လံာ်တၢ်ဟးထီၣ်ကွံာ် 40:15 - Sgaw Karen Common Bible

¹⁵ အန့ၣ်ဝံၤဒီးဖှူအဝဲသ့ၣ်ဒ်နဖှူအပၢ်အသိးဒ်သိးအဝဲသ့ၣ်မၤယတၢ် မၤဒ်ပှၤလုၢ်တၢ်အခိၣ်တဖၣ်အသိးကသ့ဝဲန့ၣ်တက့ၢ်. တၢ်အံၤမ့ၢ်ဒ်သိးကဒုးကဲထီၣ်အဝဲသ့ၣ်လၢပှၤလုၢ်တၢ်အခိၣ်တဖၣ် ဆူညါထီဘိအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 40:15 Iomraidhean Croise

စံးထီၣ်ပတြၢၤ 110:4

ယွၤမၤတၢ်အၢၣ်လီၤသမှံၤသပှၢ်တမံၤဒီး တထုးက့ၤဘၣ်ဝဲဘၣ်. “နကမ့ၢ်ပှၤလုၢ်တၢ်အခိၣ်တဂၤလီၤထူလီၤယိာ်, လၢစီၤမၤလကံစဒ့းအပှၤလုၢ်တၢ်အခိၣ်အလုၢ်အလၢ်အပူၤန့ၣ်လီၤ.”

လံာ်တၢ်ဟးထီၣ်ကွံာ် 12:14

သုကဘၣ်မၤလၤကပီၤမုၢ်နံၤအံၤဒ်တၢ်ဘူၣ်တၢ်ဘါအဘူၣ်တဘူၣ်ဒ်သိး ကဒုးသ့ၣ်နီၣ်ထီၣ်က့ၤသုတၢ်လၢယၤ, ယွၤမၤတ့ၢ်အီၤန့ၣ်လီၤ. မၤလၤကပီၤအီၤလၢဆၢကတီၢ်လၢအကဟဲထီဘိတက့ၢ်.”

လံာ်တၢ်ဟးထီၣ်ကွံာ် 28:41

ဒုးသိးထီၣ်တၢ်ကူတၢ်သိးတဖၣ်အံၤလၢနဒီပုၢ်ဝဲၢ်စီၤအၤဟရိၣ် ဒီးအဖိခွါတဖၣ်အလိၤတက့ၢ်. အန့ၣ်ဝံၤဒီးဖှူအီၤဒီးပာ်စီဆှံအီၤလၢသ့ၣ်စၤယံးအသိဒ်သိး အကမၤယတၢ်မၤဒ်ပှၤလုၢ်တၢ်အခိၣ်တဖၣ်အသိးအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 29:9

စၢထီၣ်ယီၢ်တကိးတဖၣ်လၢအယီၢ်ဒ့ဒီးဒုးဖၢၣ်ထီၣ်အခိၣ်တဖၣ်လၢ ခိၣ်ဖၢၣ်တဖၣ်တက့ၢ်. တၢ်အံၤမ့ၢ်တၢ်လၢနကဘၣ်မၤအီၤဒ်သိးနကဖှူစီၤအၤဟရိၣ်ဒီးအဖိ ခွါတဖၣ်အဂီၢ်ဒ်လဲၣ်န့ၣ်လီၤ. အဝဲသ့ၣ်ဒီးအစၢၤအသွဲၣ်တဖၣ်ကဘၣ်မၤယတၢ်မၤဒ်ပှၤလုၢ်တၢ်အခိၣ် တဖၣ်အသိးအစိၤစိၤအဃၣ်ဃၣ်လီၤ.

လံာ်တၢ်ဟးထီၣ်ကွံာ် 30:31

စံးဘၣ်ကီၢ်အံၣ်စရ့လးအပှၤဂီၢ်မုၢ်လၢ, သိဖှူတၢ်စီဆှံအံၤကဘၣ်တၢ်သူ အီၤလၢယတၢ်မၤအပူၤတဘိယူၢ်ဃီအစိၤစိၤအဃၣ်ဃၣ်လီၤ.

