လံာ်တၢ်ဟးထီၣ်ကွံာ် 40:36 - Sgaw Karen Common Bible

³⁶ ပှၤအံၣ်စရ့လးဖိတဖၣ်သုးအသူၣ်ဒဲအလီၢ်, ဆူတၢ်လီၢ်အဂၤတတီၤ, ထဲဒၣ်ဖဲလၢတၢ်အၢၣ်သုးကွံာ်အသးလၢဒဲ စီဆှံအဖီခိၣ်အခါဧိၤန့ၣ်လီၤ.

လံာ်တၢ်ဟးထီၣ်ကွံာ် 40:36 Iomraidhean Croise

လံာ်စီၤနဃ့မယၤ 9:19

ဘၣ်ဆၣ်နတလဲၤသဒၣ်အဝဲသ့ၣ်ဖဲန့ၣ်လၢပှၢ်မုၢ်ကနၢအပူၤန့ၣ်ဘၣ်. အဂ့ၢ်ဒ်အံၤ, နတၢ်သးကညီၤဒိၣ်ဝဲနီၢ်မးန့ၣ်လီၤ. နတဟံးထီၣ်ကွံာ်တၢ်အၢၣ်မ့ၢ်ဂ့ၤ, မ့ၣ်အူမ့ၢ်ဂ့ၤ လၢအဒုးနဲၣ်အဝဲသ့ၣ်ကျဲလၢမုၢ်နံၤဒီးမုၢ်နၤန့ၣ်ဘၣ်.

စံးထီၣ်ပတြၢၤ 105:39

ကစၢ်ယွၤသလၣ်ထီၣ်တၢ်အၢၣ်လၢ အပှၤဂီၢ်မုၢ်အဖီခိၣ်ဒီး ဟ့ၣ်လီၤအီၤ မ့ၣ်အူလၢ မုၢ်နၤဒ်သိးကဟ့ၣ်အဝဲသ့ၣ်လၢတၢ်ကပီၤန့ၣ်လီၤ.

စံးထီၣ်ပတြၢၤ 78:14

လၢမုၢ်ဆါယွၤဆှၢအဝဲသ့ၣ်လၢတၢ်အၢၣ်, ဒီးသီတနၤကျၢၤလၢမ့ၣ်အူအတၢ်ကပီၤန့ၣ်လီၤ.

လံာ်တၢ်ဂံၢ် 9:17

တဘျီလၢ်လၢ်ဖဲတၢ်အၢၣ်သုးထီထီၣ်အသးန့ၣ်, ကီၢ်အံၣ်စရ့လးအပှၤ ဂီၢ်မုၢ်ရူၢ်လီၤအသူၣ်ဒဲအလီၢ်ဒီးလဲၤသူၣ်ထီၣ်က့ၤဝဲဖဲတၢ်လီၢ် လၢတၢ်အၢၣ်ဟဲလီၤဝဲန့ၣ်လီၤ.

လံာ်တၢ်ဂံၢ် 9:22

ကမ့ၢ်ဒၣ်ဝဲခံသီ, တလါ, တနံၣ်, မ့တမ့ၢ်ယံာ်န့ၢ်အဝဲန့ၣ်မ့ၢ် ဂ့ၤ, ဖဲတၢ်အၢၣ်အိၣ်ဒံးဝဲလၢဒဲစီဆှံအဖီခိၣ်န့ၣ်အဝဲသ့ၣ်တသုး အသးဆူညါဘၣ်. မ့မ့ၢ်ဖဲတၢ်အၢၣ်သုးထီထီၣ်အသးန့ၣ်, အဝဲသ့ၣ်သုးအသးန့ၣ်လီၤ.

1 ကရံၣ်သူး 10:1

ယဒီပုၢ်ဝဲၢ်သ့ၣ်ဧၢ, ယအဲၣ်ဒိးလၢသုကသ့ၣ်နီၣ်ထီၣ်က့ၤတၢ်ဘၣ်ဃးဒီး တၢ်မၤအသးဒီးပမိၢ်ပၢ်ဖံဖုလၢပျၢၤတဖၣ်အပိာ်စီၤမိၤၡ့အခံဒ်လဲၣ်အဂ့ၢ် န့ၣ်လီၤ. အဝဲသ့ၣ်ကိးဂၤဒဲးအိၣ်လၢတၢ်အၢၣ်အတၢ်ကဟုကယာ် အဖီလာ်ဒီးအဝဲသ့ၣ်ကိးဂၤဒဲးလဲၤခီဂာ်ဝဲဒၣ်ပီၣ်လဲၣ်ဂီၤပူၤပူၤ ဖျဲးဖျဲးဂ့ၤဂ့ၤဘၣ်ဘၣ်န့ၣ်လီၤ.