လံာ်တၢ်ဟးထီၣ်ကွံာ် 5:22 - Sgaw Karen Common Bible

²² ဒီးစီၤမိၤၡ့က့ၤကဒါက့ၤကဒီးဆူယွၤအအိၣ်ဒီးစံးဝဲ, “ကစၢ်ဧၢ, ဘၣ်မနုၤလၢနမၤအၢနပှၤဂီၢ်မုၢ်အံၤန့ၣ်လဲၣ်. ဘၣ်မနုၤလၢနမၢလီၤယၤဖဲအံၤန့ၣ်လဲၣ်.

လံာ်တၢ်ဟးထီၣ်ကွံာ် 5:22 Iomraidhean Croise

လံာ်စီၤပၤအခီၣ်ထံးတဘ့ၣ် 19:10

အဝဲစံးဆၢဝဲ, “ယွၤ, သ့တၢ်လၢာ်ကစၢ်ယွၤဧၢ, ထီဘိယမၤတ့ၢ်နတၢ်မၤဒီးမၤဒၣ်ထဲတဂၤဧိၤအတၢ်မၤန့ၣ်လီၤ. မ့မ့ၢ်ကီၢ်အံၣ်စရ့လးအပှၤဂီၢ်မုၢ်မၤဟးဂီၤကွံာ်အတၢ်အၢၣ်လီၤ ဒီးနၤ, မၤလီၤပှီၢ်ကွံာ်နတၢ်လုၢ်လီၢ်တဖၣ်ဒီးမၤသံကွံာ်လံနဝံခဲလၢာ် န့ၣ်လီၤ. ယမ့ၢ်ပှၤထဲတဂၤဧိၤလၢအအိၣ်လီၤတဲာ်, ဒီးအဝဲသ့ၣ်ကျဲးစၢးမၤ သံယၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:4

ဒီးစီၤအ့ၤလံယၤလဲၤတၢ်သ့တနံၤကျၢၤဆူပှၢ်လၢ်ကျါန့ၣ်လီၤ. အဝဲအိၣ်ကတီၢ်ဒီးဆ့ၣ်နီၤဝဲလၢသ့ၣ်တထံးအကဒုအဖီလာ်ဒီးဆၢ ဝဲလၢကသံန့ၣ်လီၤ. အဝဲဘါထုကဖၣ်စံးဝဲ, “ယွၤဧၢ, တၢ်အံၤနးဒိၣ်မးလီၤ. ဟံးထီၣ်ကွံာ်ယသးသမူတက့ၢ်. အဂ့ၢ်ဒ်အံၤ, ယတဂ့ၤအါန့ၢ်စ့ၢ်ကီးယမိၢ်ပၢ်ဖံဖုလၢပျၢၤတဖၣ်ဘၣ်.”

စံးထီၣ်ပတြၢၤ 73:25

နမ့ၢ်ဒၣ်ပှၤထဲတဂၤဧိၤလၢ ယဒိးန့ၢ်ဘၣ်လၢမူခိၣ်န့ၣ်လီၤ. မ့ၢ်လၢယဒိးန့ၢ်ဘၣ်လံနၤအဃိ ယလိၣ်ဘၣ်ဒံး တၢ်မနုၤတမံၤလၢဟီၣ်ခိၣ်ချၢန့ၣ်လဲၣ်.

လံာ်တၢ်ဟးထီၣ်ကွံာ် 17:4

ဒီးစီၤမိၤၡ့ဘါထုကဖၣ်တၢ်ဆူယွၤအအိၣ်သပှၢ်ပှၢ်ဒီးစံး, “ယကမၤပှၤဂီၢ်မုၢ်အံၤဒ်လဲၣ်. အဝဲသ့ၣ်အိၣ်ကတဲာ်ကတီၤလံအသးလၢကကွံာ်သံယၤလၢလၢၢ်န့ၣ်လီၤ.”

