လံာ်တၢ်ဟးထီၣ်ကွံာ် 5:1 - Sgaw Karen Common Bible

¹ ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 5:1 Iomraidhean Croise

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 10:4

နမ့ၢ်ဂ့ၢ်လိာ်ဒံးယၤဒီးခဲဂီၤကိာ်ယကဒုးဟဲထီၣ်ဒွဲၣ်ဧိၤ သကံၤဧိၤလၢနကီၢ်ပူၤလီၤ.

လံာ်တၢ်ဟးထီၣ်ကွံာ် 10:9

စီၤမိၤၡ့စံးဆၢဝဲဒၣ်, “ပကလဲၤဒီးပဖိဒံဖိသၣ်, ပပှၤသူၣ်က့သးပှၢ်တဖၣ်, ပဖိခွါတဖၣ်ဒီးပဖိမုၣ်တဖၣ်, ပသိ, ပမဲာ်တဲးလဲးဒီးပဂီၤဘုၣ်ဂီၤဖံးတဖၣ်န့ၣ်လီၤ. အဂ့ၢ်ဒ်အံၤပကဘၣ်မၤမူးလၢတၢ်မၤလၤကပီၤယွၤအဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 33:13

ခဲကနံၣ်အံၤနမ့ၢ်ဘၣ်သူၣ်ဘၣ်သးန့ၣ်ဒီးတဲဘၣ်ယၤလၢနတၢ်သုးတၢ် ကျဲၤဒ်သိးယကမၤနတၢ်မၤဒီးမၤတၢ်ဘၣ်နသးတက့ၢ်. သ့ၣ်နီၣ်ထီၣ်စ့ၢ်ကီးလၢနဃုထၢတ့ၢ်ပှၤကလုာ်အံၤလၢကကဲထီၣ်နတၢ် ဒၣ်နဲန့ၣ်တက့ၢ်.”

လံာ်တၢ်ဟးထီၣ်ကွံာ် 4:23

ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 6:11

“လဲၤဒီးတဲဘၣ်ကီၢ်အဲၤကူပတူးအစီၤပၤလၢအကဘၣ်ပျဲ ပှၤအံၣ်စရ့လးဖိတဖၣ်ဟးထီၣ်လၢအကီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 6:27

အဝဲသ့ၣ်မ့ၢ်ပှၤလၢအတဲဘၣ်ကီၢ်အဲၤကူပတူးအစီၤပၤလၢကဒုးဟးထီၣ်ကွံာ် ပှၤအံၣ်စရ့လးဖိတဖၣ်န့ၣ်လီၤ.

လံာ်တၢ်ဟးထီၣ်ကွံာ် 7:16

တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.

လံာ်တၢ်ဟးထီၣ်ကွံာ် 7:2

တဲဘၣ်စီၤအၤဟရိၣ်တၢ်လၢယမၤလိာ်တ့ၢ်နၤခဲလၢာ်, ဒီးအဝဲကတဲဘၣ်အဲၤကူပတူးအစီၤပၤလၢကပျၢ်ကွံာ်ပှၤအံၣ်စရ့ လးဖိလၢအကီၢ်ပူၤန့ၣ်လီၤ.

လံာ်တၢ်ဟးထီၣ်ကွံာ် 8:1

တုၤနုၤတစုယွၤစံးဘၣ်စီၤမိၤၡ့, ဒီးစံးဝဲဒၣ်, “လဲၤဆူစီၤပၤအအိၣ်ဒီးတဲဘၣ်အီၤလၢယွၤစံးဝဲဒၣ်, ပျၢ်ယပှၤဂီၢ်မုၢ်, ဒ်သိးအဝဲသ့ၣ်လဲၤဘူၣ်ထီၣ်ဘါထီၣ်ယၤကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:16

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကတီၢ်ဟီၣ် ခိၣ်လၢအနီၣ်ထိးဘိဒ်သိးဟီၣ်ခိၣ်ကမူၣ်ကကဲထီၣ်ဃးသူဃးလါလၢ ကီၢ်အဲၤကူပတူးဒီဘ့ၣ်ညါအပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 8:17

