လံာ်တၢ်ဟးထီၣ်ကွံာ် 5:10 - Sgaw Karen Common Bible

¹⁰ ပှၤအဲၤကူပတူးဖိလၢအမၢကုၢ်တၢ်တဖၣ်ဒီးပှၤအံၣ်စရ့လးဖိလၢ အကွၢ်ထွဲတၢ်ဖံးတၢ်မၤတဖၣ်ဟးထီၣ်ဝဲဒီးကတိၤတၢ်ဒီးပှၤဂီၢ် မုၢ်ဒီးစံးဝဲဒၣ်, “စီၤပၤစံးဒ်အံၤ, ယတဟ့ၣ်သုဘုလီၢ်လၢၤဘၣ်.

လံာ်တၢ်ဟးထီၣ်ကွံာ် 5:10 Iomraidhean Croise

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 3:7

တုၤနုၤတစုယွၤစံးဝဲဒၣ်, “ယထံၣ်တ့ၢ်လံယပှၤဂီၢ်မုၢ်တဖၣ်ဘၣ် တၢ်မၤအၢမၤနးအီၤလၢကီၢ်အဲၤကူပတူးအပူၤန့ၣ်လီၤ. ယနၢ်ဟူတ့ၢ်အဝဲသ့ၣ်ကိးထီၣ်တၢ်မၤပူၤဖျဲးအီၤလၢကုၢ်ကစၢ်တဖၣ် အစုပူၤန့ၣ်လီၤ. ယသ့ၣ်ညါအဝဲသ့ၣ်အတၢ်တူၢ်ဘၣ်ခီၣ်ဘၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 5:11

သုကဘၣ်လဲၤမၤန့ၢ်အီၤဖဲသုထံၣ်န့ၢ်အီၤသ့အလီၢ်န့ၣ်လီၤ. ဘၣ်ဆၣ်ဒီးသုကဘၣ်မၤတၢးခီအနီၣ်ဂံၢ်ဒ်လၢညါအသိးန့ၣ်လီၤ.”

လံာ်တၢ်ဟးထီၣ်ကွံာ် 5:6

ဒီးလၢမုၢ်တနံၤဃီန့ၣ်အဲၤကူပတူးအစီၤပၤမၤလိာ်ဝဲဒၣ်ပှၤ အဲၤကူပတူးဖိလၢအကွၢ်ထွဲကုၢ်သ့ၣ်တဖၣ်ဒီးပှၤအံၣ်စရ့လးဖိ လၢအကွၢ်ထွဲတၢ်ဖံးတၢ်မၤတဖၣ်, ဒီးစံးဝဲဒၣ်,

လံာ်တၢ်ဟးထီၣ်ကွံာ် 5:9

မၢပှၤတဖၣ်အံၤမၤတၢ်ဆူၣ်ဆူၣ်ဒီးအါအါဒ်သိးအဆၢကတီၢ်သုတအိၣ် လၢကကနၣ်တၢ်ကတိၤကလီကလီတဂ့ၤ, န့ၣ်တက့ၢ်.”

တၢ်ကတိၤဒိ. 29:12

ပှၤပၢတၢ်တဂၤမ့ၢ်ကနၣ်ဃုာ်တၢ်ကစီၣ်တတီတလိၤတဖၣ်ဒီး, အပဒိၣ်ပပှၢ်ခဲလၢာ်ကမ့ၢ်ပှၤလီတၢ်တဖၣ်န့ၣ်လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.