လံာ်တၢ်ဟးထီၣ်ကွံာ် 4:24 - Sgaw Karen Common Bible

²⁴ ဒီးလၢအတၢ်လဲၤကျဲဖဲတၢ်အိၣ်ဘှံးအလီၢ်တတီၤန့ၣ်ယွၤထံၣ် စီၤမိၤၡ့ဒီးအဲၣ်ဒိးမၤသံအီၤလီၤ.

လံာ်တၢ်ဟးထီၣ်ကွံာ် 4:24 Iomraidhean Croise

လံာ်တၢ်ကဲထီၣ်အခီၣ်ထံး 17:14

ပှၤပိာ်ခွါတဂၤလၢ်လၢ်လၢအတဒိးဘၣ်တၢ်ကူးတရံးန့ၣ်တဘၣ်တၢ်ပာ် အီၤလၢအမ့ၢ်ပှၤတဂၤလၢယပှၤဂီၢ်မုၢ်အကျါလၢၤဘၣ်န့ၣ်လီၤ. အဂ့ၢ်ဒ်အံၤ, အဝဲတဟံးဃာ်တၢ်အၢၣ်လီၤအီလီၤဒီးယၤအဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 42:27

ဖဲတၢ်လီၢ်လၢအဝဲသ့ၣ်ကမံဝဲန့ၣ်, အဝဲသ့ၣ်အကျါတဂၤအိးထီၣ် အထၢၣ်လၢကဒုးအီၣ်အကသ့ၣ်ယီၤအဆၣ်ဒီး, ထံၣ်န့ၢ်အစ့ဒၣ်ဝဲလၢအထၢၣ်အခိၣ်ထိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:24

ဒီးအဝဲဒိးထီၣ်ဝဲလီၤ. လၢကျဲန့ၣ်, ခ့ယုၢ်တဒုဟဲခိးလီၤ အခိၣ်ဒီးမၤသံအီၤန့ၣ်လီၤ. အဝဲအစိၣ်အိၣ်မံလီၤအသးလၢကျဲအလိၤ, ဒီးကသ့ၣ်ယီၤဒီးခ့ယုၢ်အိၣ်ဆၢထၢၣ်ဝဲဖဲအဃၢၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 21:16

စီၤဒၤဝံးထံၣ်တ့ၢ်ကလူးန့ၣ်ဂဲၤဆၢထၢၣ်လၢမူခိၣ်ဒီးဟီၣ်ခိၣ် အဘၢၣ်စၢၤ, စိာ်ဒီးနးလၢအစုပူၤ, အိၣ်ကတဲာ်ကတီၤအသးလၢကမၤဟးဂီၤဝ့ၢ်ယရူၤၡလ့ၣ်န့ၣ်လီၤ. တုၤနုၤတစုစီၤဒၤဝံးဒီးပှၤဂီၢ်မုၢ်အခိၣ်အနၢ်တဖၣ်, အဝဲသ့ၣ်ကိးဂၤဒဲးကူသိးဝဲထၢၣ်တၢ်ကံးယာ်ဒီး, သကုးလီၤအသးအိၣ်ဒီးအမဲာ်သၣ်တဖၣ်လၢအကျးလီၤအသးလၢဟီၣ်ခိၣ် လိၤန့ၣ်လီၤ.

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်ဟိၤၡ့ 13:8

ယကဒုးနၤဒ်တၤသူမိၢ်တဒုလၢအဖိတဖၣ်ဟါမၢ်ကွံာ်အသိးဒီးအ့ၣ်ဖှီ ကွံာ်နၤလီၤ. ဒ်ခ့ယုၢ်တဒုအသိးယကအ့ၣ်ကွံာ်နၤတဘျီဃီ, ဒီးယကဖှီကွံာ်နၤဆူအက့အခီတဖၣ်ဒ်ဆၣ်ဖိကီၢ်ဖိအမံၤတဒု အသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:3

တုၤနုၤတစု, စီၤမိၤၡ့စံးဘၣ်စီၤအၤဟရိၣ်, “အအံၤမ့ၢ်တၢ်လၢယွၤကတိၤတၢ်ဒီးစံး, ကယဲၢ်ပှၤခဲလၢာ်လၢအမၤယတၢ်မၤန့ၣ်ကဘၣ်ယူးယီၣ်ပာ်ကဲယတၢ်စီတၢ်ဆှံလီၤ. ဒီးယကလီၣ်ဖျါထီၣ်ယလၤကပီၤဆူယပှၤဂီၢ်မုၢ်အအိၣ်လီၤ.” မ့မ့ၢ်စီၤအၤဟရိၣ်အိၣ်ဘှီၣ်ကလာ်ဝဲဒၣ်လီၤ.