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ယံးရမံယၤ 20:7

ယွၤဧၢ, နလံၣ်န့ၢ်လီန့ၢ်ယၤ ဒီးယဘၣ်တၢ်လံၣ်န့ၢ်လီန့ၢ်ယၤလံ. နဂံၢ်ဆူၣ်ဘါဆူၣ်န့ၢ်ယၤတက့ၢ် ဒီးနမၤနၢၤကွံာ်ယၤလီၤ. ပှၤခဲလၢာ်နံၤဘၣ်ဖၣ်လဲယၤ ဒီးဒုၣ်ဒွဲၣ်ပယွဲယၤကိးမုၢ်နံၤမုၢ်နၤဒဲးန့ၣ်လီၤ.

လံာ်ယံးရမံယၤ 4:10

အန့ၣ်ဒီးယစံး, “ယွၤပၢဘၣ်တၢ်ခဲလၢာ်ကစၢ်ဧၢ, ဝ့ၢ်ယရူၤၡလ့ၣ် အပှၤဂီၢ်မုၢ်တဖၣ်နလီန့ၢ်အီၤလၢာ်လၢာ်ဆ့ဆ့လီၤ. နစံးတ့ၢ်လၢ တၢ်ဃူတၢ်ဖိးကအိၣ်ဝဲလီၤ. ဘၣ်ဆၣ်ဒီးနးတဘ့ၣ်အိၣ်ဘူးဒီး အဝဲသ့ၣ်အကိာ်ယူၢ်တဖၣ်န့ၣ်လီၤ.”

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်တၢ်ဂံၢ် 11:11

ဒီးအဝဲဒၣ်စံးဘၣ်ယွၤ, “ဘၣ်မနုၤလၢနမၤဘၣ်ယၤအၢထဲအံၤ န့ၣ်လဲၣ်. ဘၣ်မနုၤလၢနတဘၣ်နသးလၢယၤန့ၣ်လဲၣ်. ဘၣ်မနုၤလၢနဟ့ၣ်ယၤမူဒါလၢပှၤဂီၢ်မုၢ်အံၤအဂီၢ်န့ၣ်လဲၣ်.

လံာ်စီၤယိၤၡူ 7:7

ဒီးစီၤယိၤၡူစံးဝဲဒၣ်, “အၣ်လါ, ကစၢ်ယွၤဧၢ, ဘၣ်မနုၤအဃိလၢနဒုးခီဂာ်ပှၤထံကျိ ယၢ်ဒ့ၣ်န့ၣ်လဲၣ်. မ့ၢ်လၢနကဟ့ၣ်လီၤပှၤဆူပှၤအမိၢ်ဖိအစုပူၤ လၢကမၤဟးဂီၤပှၤအဂီၢ်န့ၣ်ဧါ. ဘၣ်မနုၤအဃိလၢပတအိၣ်ဒၣ်လၢထံကျိယၢ်ဒ့ၣ်အမုၢ်ထီၣ်တခီပၤန့ၣ် လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 30:6

ခဲအံၤစီၤဒၤဝံးန့ၣ်အိၣ်လၢတၢ်ကီတၢ်ခဲဖးဒိၣ်အပူၤလီၤ. အဂ့ၢ်ဒ်အံၤ, အပှၤခဲလၢာ်အသးဆါခၣ်ဒိၣ်ဒိၣ်ကလဲာ်လၢအဖိအမါတဖၣ် လီၤမၢ်ကွံာ်အဃိန့ၣ်လီၤ. ဒီးအဝဲသ့ၣ်မၤပျံၤမၤဖုးစီၤဒၤဝံးလၢကကွံာ်သံအီၤလၢလၢၢ်လီၤ. ဘၣ်ဆၣ်ဒီးယွၤ, အကစၢ်ယွၤဟ့ၣ်အီၤလၢတၢ်သူၣ်ဒူသးဒူန့ၣ်လီၤ.