လံာ်တၢ်ဟးထီၣ်ကွံာ် 6:4 - Sgaw Karen Common Bible

⁴ ဒီးယမၤစ့ၢ်ကီးတၢ်အၢၣ်လီၤအီလီၤဒီးအဝဲသ့ၣ်, ဒီးယအၢၣ်လီၤလၢယကဟ့ၣ်အဝဲသ့ၣ်လၢကီၢ်ကနၤဧၣ်, ကီၢ်လၢအဝဲသ့ၣ်အိၣ်ဆိးဝဲဒ်ပှၤတခီဘီမုၢ်ဖိတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 6:4 Iomraidhean Croise

လံာ်တၢ်ကဲထီၣ်အခီၣ်ထံး 12:7

ယွၤလီၣ်ဖျါထီၣ်အသးလၢစီၤအၤဘြၣ်ဒီးစံးဘၣ်အီၤ, “အဝဲအံၤမ့ၢ်ထံကီၢ်တဘ့ၣ်လၢယကဟ့ၣ်လီၤနစၢၤနသွဲၣ်တဖၣ်န့ၣ် လီၤ.” တုၤနုၤတစုစီၤအၤဘြၣ်မၤထီၣ်တၢ်လုၢ်လီၢ်ဖဲန့ၣ်ဆူယွၤလၢ အလီၣ်ဖျါထီၣ်အသးလၢအီၤအဂီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 15:13

ယွၤစံးဘၣ်အီၤ, “နစၢၤနသွဲၣ်တဖၣ်ကကဲထီၣ်ပှၤသမှံၤလၢပှၤတခီ ဘီမုၢ်အကီၢ်တဘ့ၣ်အပူၤလီၤ. အဝဲသ့ၣ်ကကဲထီၣ်ကုၢ်တဖၣ်ဖဲန့ၣ်ဒီးကဘၣ်တၢ်မၤအီၤအၢအၢသီသီ အနံၣ်လွံၢ်ကယၤန့ၣ်လီၤ.

လံာ်တၢ်ကဲထီၣ်အခီၣ်ထံး 15:18

တုၤနုၤတစု, ယွၤမၤတၢ်အၢၣ်လီၤအီလီၤဒီးစီၤအၤဘြၣ်ဖဲန့ၣ် လီၤ. ဒီးယွၤစံးဘၣ်စီၤအၤဘြၣ်, “ယအၢၣ်လီၤလၢယကဟ့ၣ်လီၤနစၢၤနသွဲၣ် တဖၣ်လၢထံကီၢ်ဒီဘ့ၣ်အံၤစးထီၣ်လၢကီၢ်အဲၤကူပတူးအဆၢဒီး တုၤလီၤဆူထံကျိဖရၤသး,

လံာ်တၢ်ကဲထီၣ်အခီၣ်ထံး 17:13

ပှၤကိးဂၤဒဲးကဘၣ်ဒိးတၢ်ကူးတရံးဒီးတၢ်အံၤမ့ၢ်နီၢ်ခိအတၢ် ပနီၣ်လၢအပာ်ဖျါထီၣ်ယတၢ်အၢၣ်လီၤအီလီၤဒီးသုမ့ၢ်တၢ်လီၤထူ လီၤယိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 17:4

“ယမၤတၢ်အၢၣ်လီၤအီလီၤအံၤဒီးနၤလီၤ. ယအၢၣ်လီၤတၢ်လၢနကကဲထီၣ်ပှၤအါကလုာ်အတၢ်လီၤစၢၤလီၤသွဲၣ်အပၢ် ဖးဒိၣ်လၢပျၢၤန့ၣ်လီၤ.

လံာ်တၢ်ကဲထီၣ်အခီၣ်ထံး 23:4

“ယဲဒၣ်အံၤယမ့ၢ်ပှၤတခီဘီမုၢ်ဖိတဂၤလၢအအိၣ်ဆိးဖဲအံၤလၢ သုကျါလီၤ. ဆါန့ၢ်ယၤတၢ်လီၢ်တနီၤဒ်သိးယ ခူၣ်လီၤယမါကသ့အဂီၢ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 26:3

အိၣ်ဖဲအံၤဒီးယကအိၣ်ဒီးနၤဒီးယကဆိၣ်ဂ့ၤနၤလီၤ. ယကဟ့ၣ်လီၤတၢ်လီၢ်ခဲလၢာ်အံၤလၢနၤဒီးနစၢၤနသွဲၣ်တဖၣ်န့ၣ် လီၤ. ယကဟံးဃာ်ယတၢ်အၢၣ်လီၤလၢယမၤတ့ၢ်ဒီးနပၢ်စီၤအၤဘြၤဟၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 26:4

ယကဟ့ၣ်နၤနစၢၤနသွဲၣ်တဖၣ်အါဝဲဒ်ဆၣ်ဧိၤဖီဧိၤလၢမူခိၣ်အသိး ဒီးယကဟ့ၣ်အဝဲသ့ၣ်လၢတၢ်လီၢ်ခဲလၢာ်အံၤန့ၣ်လီၤ. ကယဲၢ်ပှၤကလုာ်ခဲလၢာ်ကဃ့ယၤလၢယကဆိၣ်ဂ့ၤအဝဲသ့ၣ်ဒ်ယဆိၣ်ဂ့ၤ တ့ၢ်နစၢၤနသွဲၣ်အသိးန့ၣ်လီၤ.

