လံာ်တၢ်ဟးထီၣ်ကွံာ် 5:6 - Sgaw Karen Common Bible

⁶ ဒီးလၢမုၢ်တနံၤဃီန့ၣ်အဲၤကူပတူးအစီၤပၤမၤလိာ်ဝဲဒၣ်ပှၤ အဲၤကူပတူးဖိလၢအကွၢ်ထွဲကုၢ်သ့ၣ်တဖၣ်ဒီးပှၤအံၣ်စရ့လးဖိ လၢအကွၢ်ထွဲတၢ်ဖံးတၢ်မၤတဖၣ်, ဒီးစံးဝဲဒၣ်,

လံာ်တၢ်ဟးထီၣ်ကွံာ် 5:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 26:11

အဝဲအိၣ်ဒီးအသုးမုၢ်ဖးဒိၣ်တဖုလၢအအိၣ်ကတဲာ်ကတီၤအသးလၢ ကဒုးတၢ်အဂီၢ်န့ၣ်လီၤ. တၢ်ကွဲးနီၣ်တဖၣ်လၢအဘၣ်ထွဲဒီးသုးမုၢ်ဖးဒိၣ်န့ၣ်, ဘၣ်တၢ်ပၢၤဃာ်အီၤလၢအပှၤကွဲးလံာ်တဖၣ်လၢအမ့ၢ်ဝဲ, စီၤယံၤအ့လးဒီးစီၤမၤစ့ယၤ, လၢအအိၣ်ဝဲလၢစီၤပၤအပှၤမၤ တၢ်ဖိတဂၤလၢအမ့ၢ်ဝဲစီၤဃနၤနယၤအတၢ်ပၢအဖီလာ်န့ၣ်လီၤ.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 5:10

ပှၤအဲၤကူပတူးဖိလၢအမၢကုၢ်တၢ်တဖၣ်ဒီးပှၤအံၣ်စရ့လးဖိလၢ အကွၢ်ထွဲတၢ်ဖံးတၢ်မၤတဖၣ်ဟးထီၣ်ဝဲဒီးကတိၤတၢ်ဒီးပှၤဂီၢ် မုၢ်ဒီးစံးဝဲဒၣ်, “စီၤပၤစံးဒ်အံၤ, ယတဟ့ၣ်သုဘုလီၢ်လၢၤဘၣ်.

လံာ်တၢ်ဟးထီၣ်ကွံာ် 5:19

ဒီးပှၤအံၣ်စရ့လးဖိလၢအကွၢ်ထွဲတၢ်ဖံးတၢ်မၤတဖၣ်သ့ၣ်ညါဝဲ ဒၣ်လၢအအိၣ်လၢတၢ်ကီတၢ်ခဲအပူၤဖဲအဝဲသ့ၣ်ဘၣ်တၢ်တဲ အီၤလၢကဘၣ်မၤတၢးခီအနီၣ်ဂံၢ်ပှဲၤသိးဒီးအနီၣ်ဂံၢ်ဒ်လၢညါ အသိးကိးမုၢ်နံၤန့ၣ်လီၤ.

လံာ်တၢ်ဟးထီၣ်ကွံာ် 5:7

“တဘၣ်ဟ့ၣ်ပှၤဂီၢ်မုၢ်လၢဘုလီၢ်လၢကမၤတၢးခီအဂီၢ်တဂ့ၤ. မၢအလဲၤဃုဒၣ်အတၢ်တက့ၢ်.

တၢ်ကတိၤဒိ. 12:10

ပှၤအဂ့ၤတဂၤကဟုကယာ်အဆၣ်ဖိကီၢ်ဖိတဖၣ်လီၤ. မ့မ့ၢ်, ပှၤအၢပှၤသီတဖၣ်အၢသီလၢအဆၣ်ဖိကီၢ်ဖိအဖီခိၣ်န့ၣ် လီၤ.

လံာ်တၢ်ဂံၢ် 11:16

ယွၤစံးဘၣ်စီၤမိၤၡ့, “ကိးဖှိၣ်ပှၤအဂၤနွံဆံလၢအဘၣ်တၢ် ယူးယီၣ်ပာ်ကဲအီၤဒီးဘၣ်တၢ်သ့ၣ်ညါအီၤဒ်ပှၤဂီၢ်မုၢ်အခိၣ်အနၢ် တဖၣ်, ဟဲကိးအီၤဆူယွၤအိၣ်ဝဲဆိးဝဲအဒဲစီဆှံဒီးတဲဘၣ်အဝဲသ့ၣ် လၢကဆၢထၢၣ်ဖဲန့ၣ်လၢနကပၤတက့ၢ်.

