လံာ်တၢ်ဟးထီၣ်ကွံာ် 5:21 - Sgaw Karen Common Bible

²¹ ဒီးအဝဲသ့ၣ်စံးဘၣ်စီၤမိၤၡ့ဒီးစီၤအၤဟရိၣ်, “ယွၤထံၣ်တၢ်လၢသုမၤန့ၣ်ဒီးကစံၣ်ညီၣ်သု, မ့ၢ်လၢသုထိၣ်ဂဲၤစီၤပၤဒီးအခ့အပှၤတဖၣ်အသးလၢကသးဟ့ပှၤအဃိန့ၣ်လီၤ. ဒီးသုဟ့ၣ်အဝဲသ့ၣ်တၢ်ပျဲတမံၤဒ်သိးအကမၤသံပှၤန့ၣ်လီၤ.”

လံာ်တၢ်ဟးထီၣ်ကွံာ် 5:21 Iomraidhean Croise

လံာ်တၢ်ကဲထီၣ်အခီၣ်ထံး 16:5

တုၤနုၤတစု, နီၢ်စၤရဲစံးဘၣ်စီၤအၤဘြၣ်, “နီၢ်ဟၤကၢ်ပာ်ယၤဒ်ယတမ့ၢ်တၢ်နီတမံၤအသိးန့ၣ်မ့ၢ်ဒၣ်နတၢ်ကမၣ်လီၤ. ယနီၢ်ကစၢ်ဒၣ်ယဲယဟ့ၣ်လီၤအီၤလၢနၤဒီးစးထီၣ်လၢအသ့ၣ်ညါဝဲ လၢအဒၢထီၣ်န့ၣ်, ပာ်ယၤဒ်ယတမ့ၢ်တၢ်နီတမံၤဘၣ်အသိးန့ၣ်လီၤ. မ်ယွၤစံၣ်ညီၣ်တၢ်လၢနၤဒီးယၤအံၤမ့ၢ်မတၤအတၢ်ဘၣ်လဲၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 31:53

စီၤအၤဘြၤဟၣ်အကစၢ်ယွၤဒီးစီၤနၤဃိာ်အကစၢ်ယွၤကစံၣ်ညီၣ်တၢ် လၢပဘၢၣ်စၢၤန့ၣ်လီၤ.” တုၤနုၤတစုစီၤယၤကိာ်မၤတၢ်အၢၣ်လီၤသညူးသပှၢ်လၢကပၢၤဃးဝဲ လၢကစၢ်ယွၤလၢအပၢ်စီၤအံၤစဲးဘူၣ်ထီၣ်ဘါထီၣ်ဝဲတဂၤအမံၤ အပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 34:30

စီၤယၤကိာ်စံးဘၣ်စီၤစူၤမ့းအိၣ်ဒီးစီၤလ့ၤဝံ, “သုဒုးလီၤဘၣ်ယၤလၢတၢ်ကိၢ်တၢ်ဂီၤအပူၤလံ. ခဲကနံၣ်အံၤပှၤကနၤဧၣ်ဖိ တဖၣ်, ပှၤပရးစးဖိတဖၣ်ဒီးကယဲၢ်ပှၤအိၣ်လၢကီၢ်ပူၤတဂၤလၢ်လၢ် ကသးဟ့ယၤလီၤ. ယတအိၣ်ဒီးပှၤပိာ်ခွါအါဂၤဘၣ်. အဝဲသ့ၣ်ခဲလၢာ်မ့ၢ်ပာ်ဖှိၣ်ထီၣ်အသး, ထီဒါယၤဒီးဒုးယၤန့ၣ် ပဒူၣ်ဖိထၢဖိဒီတဒူၣ်ညါကဟးဂီၤကွံာ်ဝဲန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 10:6

ပှၤဧၣ်မိၣ်ဖိတဖၣ်ထံၣ်သ့ၣ်ညါဝဲလၢအဝဲသ့ၣ်ဒုးကဲထီၣ်စီၤဒၤ ဝံးလၢအဝဲသ့ၣ်အဒုၣ်အဒါလံ, သတးဒီးအဝဲသ့ၣ်ဒိးလဲန့ၢ်ဝဲ ပှၤစူၤရံအသုးဖိအဂၤခံကလးလၢဝ့ၢ်ဘ့ၤသရဃိာ်ဒီးဝ့ၢ်စိဘၤ, ပှၤအဂၤတကလးခံကထိလၢဝ့ၢ်တိာ်ဒီးကိးဝ့ၢ်မကၤအစီၤပၤဃုာ် ဒီးအပှၤတကထိဂၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 19:6