လံာ်တၢ်ကဲထီၣ်အခီၣ်ထံး 28:13

ဒီးယွၤအိၣ်ဆၢထၢၣ်လၢအကပၤဒီးစံးဝဲ, “ယမ့ၢ်ယွၤ, စီၤအၤဘြၤဟၣ်ဒီးစီၤအံၤစဲးအကစၢ်ယွၤန့ၣ်လီၤ. ယကဟ့ၣ်နၤဒီးနစၢၤနသွဲၣ်တဖၣ်လၢကီၢ်အံၤလၢနမံလီၤလၢအဖီခိၣ် အံၤန့ၣ်လီၤ.

လံာ်တၢ်ကဲထီၣ်အခီၣ်ထံး 28:4

မ်ယွၤဆိၣ်ဂ့ၤနၤဒီးနစၢၤနသွဲၣ်တဖၣ်ဒ်အဆိၣ်ဂ့ၤတ့ၢ်စီၤအၤ ဘြၤဟၣ်အသိးဒီးမ်နကန့ၢ်သါကီၢ်လၢနအိၣ်တ့ၢ်လံလၢအပူၤလၢ ကစၢ်ယွၤဟ့ၣ်တ့ၢ်စီၤအၤဘြၤဟၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 6:18

ဘၣ်ဆၣ်ဒီး, ယကမၤတၢ်အၢၣ်လီၤအီလီၤတမံၤဒီးနၤလီၤ. လဲၤနုာ်ဆူကဘီပူၤဃုာ်ဒီးနမါ, နဖိခွါတဖၣ်ဒီးအမါတဖၣ် န့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

စံးထီၣ်ပတြၢၤ 105:11

အဝဲစံးဝဲ, “ယကဟ့ၣ်လီၤနၤလၢ ကီၢ်ကနၤဧၣ်, ဒီး တၢ်န့ၣ်ကမ့ၢ်နတၢ်န့ၢ်သါဒၣ်နဲလီၤ.”

စံးထီၣ်ပတြၢၤ 105:12

ကစၢ်ယွၤအပှၤဂီၢ်မုၢ်အနီၣ်ဂံၢ်စှၤဝဲ, မ့ၢ်ပှၤတမှံၤလၢကီၢ်ကနၤဧၣ်အပူၤလီၤ.

လံာ်တၢ်ဟးထီၣ်ကွံာ် 13:4

သုဟးထီၣ်ကွံာ်လၢကီၢ်အဲၤကူပတူးအပူၤလၢမုၢ်တနံၤအံၤ, လၢလါခီၣ်ထံးကတၢၢ်တလါ, လါအၤဘံာ်အပူၤန့ၣ်လီၤ.

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်တၢ်ဂံၢ် 10:29

ဒီးစီၤမိၤၡ့စံးဘၣ်အမါအဒီပုၢ်ဝဲၢ်ခွါ, ပှၤမံးဒယၣ်ဖိစီၤယံးသရိၣ်အဖိခွါစီၤဃိဘးစံးဝဲ, “ပကစးထီၣ်ပတၢ်လဲၤဆူတၢ်လီၢ်လၢယွၤစံးတ့ၢ်ဝဲလၢကဟ့ၣ်ပှၤ န့ၣ်လီၤ. အဝဲအၢၣ်လီၤအီလီၤတ့ၢ်ဝဲလၢကဒုးဘီၣ်ထီၣ်ညီထီၣ်အံၣ်စရ့လး အဃိဟဲဃုာ်ဒီးပှၤ, ဒီးပကဟ့ၣ်နီၤလီၤနၤလၢပတၢ်ဘီၣ်ထီၣ်ညီထီၣ်န့ၣ်လီၤ.”

မၤတၢ် 7:5

ဖဲန့ၣ်အကတီၢ်, ကစၢ်ယွၤတဟ့ၣ်အီၤဟီၣ်ခိၣ်နီတက့လၢကကဲအတၢ် ဒၣ်ဝဲန့ၣ်ဘၣ်. ထဲတပျၢ်ဧိၤဒၣ်လဲာ်တဟ့ၣ်ဝဲဘၣ်. ဘၣ်ဆၣ်, ကစၢ်ယွၤအၢၣ်လီၤအီလီၤဝဲလၢအကဟ့ၣ်အီၤဟီၣ်ခိၣ်အံၤ လၢအကကဲထီၣ်အတၢ်ဒၣ်ဝဲဒီးအစၢၤအသွဲၣ်တဖၣ်အတၢ် န့ၣ်လီၤ. ဖဲကစၢ်ယွၤမၤတၢ်အၢၣ်လီၤအီလီၤတမံၤအံၤ အကတီၢ်န့ၣ်, စီၤအၤဘြၤဟၣ်အဖိအလံၤတအိၣ်နီတဂၤဘၣ်.