လံာ်သိၣ်လီၤသီလီၤတၢ် 1:15

မၤသးဒ်န့ၣ်ဒီး, ယဟံးန့ၢ်ပှၤကူၣ်တၢ်သ့ဒီးခိၣ်နၢ်တဖၣ်လၢအတၢ် လဲၤခီဖျိအါဝဲလၢသုဃုထၢထီၣ်အီၤလၢသုဒူၣ်တဖၣ်အကျါ, ဒီးယပာ်ထီၣ်အဝဲသ့ၣ်ဒ်သုခိၣ်သုနၢ်အသိးန့ၣ်လီၤ. ပှၤတနီၤအမူအဒါအိၣ်ဝဲလၢပှၤတကထိအဖီခိၣ်, တနီၤလၢပှၤတကယၤအဖီခိၣ်, တနီၤလၢပှၤယဲၢ်ဆံအဖီခိၣ်, ဒီးတနီၤလၢပှၤတဆံအဖီခိၣ်အဂီၢ်န့ၣ်လီၤ. ယဃုထၢပာ်လီၤစ့ၢ် ကီးပှၤခိၣ်ပှၤနၢ်အဂၤတဖၣ်လၢပှၤအဒူၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 16:18

ဃုထၢပာ်လီၤပှၤစံၣ်ညီၣ်ကွီၢ်တဖၣ်ဒီးပဒိၣ်ပပှၢ်အဂၤတဖၣ်လၢ ကယဲၢ်ဝ့ၢ်တဖၣ်အပူၤလၢယွၤသုကစၢ်ယွၤဟ့ၣ်လီၤသုန့ၣ်တက့ၢ်. ပှၤတဖၣ်န့ၣ်ကဘၣ်စံၣ်ညီၣ်ပှၤဂီၢ်မုၢ်တအိၣ်ဘၣ်ဒီးတၢ်ကွၢ်မဲာ်ဘၣ် န့ၣ်လီၤ.

လံာ်စီၤယိၤၡူ 24:1

စီၤယိၤၡူပာ်ဖှိၣ်အံၣ်စရ့လးအဒူၣ်တဖၣ်ခဲလၢာ် ဖဲၡက့ၣ်ဒီးကိးန့ၢ်ပှၤသူၣ်က့သးပှၢ်တဖၣ်, ပှၤခိၣ်ပှၤနၢ်တဖၣ်, စံၣ်ညီၣ်ကွီၢ်တဖၣ်ဒီးအံၣ်စရ့လးအပှၤကွဲး လံာ်တဖၣ်ဒီးအဝဲသ့ၣ်ခဲလၢာ်ပာ်ဖှိၣ်အသးလၢယွၤအမဲာ်ညါလီၤ.

လံာ်စီၤယိၤၡူ 24:4

ဒီးယဟ့ၣ်လီၤစီၤအံၤစဲးန့ၣ်လၢစီၤယၤကိာ်ဒီးစီၤဧ့ၡီၤ လီၤ. ယဟ့ၣ်လီၤစီၤဧ့ၡီၤလၢကစၢၢ်စ့ဧၢ်လၢအတၢ်န့ၢ်သါအဂီၢ်, မ့မ့ၢ်စီၤယၤကိာ်ဒီးအဖိအလံၤခဲလၢာ်လဲၤလီၤဆူအဲၤကူပတူး န့ၣ်လီၤ.

လံာ်စီၤယိၤၡူ 8:33

ပှၤအံၣ်စရ့လးဖိတဖၣ်, ဃုာ်ဒီးအခိၣ်အနၢ်တဖၣ်, အသုးခိၣ်သုးနၢ်တဖၣ်, ဒီးစံၣ်ညီၣ်ကွီၢ်တဖၣ်, ဃုာ်ဒီးပှၤတခီဘီမုၢ်ဖိလၢအကျါတဖၣ်, ဆၢထၢၣ်လၢယွၤအတၢ်အၢၣ်လီၤအီလီၤအတလါအကပၤခံကပၤလိာ်ဒီး ကွၢ်ဃီၤတၢ်ဆူပှၤလ့ၤဝံဖိပှၤလုၢ်တၢ်အခိၣ်တဖၣ်လၢအစိာ်တလါ အအိၣ်န့ၣ်လီၤ. ပှၤတဝာ်ဆၢထၢၣ်ဝဲဒီးဒီအချၢဆူကစၢၢ်ကရံးစံၣ်ဒီး အဂၤတဝာ်ဒီအချၢဆူကစၢၢ်ဧ့ၤဘါလးန့ၣ်လီၤ. ယွၤအခ့အပှၤစီၤမိၤၡ့မၤလိာ်တ့ၢ်အဝဲသ့ၣ်လၢကမၤတၢ်အံၤဖဲ တၢ်ဆၢကတီၢ်တုၤဃီၤဝဲလၢအဝဲသ့ၣ်ကဒိးန့ၢ်ဘၣ်တၢ်ဆိၣ်ဂ့ၤအဂီၢ် န့ၣ်လီၤ.