စီၤပၤဃၤနူၣ်ဒီးပှၤဧၣ်မိၣ်ဖိသ့ၣ်တဖၣ်သ့ၣ်ညါဝဲဒၣ်လၢအဒုး ကဲထီၣ်ဘၣ်တ့ၢ်စီၤဒၤဝံးလၢအဝဲသ့ၣ်အဒုၣ်အဒါ, အဃိအဝဲသ့ၣ်ဟ့ၣ်လီၤစ့အကံကၢ်တကထိလၢကဒိလဲပာ်, လ့ၣ်ကဟၣ်ဒီးပှၤဒိးကသ့ၣ်သုးဖိတဖၣ်လၢကီၢ်မ့းစပတၤမံအထးခီ ဒီးလၢကီၢ်စူၤရံအကီၢ်ဆၣ်တဖၣ်လၢအမ့ၢ်ဝဲမၤကၤဒီးစိဘၤန့ၣ်လီၤ.

လံာ်တၢ်ဟးထီၣ်ကွံာ် 14:11

ဒီးအဝဲသ့ၣ်စံးဘၣ်စီၤမိၤၡ့, “လၢကီၢ်အဲၤကူပတူးအပူၤ န့ၣ်မ့ၢ်တၢ်သွၣ်ခိၣ်တအိၣ်ဘၣ်အဃိနဟဲကိးပှၤဆူပှၢ်မုၢ်ကနၣ်အပူၤအံၤလၢပကသံအဂီၢ်ဧါ. ဘၣ်မနုၤလၢနမၤပှၤလၢတၢ်အံၤလၢနထုးထီၣ်ပှၤလၢကီၢ်အဲၤကူပတူးအပူၤန့ၣ်လဲၣ်.

လံာ်တၢ်ဟးထီၣ်ကွံာ် 15:24

ပှၤဂီၢ်မုၢ်ကဒူးကဒ့ၣ်တၢ်ဆူစီၤမိၤၡ့အအိၣ်ဒီးသံကွၢ်ဝဲ, “ပကဘၣ်အီတၢ်မနုၤလဲၣ်.”

လံာ်တၢ်ဟးထီၣ်ကွံာ် 16:2

ဒီးလၢပှၢ်မုၢ်ကနၢအပူၤန့ၣ်အဝဲသ့ၣ်ခဲလၢာ်ကဒူးကဒ့ၣ်တၢ်ဆူ စီၤမိၤၡ့ဒီးစီၤအၤဟရိၣ်အအိၣ်,

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

လံာ်တၢ်ဟးထီၣ်ကွံာ် 5:20

ဒီးဖဲအဝဲသ့ၣ်ဟးထီၣ်လၢစီၤပၤဖၤရိာ်အအိၣ်န့ၣ်ဘၣ်သဃိာ်ဒီး စီၤမိၤၡ့ဒီးစီၤအၤဟရိၣ်လၢအအိၣ်ခိးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 6:9

ဒီးစီၤမိၤၡ့တဲဘၣ်တၢ်အံၤဆူပှၤအံၣ်စရ့လးဖိတဖၣ်လီၤ. ဘၣ်ဆၣ်ဒီးအဝဲသ့ၣ်တဒိကနၣ်ဘၣ်ဝဲဘၣ်. အဂ့ၢ်ဒ်အံၤ, အဝဲသ့ၣ်အသးဟးဂီၤလၢတၢ်မၢကဲကုၢ်အီၤအၢအၢသီသီ အဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:1

သၣ်ဘုလါအသံတဖၣ်န့ၣ်, မၤနၢအုၣ်သိနၢမူဒီပလီသ့လီၤ. ဒီးတၢ်သူၣ်တထံသးတဆးတစဲးတြူာ်ကွံာ်တၢ်ကူၣ်သ့အဒိၣ် ကတၢၢ်သ့လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယိၤအ့လး 2:20

