လံာ်တၢ်ဟးထီၣ်ကွံာ် 6:12 - Sgaw Karen Common Bible

¹² ဒီးစီၤမိၤၡ့စံးဆၢဝဲဒၣ်, “ပှၤအံၣ်စရ့လးဖိတဖၣ်ဒၣ်လဲာ် တဒိကနၣ်ယကလုၢ်ဘၣ်. ဒီးကီၢ်အဲၤကူပတူးအစီၤပၤကကနၣ် ယကလုၢ်ဒ်လဲၣ်. အဂ့ၢ်ဒ်အံၤယမ့ၢ်ပှၤလၢအကတိၤတၢ်တသ့ ဘၣ်တဂၤအဃိန့ၣ်လီၤ.”

လံာ်တၢ်ဟးထီၣ်ကွံာ် 6:12 Iomraidhean Croise

လံာ်တၢ်ဟးထီၣ်ကွံာ် 3:11

ဒီးစီၤမိၤၡ့စံးဘၣ်ကစၢ်ယွၤ, “ယဲဒၣ်အံၤယတမ့ၢ်တၢ်နီတမံၤ ဘၣ်. ယကလဲၤဆူစီၤပၤအအိၣ်ဒီးထုးထီၣ်ကွံာ်ပှၤအံၣ်စရ့လးဖိတဖၣ် လၢကီၢ်အဲၤကူပတူးအပူၤကသ့ဒ်လဲၣ်.”

လံာ်တၢ်ဟးထီၣ်ကွံာ် 3:13

ဒီးစီၤမိၤၡ့စံးဆၢဝဲဒၣ်, “တုၤယလဲၤဆူပှၤအံၣ်စရ့လးဖိ သ့ၣ်တဖၣ်အအိၣ်ဒီးစံးဘၣ်အဝဲသ့ၣ်, သုပၢ်တဖၣ်အကစၢ်ယွၤဆှၢလီၤယၤဆူသုအိၣ်လီၤ. ဒီးအဝဲသ့ၣ်ကသံကွၢ်ယၤ ကစၢ်ယွၤအံၤအမံၤဒ်လဲၣ်ဒီးယကစံးဘၣ် အီၤဒ်လဲၣ်.”

လံာ်တၢ်ဟးထီၣ်ကွံာ် 4:1

ဒီးစီၤမိၤၡ့စံးဆၢယွၤ, “ပှၤအံၣ်စရ့လးဖိတဖၣ်မ့ၢ်တနာ် ယၤဒီးတဒိကနၣ်ဘၣ်တၢ်လၢယတဲအီၤ, ဒီးမ့ၢ်စံးဝဲဒၣ်လၢနတလီၣ်ဖျါထီၣ်နသးလၢယၤဘၣ်န့ၣ်ယကဘၣ်မၤ ဒ်လဲၣ်.”

လံာ်တၢ်ဟးထီၣ်ကွံာ် 4:10

တုၤနုၤတစုစီၤမိၤၡ့စံးဘၣ်ယွၤ, “ယွၤဧၢ, လၢသီမ့ၢ်ဂ့ၤ, စးထီၣ်လၢနကတိၤတၢ်ဒီးနခ့နပှၤမ့ၢ်ဂ့ၤ, ယတမ့ၢ်ပှၤကတိၤတၢ်သ့ နီတစုဘၣ်. အဂ့ၢ်ဒ်အံၤ, ယမ့ၢ်ပှၤလၢအထးခိၣ်ဒီးအပျ့ၤဃၢန့ၣ်လီၤ.”

လံာ်တၢ်ဟးထီၣ်ကွံာ် 6:13

ဒီးယွၤမၤလိာ်စီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “တဲဘၣ်ပှၤအံၣ်စရ့လးဖိတဖၣ်ဒီးကီၢ်အဲၤကူပတူးအစီၤပၤလၢ ယမၤလိာ်သုလၢသုကဒုးဟးထီၣ်ကွံာ်ပှၤအံၣ်စရ့လးဖိ လၢကီၢ်အဲၤကူပတူးအပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 6:30

ဘၣ်ဆၣ်စီၤမိၤၡ့စံးဆၢဝဲဒၣ်, “နသ့ၣ်ညါလၢယမ့ၢ်ပှၤလၢအကတိၤတၢ်တသ့ဘၣ်တဂၤလီၤ. ဒီးစီၤပၤကကနၣ်ယကလုၢ်ဒ်လဲၣ်.”

လံာ်တၢ်ဟးထီၣ်ကွံာ် 6:9

ဒီးစီၤမိၤၡ့တဲဘၣ်တၢ်အံၤဆူပှၤအံၣ်စရ့လးဖိတဖၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ဘၣ်ဝဲဘၣ်. အဂ့ၢ်ဒ်အံၤ, အဝဲသ့ၣ်အသးဟးဂီၤလၢတၢ်မၢကဲကုၢ်အီၤအၢအၢသီသီ အဃိန့ၣ်လီၤ.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 1:6

ယစံးဆၢယဲ, “ယွၤပၢဘၣ်တၢ်ခဲလၢာ်ကစၢ်ဧၢ, ယကဘၣ်ကတိၤ တၢ်ဒ်လဲၣ်န့ၣ်ယတသ့ၣ်ညါယဲဘၣ်. ယသးစၢ်ကဲၣ်ဆိးဒံးလီၤ.”

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယံးရမံယၤ 9:26

ကယဲၢ်ပှၤသ့ၣ်တဖၣ်အံၤခဲလၢာ်ဘၣ်တၢ်ကူးတရံးတ့ၢ်အီၤ, ဘၣ်ဆၣ်ဒီးအဝဲသ့ၣ်တတိၢ်န့ၢ်ဖံးဃာ်ဘၣ်တၢ်အၢၣ်လီၤအီလီၤလၢ တၢ်ကူးတရံးအံၤမ့ၢ်အတၢ်ပနီၣ်န့ၣ်ဘၣ်. ပှၤဂီၢ်မုၢ်တဖၣ်အံၤဒီး အံၣ်စရ့လးအပှၤဂီၢ်မုၢ်တဖၣ်တတိၢ်န့ၢ်ဖံးဃာ်ဘၣ် ယတၢ်အၢၣ်လီၤအံၤနီတဖုနီတဂၤဘၣ်.”

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.