လံာ်တၢ်ဟးထီၣ်ကွံာ် 5:3 - Sgaw Karen Common Bible

³ ဒီးစီၤမိၤၡ့ဒီးစီၤအၤဟရိၣ်စံးဝဲဒၣ်, “ပှၤဧ့ၤဘြံၤဖိအကစၢ်ယွၤလီၣ်ဖျါထီၣ်အသးလၢပှၤလံ. ဒုးလဲၤလၢ်ပှၤသၢနံၤကျဲဆူပှၢ်မုၢ်ကနၢဒ်သိးပကလုၢ်တၢ်ပာ်တၢ်ဆူယွၤ, ပကစၢ်ယွၤအအိၣ်တက့ၢ်. ပမ့ၢ်တမၤဘၣ်ဒ်န့ၣ်ဒီးအဝဲကမၤသံပှၤလၢတၢ်ဆူးတၢ်ဆါဒီးတၢ်ဒုးတၢ်ယၤန့ၣ်လီၤ.”

လံာ်တၢ်ဟးထီၣ်ကွံာ် 5:3 Iomraidhean Croise

လံာ်စီၤပၤခံဘ့ၣ်တဘ့ၣ် 17:25

ဖဲအဝဲသ့ၣ်ဘၣ်တၢ်ပာ်လီၤအီၤသီသီန့ၣ်, အဝဲသ့ၣ်တဘူၣ်ထီၣ်ဘါ ထီၣ်ယွၤဘၣ်. ဒီးလၢတၢ်န့ၣ်အဃိ, ယွၤဆှၢလီၤခ့ယုၢ်တဖၣ်လၢအမၤသံပှၤတနီၤ လၢအဝဲသ့ၣ်အကျါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်စီၤဧ့စြၤ 7:23

သုကဘၣ်ပာ်သူၣ်ပာ်သးသပှၢ်ပှၢ်လၢသုကဟ့ၣ်တၢ်လိၣ်တမံၤလၢ်လၢ်လၢ မူခိၣ်အကစၢ်ယွၤလိၣ်ဘၣ်ဝဲလၢအတၢ်လုၢ်ဟံၣ်အဂီၢ်, ဒီးမၤလီၤတံၢ်လၢအဝဲတသးထီၣ်ယၤမ့ၢ်ဂ့ၤ, ပှၤပၢတၢ်လၢယလီၢ်ခံတဖၣ်မ့ၢ်ဂ့ၤနီတစုဘၣ်တက့ၢ်.

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 7:16

တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.

လံာ်တၢ်ဟးထီၣ်ကွံာ် 8:1

တုၤနုၤတစုယွၤစံးဘၣ်စီၤမိၤၡ့, ဒီးစံးဝဲဒၣ်, “လဲၤဆူစီၤပၤအအိၣ်ဒီးတဲဘၣ်အီၤလၢယွၤစံးဝဲဒၣ်, ပျၢ်ယပှၤဂီၢ်မုၢ်, ဒ်သိးအဝဲသ့ၣ်လဲၤဘူၣ်ထီၣ်ဘါထီၣ်ယၤကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:20

ဒီးယွၤစံးဘၣ်စီၤမိၤၡ့, “ခဲဂီၤကိာ်ဂီၤဂီၤန့ၣ်လဲၤထံၣ် လိာ်စီၤပၤဖဲအလဲၤဆူထံနံၤဒီးတဲဘၣ်အီၤလၢယွၤစံးဝဲဒ်အံၤ, “ပျၢ်ယပှၤဂီၢ်မုၢ်ဒ်သိးအဝဲသ့ၣ်ကဘူၣ်ထီၣ်ဘါထီၣ်ယၤအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:27

ပကဘၣ်လဲၤတၢ်သၢနံၤကျဲဆူပှၢ်မုၢ်ကနၢအပူၤဒီးလုၢ်တၢ်ပာ်တၢ် ဆူယွၤ, ပကစၢ်ယွၤအအိၣ်ဒ်အဝဲမၤလိာ်တ့ၢ်ပှၤအသိးန့ၣ်လီၤ.”

လံာ်ယဃ့းစက့လး 6:11

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, တၢၤပံာ်ထီၣ်နစုခိၣ်ဒီး ယူာ်ထီၣ်အီၤတက့ၢ်. ဆဲးထူနခီၣ်တက့ၢ်. ဟီၣ်တၢ်ယၢၤတၢ်လၢတၢ်သးအုးအပူၤ, လၢတၢ်အၢတၢ်သီခဲလၢာ်ဒီးတၢ်လီၤသးဘၣ်အၢတဖၣ်လၢပှၤအံၣ်စရ့ လးဖိတဖၣ်မၤတ့ၢ်ဝဲအဃိန့ၣ်တက့ၢ်. အဝဲသ့ၣ်ကဘၣ်သံဝဲလၢတၢ်ဒုးတၢ်ယၤအပူၤ, မ့တမ့ၢ်လၢတၢ်သၣ် ဝံၤလီၤဒိအဃိ, မ့တမ့ၢ်လၢတၢ်ဆူးတၢ်ဆါအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်သိၣ်လီၤသီလီၤတၢ် 28:21

အဝဲကဆှၢဃီၤတၢ်ဆူးတၢ်ဆါတမံၤဝံၤတမံၤလၢသုလိၤတုၤလီၤလၢ သုကျါပှၤတအိၣ်လီၤတဲာ်တ့ၢ်ဘၣ်နီတဂၤလၢ ကီၢ်လၢသုကဘၣ်မၤန့ၢ်အီၤအပူၤဘၣ်န့ၣ်လီၤ.