လံာ်တၢ်ဟးထီၣ်ကွံာ် 5:2 - Sgaw Karen Common Bible

² ဒီးစီၤပၤစံးဝဲဒၣ်, “ယွၤမ့ၢ်မတၤတဂၤလၢယကဘၣ်ဒိကနၣ်အကလုၢ်ဒီးပျၢ်ပှၤအံၣ်စရ့ လးဖိန့ၣ်လဲၣ်. ယတသ့ၣ်ညါဘၣ်ယွၤဘၣ်. ဒီးယတပျၢ်စ့ၢ်ကီးပှၤအံၣ်စရ့လးဖိဘၣ်.”

လံာ်တၢ်ဟးထီၣ်ကွံာ် 5:2 Iomraidhean Croise

လံာ်စီၤပၤခံဘ့ၣ်တဘ့ၣ် 18:35

ထံကီၢ်တဖၣ်န့ၣ်အကစၢ်တဖၣ်တဂၤဂၤမၤပူၤဖျဲးတ့ၢ်အထံကီၢ်လၢ စီၤပၤဖးဒိၣ်အစုပူၤတစုစုအခါဖဲလဲၣ်. လၢတၢ်န့ၣ်အဃိမ့ၢ်တၢ်မနုၤဒုးဆိကမိၣ်သုလၢယွၤအုၣ်က့ၤခီၣ် က့ၤဝ့ၢ်ယရူၤရှလ့ၣ်သ့ဝဲန့ၣ်လဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:14

ကယဲၢ်ထံကီၢ်တဖၣ်န့ၣ်အကစၢ်တဖၣ်အကျါတဂၤဂၤမၤပူၤဖျဲးတ့ၢ်အထံ အကီၢ်လၢပစုပူၤအခါဖဲလဲၣ်. မ့မ့ၢ်ဒ်န့ၣ်အဃိ, တၢ်လၢအဒုးဆိကမိၣ်သုလၢသုကစၢ်ကမၤပူၤဖျဲးသုန့ၣ်မ့ၢ်မနုၤလဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:15

ခဲကနံၣ်အံၤ, ပျဲစီၤဃံးစကံယၤလီန့ၢ်သုမ့ၢ်ဂ့ၤ, ဆှၢကမၣ်သုမ့ၢ်ဂ့ၤဒ်န့ၣ်တဂ့ၤ, နာ်အီၤတဂ့ၤ. အဂ့ၢ်ဒ်အံၤ, ပှၤတကလုာ်ဂ့ၤတကလုာ်ဂ့ၤန့ၣ်အကစၢ်လၢအမၤပူၤဖျဲးအပှၤဂီၢ်မုၢ် လၢကီၢ်စူၤရံအစီၤပၤဖးဒိၣ်အစုပူၤကသ့တအိၣ်နီတဂၤဘၣ်. လၢတၢ်န့ၣ်အဃိသုဝဲသုကစၢ်အံၤမၤပူၤမၤဖျဲးသုတသ့လ့ၤတက့ၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 32:19

အဝဲသ့ၣ်ကတိၤတၢ်ဘၣ်ဃးဒီးဝ့ၢ်ယရူၤၡလ့ၣ်အကစၢ်ယွၤအဂ့ၢ်, တမံၤဃီဒ်အဝဲသ့ၣ်ကတိၤတၢ်ဘၣ်ဃးဒီးပှၤဂီၢ်မုၢ်အဂၤတဖၣ်အကစၢ် တဖၣ်လၢအမ့ၢ်တၢ်ဂီၤတၢ်ဖီၣ်တဖၣ်လၢအဘၣ်တၢ်မၤအီၤလၢပှၤ ကညီအစုတဖၣ်အသိးန့ၣ်လီၤ.

လံာ်စီၤနဃ့မယၤ 9:10

နမၤတ့ၢ်တၢ်လီၤကမၢကမၣ်လီၤလးတဖၣ်ထီဒါစီၤပၤ, ထီဒါအပဒိၣ်ပပှၢ်တဖၣ်ဒီးပှၤဂီၢ်မုၢ်လၢအထံအကီၢ် န့ၣ်လီၤ. အဂ့ၢ်ဒ်အံၤ, နသ့ၣ်ညါတ့ၢ်လံအဝဲသ့ၣ်အတၢ်မၤအၢနပှၤကလုာ်ဒ်လဲၣ် န့ၣ်လီၤ. နမံၤဟူထီၣ်သါလီၤတ့ၢ်စးထီၣ်ဖဲန့ၣ်ဒီးအိၣ်ဝဲတုၤမုၢ်မဆါ တနံၤအံၤန့ၣ်လီၤ.

လံာ်စီၤယိၤဘး 15:25

တၢ်န့ၣ်မ့ၢ်ပှၤလၢ အယူာ်ထီၣ်အစုထီဒါ ကစၢ်ယွၤဒီး တၤတၢ်ဒီးသ့တၢ်လၢာ်ကစၢ်ယွၤ, အတၢ်ဟဲဝံဟဲစိာ်န့ၣ်လီၤ.

လံာ်စီၤယိၤဘး 15:26

အဝဲဒၣ်န့ၣ်ပာ်ထီၣ်ထီအသးဒီးပူထီၣ်တၢ်လီၤ.

