

လံာ်သိၣ်လီၤသီလီၤတၢ် 4:20

မ့မ့ၢ်, သုမ့ၢ်ပှၤဂီၢ်မုၢ်လၢအဝဲအုၣ်က့ၤခီၣ်က့ၤဝဲလၢကီၢ် အဲၤကူပတူးတခီ, လၢဖၣ်ကပူၤလၢအကဲၤကပျီၤအပူၤန့ၣ်လီၤ. အဝဲထုးထီၣ်ကွံာ်သုဒ်သိးကဒုးကဲထီၣ်သုလၢအပှၤဂီၢ်မုၢ်ဒ်သု မ့ၢ်တၢ်တနံၤအံၤအသိးန့ၣ်လီၤ.

လံာ်သိၣ်လီၤသီလီၤတၢ် 7:6

မၤတၢ်အံၤ, မ့ၢ်လၢသုဘၣ်ဃးဒီးယွၤ, သုကစၢ်ယွၤအဃိန့ၣ်လီၤ. လၢပှၤဂီၢ်မုၢ်လၢဟီၣ်ခိၣ်ဒီဘ့ၣ်အကျါန့ၣ်, အဝဲဃုထၢထီၣ်သုလၢကမ့ၢ်အဝဲအပှၤဂီၢ်မုၢ်လီၤဆီဝဲန့ၣ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

လံာ်လီၣ်ဖျါ 21:3

ယနၢ်ဟူတၢ်ကလုၢ်ဖးဒိၣ်ကတိၤလီၤတၢ်လၢလီၢ်ပစိာ်ဒီးစံး, “ခဲကနံၣ်အံၤ, ကစၢ်ယွၤအဟံၣ်အိၣ်ဝဲလၢတၢ်လီၢ်တပူၤဃီ ဒီးပှၤဟီၣ်ခိၣ်ဖိလီၤ. အဝဲဒၣ်ကအိၣ်ကဆိးဒီးအဝဲသ့ၣ်, ဒီးအဝဲသ့ၣ်ကမ့ၢ်အဝဲဒၣ်အပှၤဂီၢ်မုၢ်လီၤ. ကစၢ်ယွၤအနီၢ်ကစၢ်ဒၣ်ဝဲကအိၣ်တပူၤဃီဒီးအဝဲသ့ၣ်, ဒီးအဝဲဒၣ်ကမ့ၢ်အဝဲသ့ၣ်အကစၢ်ယွၤလီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.