ဒီးစီၤအၤဟရိၣ်တီၢ်ဟီၣ်ခိၣ်လၢအနီၣ်ထိးဘိဒီးကယဲၢ်ဟီၣ်ခိၣ် ကမူၣ်လၢကီၢ်အဲၤကူပတူးဒီဘ့ၣ်ညါအပူၤကဲထီၣ်ဃးသူဃးလါ တဖၣ်ဒီးအိၣ်ဝဲဒၣ်လၢပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အလိၤလီၤ.

လံာ်တၢ်ဟးထီၣ်ကွံာ် 8:20

ဒီးယွၤစံးဘၣ်စီၤမိၤၡ့, “ခဲဂီၤကိာ်ဂီၤဂီၤန့ၣ်လဲၤထံၣ် လိာ်စီၤပၤဖဲအလဲၤဆူထံနံၤဒီးတဲဘၣ်အီၤလၢယွၤစံးဝဲဒ်အံၤ, “ပျၢ်ယပှၤဂီၢ်မုၢ်ဒ်သိးအဝဲသ့ၣ်ကဘူၣ်ထီၣ်ဘါထီၣ်ယၤအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:27

ပကဘၣ်လဲၤတၢ်သၢနံၤကျဲဆူပှၢ်မုၢ်ကနၢအပူၤဒီးလုၢ်တၢ်ပာ်တၢ် ဆူယွၤ, ပကစၢ်ယွၤအအိၣ်ဒ်အဝဲမၤလိာ်တ့ၢ်ပှၤအသိးန့ၣ်လီၤ.”

လံာ်တၢ်ဟးထီၣ်ကွံာ် 9:1

ဒီးယွၤစံးဘၣ်စီၤမိၤၡ့, “လဲၤဆူစီၤပၤအအိၣ်ဒီးတဲဘၣ် အီၤလၢယွၤ, ပှၤဧ့ၤဘြံၤဖိတဖၣ်အကစၢ်ယွၤစံးဝဲဒၣ်, ‘ပျၢ်ယပှၤဂီၢ်မုၢ်ဒ်သိးအဝဲသ့ၣ်ကလဲၤဘူၣ်ထီၣ်ဘါထီၣ်ယၤ အဂီၢ်တက့ၢ်.

လံာ်တၢ်ဟးထီၣ်ကွံာ် 9:2

နမ့ၢ်ဂ့ၢ်လိာ်ကဒီးလၢအဝဲသ့ၣ်ကဟးထီၣ်ဒီး,

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်မးသဲ 10:18

လၢယဃိန့ၣ်သုကဘၣ်တၢ်မိၤထီၣ်သုဆူပဒိၣ်ပပှၢ်, စီၤလိၣ်စီၤပၤတဖၣ်အမဲာ်ညါလၢတၢ်သမံသမိးအဂီၢ်ဒ်သိးဒီး သုကတဲဘၣ်အဝဲသ့ၣ်ဒီးပှၤတခီဘီမုၢ်ဖိတဖၣ်လၢတၢ် သးခုအကစီၣ်အဂီၢ်န့ၣ်လီၤ.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

မၤတၢ် 4:29

မ့မ့ၢ်ခဲကနံၣ်အံၤ, ကစၢ်ဧၢ, ကနၣ်ကွၢ်အဝဲသ့ၣ်အတၢ်ကတိၤပျံၤကတိၤဖုးတ့ၢ်ပဝဲဒၣ်တဖၣ်န့ၣ်, ဒီးဒုးစံးဒုးကတိၤပဝဲနခ့နပှၤတဖၣ်လၢနတၢ်ကစီၣ်, လၢတၢ်သူၣ်ဒူသးဒူအပူၤတက့ၢ်.

1 ကရံၣ်သူး 5:8

မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.