လံာ်တၢ်ဟးထီၣ်ကွံာ် 40:10 - Sgaw Karen Common Bible

¹⁰ မၤကဒီးတစု, ပာ်စီဆှံထီၣ်တၢ်လုၢ်လီၢ်ဒီးကယဲၢ်အတၢ်ပီးတၢ် လီခဲလၢာ်ခီဖျိတၢ်ဖှူအီၤဒီးကစီဆှံဝဲလၢလၢပှဲၤပှဲၤန့ၣ်လီၤ.

လံာ်တၢ်ဟးထီၣ်ကွံာ် 40:10 Iomraidhean Croise

လံာ်တၢ်ဟးထီၣ်ကွံာ် 30:29

ပာ်စီဆှံတၢ်တဖၣ်အံၤလၢကျဲဒ်အံၤဒီး, အဝဲသ့ၣ်ကကဲထီၣ်တၢ်စီဆှံလၢလၢပှဲၤပှဲၤဒီးကယဲၢ်ပှၤတဂၤလၢ်လၢ်မ့တမ့ၢ်, တၢ်တမံၤလၢ်လၢ်လၢအထိးဘၣ်အီၤခဲလၢာ်န့ၣ်ကဘၣ်တၢ်မၤဘၣ်ဒိအီၤ လၢတၢ်စီဆှံအံၤအစိကမီၤန့ၣ်လီၤ.

လံာ်တၢ်ဟးထီၣ်ကွံာ် 40:11

ပာ်စီဆှံထီၣ်စ့ၢ်ကီးသရာ်လၢတၢ်သ့စီအဂီၢ်ဒီးအခီၣ်ထံးဒ်န့ၣ်အသိးတက့ၢ်.

လံာ်ယၡါယၤ 11:2

ယွၤအသးကဟ့ၣ်အီၤတၢ်ကူၣ်သ့, ဒီးတၢ်သ့ၣ်ညါဒီးတၢ်သ့တၢ်ဘၣ်လၢကပၢအပှၤဂီၢ်မုၢ်အဂီၢ်လီၤ. အဝဲကသ့ၣ်ညါယွၤအတၢ်ဘၣ် အသးဒီးကအိၣ်ဒီးတၢ်ယူးယီၣ်ပျံၤအီၤ,

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 6:17

ယွၤဟ့ၣ်လီၤတၢ်အီၣ်အံၤဆူပှၤလုၢ်တၢ်အခိၣ်တဖၣ်အအိၣ်ဒ်တၢ်ဟ့ၣ် နီၤလီၤလၢအဂီၢ်အသိးန့ၣ်လီၤ. တၢ်အံၤစီဆှံဝဲဒ်တၢ်လုၢ်တၢ်ပျၢ်တၢ်ဒဲးဘးဒီးတၢ်ဟ့ၣ်ဆၢက့ၤ အတၢ်လုၢ်တၢ်ပျၢ်တၢ်ကမၣ်အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 8:11

ဒီးဟံးန့ၢ်ဝဲသိတနီၤဒီးဖှံတၢ်လုၢ်လီၢ်အဖီခိၣ်ဒီး တၢ်အပီးအလီခဲလၢာ်, ဒီးသရာ်အဖီခိၣ်ဒီးအခီၣ်ထံးနွံစု, ဒ်တၢ်ပာ်စီဆှံထီၣ်တၢ်တဖၣ်အံၤဆူယွၤအအိၣ်န့ၣ်လီၤ.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

လံာ်ယိၤဟၣ် 3:34

ပှၤလၢယွၤမၢလီၤအီၤတဂၤန့ၣ်, ကတိၤကစၢ်ယွၤအကလုၢ် ကထါတဖၣ်မ့ၢ်လၢကစၢ်ယွၤဟ့ၣ်အီၤကစၢ်ယွၤအသး လၢလၢပှဲၤပှဲၤအဃိလီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.