လံာ်တၢ်ဟးထီၣ်ကွံာ် 4:8 - Sgaw Karen Common Bible

⁸ ဒီးယွၤစံးဝဲဒၣ်, “အဝဲသ့ၣ်မ့ၢ်တနာ်ဘၣ်နၤဒီးမ့ၢ်တပာ်ကဲ တၢ်လီၤလးအခီၣ်ထံးတမံၤအံၤန့ၣ်, ကနာ်တၢ်လီၤလးလၢခံတမံၤန့ၣ်လီၤ.

လံာ်တၢ်ဟးထီၣ်ကွံာ် 4:8 Iomraidhean Croise

လံာ်စီၤပၤခံဘ့ၣ်တဘ့ၣ် 5:7

တုၤကီၢ်အံၣ်စရ့လးအစီၤပၤဖးလံာ်ပရၢအံၤဝံၤန့ၣ်အဝဲဖှီယာ် အကူအသိးတဖၣ်လၢတၢ်ကမၢကမၣ်အပူၤဒီးစံးဝဲဒၣ်, “ကီၢ်စူၤရံအစီၤပၤဆၢဝဲလၢယကမၤဘျါက့ၤပှၤတဂၤအံၤကသ့ ဝဲဒ်လဲၣ်. မ့ၢ်အဝဲဆိကမိၣ်ဝဲလၢယမ့ၢ်ကစၢ်ယွၤ, လၢအအိၣ်ဒီးတၢ်မူဒီးတၢ်သံအတၢ်စိတၢ်ကမီၤန့ၣ်ဧါ. တၢ်အံၤမ့ၢ်တၢ်လၢအဖျါဝဲလၢအဝဲစးထီၣ်ဃုတၢ်အ့ၣ်လိာ်အသးဒီး ယၤန့ၣ်လီၤ.”

လံာ်စီၤယိၤဘး 5:18

ကစၢ်ယွၤဘိၣ်ဘံထီၣ်တၢ်ပူၤလီၢ်လၢအတီၢ်ဝဲတဖၣ်လီၤ. အစုမၤဆါတၢ်ဒီးအစုမၤဘျါတၢ်လီၤ.

လံာ်တၢ်ဟးထီၣ်ကွံာ် 4:28

တုၤနုၤတစုစီၤမိၤၡ့တဲဘၣ်စီၤအၤဟရိၣ်ကယဲၢ်တၢ်လၢယွၤစံး ဘၣ်အီၤခဲလၢာ်, ဒီးတၢ်လီၤလးတဖၣ်လၢယွၤမၢအမၤဝဲ န့ၣ်လီၤ.

လံာ်တၢ်ဟးထီၣ်ကွံာ် 4:7

ဒီးယွၤစံးဝဲဒၣ်, “ဒၢနုာ်ကဒီးနစုဆူနဆ့ကၤအပူၤတက့ၢ်.” ဒီးစီၤမိၤၡ့ဒၢနုာ်ကဒါက့ၤအစုဆူအဆ့ကၤအပူၤန့ၣ်လီၤ. ဒီးဖဲအထုးထီၣ်က့ၤအစုန့ၣ်အစုဘျါက့ၤဝဲဒီးကဲထီၣ်က့ၤ ဝဲဒ်အဖံးအညၣ်အဂၤတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 4:9

ဒီးလၢတၢ်လီၤလးခံမံၤအံၤအဃိအံၤဒၣ်လဲာ်အဝဲသ့ၣ်မ့ၢ်တနာ် ဒံးဝဲနၤ, ဒီးတဒိကနၣ်ဘၣ်တၢ်လၢနတဲအီၤန့ၣ်, ဟံးန့ၢ်ထံတနီၤလၢထံ ကျိနံၤလါဒီးလူလီၤအီၤဆူဟီၣ်ခိၣ်လိၤတက့ၢ်. ထံန့ၣ်ကကဲထီၣ်တၢ်သွံၣ်န့ၣ်လီၤ.”

လံာ်ယၡါယၤ 28:10

အဝဲကျဲးစၢးသိၣ်လိပှၤလံာ်တဖျၢၣ်ဘၣ်တဖျၢၣ်, တကျိၤဘၣ်တကျိၤ, တၢ်မၤလိတခါဘၣ်တခါလီၤ.”

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်ပှၤစံၣ်ညီၣ်ကွီၢ် 6:17

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.