ယကသုးကွံာ်ဒွဲၣ်ဧိၤသကံၤဧိၤအဖုအဂီၢ်လၢအဟဲလၢကလံၤစိး ဒီးနီၣ်ကွံာ်အဝဲသ့ၣ်တနီၤဆူပှၢ်မုၢ်ကနၢလီၤ. ယကနီၣ်ကွံာ်အခိၣ်လၢတၢ်မဲာ်ညါတဖၣ်ဆူပီၣ်လဲၣ်သံအပူၤဒီး အခိၣ်လၢတၢ်လီၢ်ခံတဖၣ်ဆူပီၣ်လဲၣ်ဖးဒိၣ်အပူၤန့ၣ်လီၤ. အဝဲသ့ၣ်အစိာ်တဖၣ်ကနၢအုၣ်ဒီးယကမၤဟးဂီၤကွံာ်အဝဲသ့ၣ် လၢတၢ်လၢမၤဘၣ်တ့ၢ်သုခဲလၢာ်အဃိန့ၣ်လီၤ.

လံာ်တၢ်ဂံၢ် 14:22

ပှၤဂီၢ်မုၢ်အံၤတလဲၤနုာ်ဘၣ်ဆူကီၢ်တဘ့ၣ်န့ၣ်အပူၤနီ တဂၤဘၣ်. အဝဲသ့ၣ်ထံၣ်ဘၣ်တ့ၢ်ယတၢ်အိၣ်ယဲအတၢ်ကပြုၢ်ကပြီၤဒီး တၢ်လီၤလးတဖၣ်လၢယမၤတ့ၢ်ယဲလၢကီၢ်အဲၤကူပတူးအပူၤဒီးလၢ ပှၢ်မုၢ်ကနၢအပူၤ, ဘၣ်ဆၣ်ဒီးအဝဲသ့ၣ်မၤကွၢ်တ့ၢ်ယတၢ်သးစူၤ တဘျီဝံၤတဘျီဒီးဂ့ၢ်လိာ်ဝဲလၢကစူၢ်ယၤအဂီၢ်န့ၣ်လီၤ.

လံာ်တၢ်ဂံၢ် 14:3

ဘၣ်မနုၤလၢယွၤဆှၢပှၤဆူကီၢ်အဝဲန့ၣ်အပူၤလဲၣ်. ပကဘၣ်တၢ်မၤသံပှၤလၢတၢ်ဒုးတၢ်ယၤအပူၤ, ဒီးပမါတဖၣ်ဒီးပဖိတဖၣ်ကဘၣ်တၢ်ဖီၣ်န့ၢ်အီၤလီၤ. တဂ့ၤဒိၣ်လၢပက့ၤကဒါက့ၤဆူကီၢ်အဲၤကူပတူးဘၣ်ဧါ.”

လံာ်စီၤၡမူၤအ့လးအခီၣ်ထံးတဘ့ၣ် 13:4

ကယဲၢ်ပှၤအံၣ်စရ့လးဖိတဖၣ်ဘၣ်တၢ်တဲဘၣ်အီၤလၢစီၤစီလူးမၤသံကွံာ် ပှၤဖလ့ၡသးဖိအသုးခိၣ်ဒိၣ်ဒီးလၢပှၤဖလ့ၡသးဖိ တဖၣ်သးဟ့အဝဲသ့ၣ်အဂ့ၢ်န့ၣ်လီၤ. လၢတၢ်န့ၣ်အဃိပှၤဂီၢ်မုၢ်စံးဆၢတၢ်ကိးဒ်သိးကပာ်ဖှိၣ်အသး ဃုာ်ဒီးစီၤစီလူးဖဲဝ့ၢ်ကံးလကၤလးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:12

မ့မ့ၢ်ဒီးစီၤအၤကံၣ်နာ်စီၤဒၤဝံးဒီးစံးလီၤအသး, “အဝဲဘၣ်တၢ်သးဟ့အီၤနးနးကလဲာ်လၢ အပှၤကလုာ်ပှၤအံၣ်စရ့လးဖိဒၣ်ဝဲ ဒီးအဝဲကဘၣ်မၤယခ့ယပှၤအတၢ်မၤလၢအတၢ်အိၣ်မူတစိၤဒၣ်အီၤန့ၣ်လီၤ.”