လံာ်တၢ်ဟးထီၣ်ကွံာ် 6:27 - Sgaw Karen Common Bible

²⁷ အဝဲသ့ၣ်မ့ၢ်ပှၤလၢအတဲဘၣ်ကီၢ်အဲၤကူပတူးအစီၤပၤလၢကဒုးဟးထီၣ်ကွံာ် ပှၤအံၣ်စရ့လးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 6:27 Iomraidhean Croise

စံးထီၣ်ပတြၢၤ 105:26

အန့ၣ်ဒီး, အဝဲမၢလီၤအခ့အပှၤစီၤမိၤၡ့ ဒီးစီၤအၤဟရိၣ်လၢအဃုထၢတ့ၢ်ဝဲန့ၣ်လီၤ.

စံးထီၣ်ပတြၢၤ 77:20

နဆှၢနပှၤဂီၢ်မုၢ်ဒ်သိတဖုအသိး လၢစီၤမိၤၡ့ဒီးစီၤအၤဟရိၣ်အစုန့ၣ်လီၤ.

လံာ်တၢ်ဟးထီၣ်ကွံာ် 32:7

ယွၤစံးဘၣ်စီၤမိၤၡ့, “က့ၤလီၤကဒါက့ၤတဘျီဃီတက့ၢ်. အဂ့ၢ်ဒ်အံၤ, နပှၤဂီၢ်မုၢ်လၢနဆှၢထီၣ်အီၤလၢကီၢ်အဲၤကူပတူး န့ၣ်မၤလံတၢ်ဒဲးဘးဒီးညိကွံာ်ယၤလံ.

လံာ်တၢ်ဟးထီၣ်ကွံာ် 33:1

ဒီးယွၤစံးဘၣ်စီၤမိၤၡ့, “နၤဒီးပှၤဂီၢ်မုၢ်လၢနထုးထီၣ် ကွံာ်အီၤလၢကီၢ်အဲၤကူပတူးအပူၤန့ၣ်ဟးထီၣ်လၢတၢ်လီၢ်အံၤ ဒီးလဲၤဆူကီၢ်တဘ့ၣ်လၢယအၢၣ်လီၤအီလီၤတ့ၢ်လၢအက ဟ့ၣ်လီၤဆူစီၤအၤဘြၤဟၣ်, စီၤအံၤစဲး, စီၤယၤကိာ်ဒီးအစၢၤ အသွဲၣ်တဖၣ်အအိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 6:13

ဒီးယွၤမၤလိာ်စီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “တဲဘၣ်ပှၤအံၣ်စရ့လးဖိတဖၣ်ဒီးကီၢ်အဲၤကူပတူးအစီၤပၤလၢ ယမၤလိာ်သုလၢသုကဒုးဟးထီၣ်ကွံာ်ပှၤအံၣ်စရ့လးဖိ လၢကီၢ်အဲၤကူပတူးအပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 6:26

ဒီးစီၤအၤဟရိၣ်ဒီးစီၤမိၤၡ့တဖၣ်မ့ၢ်ပှၤတဖၣ်လၢကစၢ်ယွၤစံး ဘၣ်အဝဲသ့ၣ်, “ကဲခိၣ်ကဲနၢ်ဒီးဒုးဟးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤတက့ၢ်.” န့ၣ်လီၤ.

လံာ်တၢ်ဟးထီၣ်ကွံာ် 6:28

ဒီးမုၢ်တနံၤလၢကစၢ်ယွၤကတိၤတၢ်ဒီးစီၤမိၤၡ့လၢကီၢ်အဲၤကူပတူးအပူၤန့ၣ်,

လံာ်တၢ်ဟးထီၣ်ကွံာ် 7:10

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးမၤဝဲဒ်ယွၤမၤလိာ်ဝဲအသိးန့ၣ်လီၤ. စီၤအၤဟရိၣ်တ့ၢ်လီၤအနီၣ်ထိးဘိ လၢစီၤပၤဒီးအပဒိၣ်တဖၣ်အမဲာ်ညါ, ဒီးကဲထီၣ်ဝဲလၢဂုၢ်တဘိလီၤ.

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

လံာ်စီၤယိၤၡူ 24:5

လၢခံဒီး, ယဆှၢလီၤစီၤမိၤၡ့ဒီးစီၤအၤဟရိၣ်ဒီးယဒုး လီၤဘၣ်တၢ်ကီတၢ်ခဲဖးဒိၣ်လၢကီၢ်အဲၤကူပတူး အလိၤန့ၣ်လီၤ. ဘၣ်ဆၣ်ယထုးထီၣ်ကွံာ်သုန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:6

စီၤၡမူၤအ့လးကတိၤဒံးတၢ်ဆူညါ, “ယွၤမ့ၢ်ပှၤတဂၤလၢအဃု ထၢထီၣ်စီၤမိၤၡ့စီၤအၤဟရိၣ်ဒီးမ့ၢ်ပှၤထုးထီၣ်သုမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤန့ၣ်လီၤ.