လံာ်စီၤယိၤဘး 21:15

အဝဲသ့ၣ်ဆိကမိၣ်ဝဲလၢအလီၢ်တအိၣ်လၢကမၤကစၢ်ယွၤအတၢ် မၤမ့ၢ်ဂ့ၤ, အဘျူးတအိၣ်လၢကဘါထုကဖၣ်တၢ်ဆူယွၤအအိၣ် မ့ၢ်ဂ့ၤန့ၣ်ဘၣ်.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 12:4

“လၢပတၢ်ကတိၤတဖၣ်အဃိ ပဒိးန့ၢ်ဘၣ်တၢ်လၢပလိၣ်ဘၣ်လီၤ. ပကစံးတၢ်လၢပသးအိၣ်စံး ဒီးပှၤတြီပှၤတသ့နီတဂၤဘၣ်လီၤ.”

စံးထီၣ်ပတြၢၤ 12:5

“ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်, “အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ် ဘၣ်တၢ်ဆီၣ်ဘံၣ်ဆီၣ်ဘၢအီၤ, ဒီးပှၤလၢအလိၣ်ဘၣ်တၢ်မၤစၢၤတဖၣ် ကအုကစွါထီၣ်ဝဲအဃိလီၤ. ယကဟ့ၣ်အဝဲသ့ၣ်တၢ်ပူၤဖျဲးလၢ အဆၢဒိးန့ၢ်ဘၣ်ဝဲန့ၣ်လီၤ.”

စံးထီၣ်ပတြၢၤ 14:1

ပှၤဟးဂီၤဖိစံးလၢအသးကံၢ်ပူၤ, “ကစၢ်ယွၤတအိၣ်ဘၣ်.” အဝဲသ့ၣ်ခဲလၢာ်ဟးဂီၤဝဲ ဒီးမၤတၢ်လၢအလီၤသးဘၣ်အၢလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်.

လံာ်တၢ်ဟးထီၣ်ကွံာ် 3:19

ယသ့ၣ်ညါလၢကီၢ်အဲၤကူပတူးအစီၤပၤန့ၣ်မ့တမ့ၢ်ဘၣ်လၢတၢ်စိ ဒိၣ်ကမီၤထီအစုဒုၣ်အတၢ်မၤဆူၣ်အီၤဘၣ်န့ၣ်ဒီးတပျဲသုဘၣ်.

လံာ်တၢ်ဟးထီၣ်ကွံာ် 7:17

ဒီးခဲကနံၣ်အံၤ, ကစၢ်စီၤပၤဧၢ, ယွၤစံးဝဲဒၣ်လၢနကသ့ၣ်ညါလၢ အဝဲမ့ၢ်မတၤခီဖျိတၢ်လၢအကမၤဝဲန့ၣ်လီၤ. ကွၢ်, ယကတီၢ်ထံကျိအမဲာ်ဖံးခိၣ်အံၤဒီးကကဲထီၣ်ဝဲလၢတၢ်သွံၣ် န့ၣ်လီၤ.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ယံးရမံယၤ 42:13

ဘၣ်ဆၣ်ဒီး သုဝဲပှၤဂီၢ်မုၢ်လၢ အအိၣ်လီၤတဲာ်ဒံးလၢ ကီၢ်ယူဒၤအပူၤတဖၣ်, သုတဘၣ်ဂ့ၢ်လိာ်စူၢ်ယွၤ, သုကစၢ်ယွၤမ့ၢ်ဂ့ၤ, ဂ့ၢ်လိာ်လၢ သုတအိၣ်ဆိးလၢ ကီၢ်အံၤအပူၤမ့ၢ်ဂ့ၤန့ၣ်ဘၣ်.

လံာ်ယံးရမံယၤ 48:26

ယွၤစံးဝဲဒၣ်, “ဒုးအီၤမူၤကီၢ်မိၤအးမ့ၢ် လၢအပူထီၣ်တၢ်ထီဒါတ့ၢ်ယၤအဃိ န့ၣ်တက့ၢ်. ကီၢ်မိၤအးကတလ့ၣ်အသး လၢအတၢ်ဘှိးဒၣ်ဝဲအပူၤဒီး ပှၤဂီၢ်မုၢ်ကနံၤဘၣ်ဖၣ် လဲအီၤန့ၣ်လီၤ.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

လံာ်ပှၤစံၣ်ညီၣ်ကွီၢ် 2:10

ပှၤဒီတစိၤညါန့ၣ်သံဝဲဒီးပှၤလၢခံတစိၤသးပ့ၤနီၣ်ယွၤဒီး တၢ်လၢအမၤဝဲလၢပှၤအံၣ်စရ့လးဖိအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:12

စီၤဧ့လံၤအဖိခွါတဖၣ်န့ၣ်မ့ၢ်ပှၤတတီတလိၤတဖၣ်လီၤ. အဝဲသ့ၣ်တပာ်ကဲယွၤအကလုၢ်မ့ၢ်ဂ့ၤ,

လံာ်စီၤၡမူၤအ့လးအခီၣ်ထံးတဘ့ၣ် 25:10

ဒီးလၢခံကတၢၢ်န့ၣ်, စီၤနၤဘလးစံးဆၢဝဲဒၣ်, “စီၤဒၤဝံး, အဝဲမ့ၢ်မတၤလဲၣ်ယတနၢ်ဟူအဂ့ၢ်နီတစုဘၣ်. ထံကီၢ်အံၤပှဲၤဝဲဒၣ်ဒီးကုၢ်တဖၣ်လၢအဃ့ၢ်ဟးထီၣ်လၢအကစၢ်အအိၣ် လၢမုၢ်နံၤတဖၣ်အံၤအပူၤလီၤ.