လံာ်တၢ်ဟးထီၣ်ကွံာ် 6:11 - Sgaw Karen Common Bible

¹¹ “လဲၤဒီးတဲဘၣ်ကီၢ်အဲၤကူပတူးအစီၤပၤလၢအကဘၣ်ပျဲ ပှၤအံၣ်စရ့လးဖိတဖၣ်ဟးထီၣ်လၢအကီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 6:11 Iomraidhean Croise

လံာ်တၢ်ဟးထီၣ်ကွံာ် 3:10

ဒီး, ခဲကနံၣ်အံၤ, ယဆှၢလီၤနၤဆူကီၢ်အဲၤကူပတူးအစီၤပၤဖၤ ရိၤအအိၣ်ဒ်သိးနကထုးထီၣ်ကွံာ်ယပှၤဂီၢ်မုၢ်ပှၤအံၣ်စရ့လးဖိ လၢကီၢ်အဲၤကူပတူးပူၤန့ၣ်လီၤ.”

လံာ်တၢ်ဟးထီၣ်ကွံာ် 4:22

ဒီးနဘၣ်စံးဘၣ်စီၤပၤဖၤရိၤ, ယွၤစံးဝဲဒၣ်, ‘အံၣ်စရ့လးမ့ၢ်ယဖိဝဲၢ်ကိန့ၣ်လီၤ.

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 5:1

ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 5:23

စးထီၣ်လၢယလဲၤဆူစီၤပၤအအိၣ်ဒီးကတိၤတၢ်လၢနဂီၢ်န့ၣ်, အဝဲမၤအၢပှၤဂီၢ်မုၢ်နးနးကလဲာ်န့ၣ်လီၤ. ဒီးနတမၤဒံးတၢ်နီတမံၤလၢကမၤစၢၤအဝဲသ့ၣ်အဂီၢ်ဘၣ်.

လံာ်တၢ်ဟးထီၣ်ကွံာ် 6:10

ဒီးယွၤကတိၤတၢ်ဒီးစီၤမိၤၡ့ဒီးစံးဝဲဒၣ်

လံာ်တၢ်ဟးထီၣ်ကွံာ် 6:29

အဝဲစံးဝဲဒၣ်, “ယဲဒၣ်အံၤယမ့ၢ်ယွၤလီၤ. တၢ်လၢယတဲဘၣ်နၤတမံၤလၢ်လၢ်န့ၣ်တဲဘၣ်ကီၢ်အဲၤကူပတူး အစီၤပၤတက့ၢ်.”

လံာ်တၢ်ဟးထီၣ်ကွံာ် 7:1

ဒီးယွၤစံးဘၣ်စီၤမိၤၡ့, “ယကဒုးကဲထီၣ်နၤလီၤဂာ်ဒ်သိး ကစၢ်ယွၤလၢအဲၤကူပတူးအစီၤပၤအဂီၢ်ဒီးနဒီပုၢ်ဝဲၢ်စီၤအၤ ဟရိၣ်ကကတိၤတၢ်ဒီးအီၤဒ်ဝံတဂၤအသိးန့ၣ်လီၤ.