လံာ်တၢ်ဟးထီၣ်ကွံာ် 40:24 - Sgaw Karen Common Bible

²⁴ အဝဲဒၢနုာ်တၢ်ပာ်မ့ၣ်အူဒၢအလီၢ်လၢဒဲစီဆှံအပူၤ, လၢကလံၤထံးတကပၤကွၢ်သဃီၤလိာ်သးဒီးစီၢ်နီၤခိၣ်န့ၣ်လီၤ.

လံာ်တၢ်ဟးထီၣ်ကွံာ် 40:24 Iomraidhean Croise

စံးထီၣ်ပတြၢၤ 119:105

နကလုၢ်ကထါန့ၣ် မ့ၢ်မ့ၣ်အူဒၢတဖျၢၣ်လၢယခီၣ်အဂီၢ်, ဒီးတၢ်ကပီၤတဖျၢၣ်လၢယကျဲအဂီၢ်လီၤ.

လံာ်တၢ်ဟးထီၣ်ကွံာ် 26:35

လၢတၢ်လီၢ်စီဆှံကတၢၢ်အချၢန့ၣ်, ပာ်လီၤစီၢ်နီၤခိၣ်ဖဲဒဲစီ ဆှံအမဲာ်ညါလၢကလံၤစိးတကပၤဒီးတၢ်ပာ်မ့ၣ်အူဒၢအလီၢ်ဖဲ ကလံၤထံးတကပၤတက့ၢ်.

လံာ်တၢ်ဟးထီၣ်ကွံာ် 40:23

ဒီးလၢအဖီခိၣ်န့ၣ်ပာ်ထီၣ်ကိၣ်လၢတၢ်လုၢ်ထီၣ်ဆူယွၤအအိၣ်, ဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 40:25

ဒီးဖဲန့ၣ်လၢယွၤအမဲာ်ညါန့ၣ်, အဝဲဒွဲၣ်ကပီၤထီၣ်မ့ၣ်အူဒၢ တဖၣ်ဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 40:4

ဟဲစိာ်နုာ်စီၢ်နီၤခိၣ်ဒီးပာ်ထီၣ်တၢ်အပီးအလီလၢအလိၤတက့ၢ်. ဟဲစိာ်နုာ်စ့ၢ်ကီးတၢ်ပာ်ထီၣ်မ့ၣ်အူဒၢအလီၢ်ဒီးပာ်ထီၣ်မ့ၣ်အူဒၢတဖၣ်လၢအလိၤန့ၣ်တက့ၢ်.

လံာ်ယိၤဟၣ် 1:1

လၢထံးလၢသီန့ၣ်, တၢ်ကလုၢ်အိၣ်တ့ၢ်ဝဲ, တၢ်ကလုၢ်န့ၣ်အိၣ်ဝဲဒီးကစၢ်ယွၤဒီးတၢ်ကလုၢ်န့ၣ် မ့ၢ်တၢ်တမံၤဃီဒီးကစၢ်ယွၤန့ၣ်လီၤ.

လံာ်ယိၤဟၣ် 1:5

တၢ်ကပီၤအံၤကပီၤထီၣ်လၢတၢ်ခံးကျါဒီးတၢ်ခံးမၤဟါမၢ်ကွံာ်အီၤ တန့ၢ်ဘၣ်.

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်လီၣ်ဖျါ 1:20

အဝဲအံၤမ့ၢ်တၢ်အခီပညီခူသူၣ်ဘၣ်ဃးဒီးဆၣ်နွံဖျၢၣ်လၢ နထံၣ်ဘၣ်နဲလၢယစုထွဲပူၤ, ဒီးမ့ၣ်အူဒၢထူနွံဖျၢၣ်န့ၣ်လီၤ. ဆၣ်နွံဖျၢၣ်န့ၣ်မ့ၢ်ဝဲတၢ်အိၣ်ဖှိၣ်နွံဖုအကလူးတဖၣ်, ဒီးမ့ၣ်အူဒၢနွံဖျၢၣ်န့ၣ် မ့ၢ်တၢ်အိၣ်ဖှိၣ်နွံဖုန့ၣ်လီၤ.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.