လံာ်တၢ်ဟးထီၣ်ကွံာ် 5:19 - Sgaw Karen Common Bible

¹⁹ ဒီးပှၤအံၣ်စရ့လးဖိလၢအကွၢ်ထွဲတၢ်ဖံးတၢ်မၤတဖၣ်သ့ၣ်ညါဝဲ ဒၣ်လၢအအိၣ်လၢတၢ်ကီတၢ်ခဲအပူၤဖဲအဝဲသ့ၣ်ဘၣ်တၢ်တဲ အီၤလၢကဘၣ်မၤတၢးခီအနီၣ်ဂံၢ်ပှဲၤသိးဒီးအနီၣ်ဂံၢ်ဒ်လၢညါ အသိးကိးမုၢ်နံၤန့ၣ်လီၤ.

လံာ်တၢ်ဟးထီၣ်ကွံာ် 5:19 Iomraidhean Croise

လံာ်တၢ်ဟးထီၣ်ကွံာ် 5:18

ဒီးခဲကနံၣ်အံၤလဲၤမၤတၢ်တက့ၢ်. သုတဘၣ်တၢ်ဟ့ၣ်သုလၢဘု လီၢ်ဘၣ်. ဘၣ်ဆၣ်ဒီးသုကဘၣ်မၤတၢးခီအနီၣ်ဂံၢ်ဒ်နီၣ်ဂံၢ်လၢညါ အသိးန့ၣ်လီၤ.”

လံာ်တၢ်ဟးထီၣ်ကွံာ် 5:20

ဒီးဖဲအဝဲသ့ၣ်ဟးထီၣ်လၢစီၤပၤဖၤရိာ်အအိၣ်န့ၣ်ဘၣ်သဃိာ်ဒီး စီၤမိၤၡ့ဒီးစီၤအၤဟရိၣ်လၢအအိၣ်ခိးအဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 5:8

ဘၣ်ဆၣ်ဒီးမၢအမၤဒံးတၢးခီအနီၣ်ဂံၢ်ပှဲၤသိးဒီးအမၤတ့ၢ်ဝဲဒ် လၢညါအသိးန့ၣ်တက့ၢ်. မၢအမၤစှၤလီၤတဂ့ၤ. အဂ့ၢ်ဒ်အံၤအဝဲသ့ၣ်တဖၣ်ကၢၣ်ဝဲဒၣ်သတး ဒီးဃ့ယၤအခွဲးခဲအံၤခဲအံၤလၢယကပျဲအလဲၤလုၢ်ထီၣ်တၢ်လုၢ် တၢ်ပာ်တဖၣ်ဆူပကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:8

ဖဲလၢနထံၣ်ဘၣ်ထံကီၢ်ပဒိၣ်ပပှၢ်မၤနးမၤဖှီၣ်ပှၤဖှီၣ်ဖိယာ်ဖိဒီးတပျဲ ဘၣ်အဝဲသ့ၣ်ဒိးန့ၢ်တၢ်စံၣ်ညီၣ်တီဒီးအခွဲးအယာ်တဖၣ်ဘၣ်န့ၣ်, ကမၢကမၣ်တဂ့ၤ. ပဒိၣ်ပပှၢ်ကိးဂၤဒဲးန့ၣ်ဘၣ်တၢ်ဒီဒၣ်အိၣ်ပှိၤ အီၤလၢပှၤလၢအဖီခိၣ်တဂၤ, ဒီးအဝဲသ့ၣ်ခံဂၤလိာ်န့ၣ်ဘၣ်တၢ်ဒီဒၣ်အိၣ်ပှိၤဒံးအီၤလၢ ပဒိၣ်ပပှၢ်တဖၣ်လၢအဒိၣ်န့ၢ်ထီန့ၢ်အဝဲသ့ၣ်န့ၣ်လီၤ.

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.