လံာ်တၢ်ဟးထီၣ်ကွံာ် 30:33

ပှၤတဂၤလၢ်လၢ်လၢအမၤဒိးအီၤမ့ၢ်ဂ့ၤ, သူအီၤတနီၤနီၤလၢပှၤ လၢတမ့ၢ်ဘၣ်ပှၤလုၢ်တၢ်အခိၣ်အဖီခိၣ်မ့ၢ်ဂ့ၤဒီး, ကဘၣ်တၢ်ပာ်အီၤဒ်အတမ့ၢ်လၢၤဘၣ်ပှၤတဂၤလၢယပှၤဂီၢ်မုၢ်အကျါဘၣ်န့ၣ်လီၤ.”

လံာ်တၢ်ဟးထီၣ်ကွံာ် 40:14

ဟဲကိးအဖိခွါတဖၣ်ဒီးဒုးသိးထီၣ်အီၤလၢပိာ်ခွါဆ့ကၤတဖၣ်တက့ၢ်.

လံာ်တၢ်ဟးထီၣ်ကွံာ် 40:16

စီၤမိၤၡ့မၤတၢ်ကိးမံၤဒဲးဒ်ယွၤမၤလိာ်တ့ၢ်အီၤအသိးန့ၣ်လီၤ.

လံာ်စကၤရယၤ 4:14

တုၤနုၤတစုအဝဲစံးဝဲဒၣ်, “အဝဲသ့ၣ်တဖၣ်အံၤမ့ၢ်ပှၤခံဂၤလၢကစၢ်ယွၤဃုထၢတ့ၢ်လံအီၤ ဒီးဖှူတ့ၢ်လံအီၤလၢကမၤအဝဲဒၣ်, လၢအမ့ၢ်ဟီၣ်ခိၣ်ဒီဘ့ၣ်အယွၤ, အတၢ်န့ၣ်လီၤ.”

လံာ်တၢ်ဂံၢ် 25:13

အဝဲဒီးအစၢၤအသွဲၣ်တဖၣ်န့ၣ်ဘၣ်တၢ်ဒုးကဲထီၣ်ဒီးပာ်ဂၢၢ်ပာ် ကျၢၤအီၤဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီလီၤ. အဂ့ၢ်ဒ်အံၤ, အဝဲဝံသးစူၤပှၤလၢအပြၢတၢ်ထီဒါယၤတကဲ နီတဂၤဘၣ်ဒီးဒုးလီၤဘၣ်တၢ်ပျၢ်တၢ်ဒဲးဘးလၢပှၤဂီၢ်မုၢ်အတၢ် ဒဲးဘးအဂီၢ်လီၤ.”

ဧ့ၤဘြံၤ 7:3

တၢ်ကွဲးနီၣ်ကွဲးဃါဘၣ်ဃးဒီးအမိၢ်မ့ၢ်ဂ့ၤအပၢ်မ့ၢ်ဂ့ၤ အတၢ်ဟဲလီၤစၢၤလီၤသွဲၣ်မ့ၢ်ဂ့ၤအတၢ်အိၣ်ဖျဲၣ်မ့ၢ်ဂ့ၤ အတၢ်သံမ့ၢ်ဂ့ၤတအိၣ်ဘၣ်. အဝဲလီၤဂာ်ကစၢ်ယွၤအဖိခွါဒီးမ့ၢ်ဝဲပှၤလုၢ်တၢ်အခိၣ် တဂၤအစိၤစိၤအဃၣ်ဃၣ်လီၤ.

ဧ့ၤဘြံၤ 7:7

ပှၤလၢအဆိၣ်ဂ့ၤတၢ်တဂၤန့ၣ်, ဒိၣ်န့ၢ်ပှၤလၢအဘၣ်တၢ်ဆိၣ်ဂ့ၤအီၤ တဂၤလီၤန့ၣ်, ပသးဒ့ဒီအလီၢ်တအိၣ်ဘၣ်.