လံာ်တၢ်ဟးထီၣ်ကွံာ် 4:23 - Sgaw Karen Common Bible

²³ ဒီးယစံးဘၣ်နၤပျဲယဖိခွါလဲၤတၢ်, ဒ်သိးအကဘူၣ်ထီၣ်ဘါထီၣ် ယၤ, ဘၣ်ဆၣ်ဒီးနဂ့ၢ်လိာ်နဲလီၤ. ခဲအံၤယကမၤသံနဖိဝဲၢ်ကိတဖၣ်လီၤ.’ ”

လံာ်တၢ်ဟးထီၣ်ကွံာ် 4:23 Iomraidhean Croise

စံးထီၣ်ပတြၢၤ 105:36

အဝဲမၤသံကွံာ်ကယဲၢ်ကီၢ်အဲၤကူပတူးအဟံၣ်ဒူၣ်ဃီထၢတဖၣ်, အဖိခွါဝဲၢ်ကိခဲလၢာ်န့ၣ်လီၤ.

စံးထီၣ်ပတြၢၤ 135:8

အဝဲဒၣ်န့ၣ်မ့ၢ်ပှၤလၢအကျီသံကွံာ် ပှၤအဲၤကူပတူးအဖိဝဲၢ်ကိ, ဒီးဆၣ်ဖိကီၢ်ဖိဝဲၢ်ကိစ့ၢ်ကီးန့ၣ်လီၤ.

စံးထီၣ်ပတြၢၤ 136:10

အဝဲကျီသံကွံာ်ပှၤအဲၤကူပတူးဖိအဖိဝဲၢ်ကိလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 78:51

အဝဲမၤသံကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအဟံၣ်ဖိဃီဖိအကျါန့ၣ်လီၤ.

လံာ်တၢ်ဟးထီၣ်ကွံာ် 10:3

လၢတၢ်န့ၣ်အဃိစီၤမိၤၡ့ဒီးစီၤအၤဟရိၣ်လဲၤဆူစီၤပၤအအိၣ် ဒီးစံးဘၣ်အီၤ, “ယွၤ, ပှၤဧ့ၤဘြံၤဖိအကစၢ်ယွၤစံးဒ်အံၤ, ဒ်သိးနသုတဆီၣ်လီၤနသးလၢယဖီလာ်တဂ့ၤဒီးနကဂ့ၢ်လိာ်ဆံးယံာ် ဒံးလဲၣ်. ပျၢ်ယပှၤဂီၢ်မုၢ်ဒ်သိးကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 10:4

နမ့ၢ်ဂ့ၢ်လိာ်ဒံးယၤဒီးခဲဂီၤကိာ်ယကဒုးဟဲထီၣ်ဒွဲၣ်ဧိၤ သကံၤဧိၤလၢနကီၢ်ပူၤလီၤ.

လံာ်တၢ်ဟးထီၣ်ကွံာ် 11:5

ဒီးကယဲၢ်ဖိခွါဝဲၢ်ကိလၢကီၢ်အဲၤကူပတူးအပူၤကသံဝဲ, စးထီၣ်လၢစီၤပၤအဖိခွါဝဲၢ်ကိလၢအကထီၣ်က့ၤစီၤပၤအလီၢ်, တုၤလီၤလၢကုၢ်ပိာ်မုၣ်လၢအဂံာ်ဘုအဖိခွါဝဲၢ်ကိ, ဒီးဆၣ်ဖိကီၢ်ဖိအဖိဝဲၢ်ကိခဲလၢာ်ဒၣ်လဲာ်န့ၣ်လီၤ.

လံာ်တၢ်ဟးထီၣ်ကွံာ် 12:29

လၢဖးဖီမုၢ်န့ၣ်ယွၤမၤသံကွံာ်ကယဲၢ်ဖိခွါဝဲၢ်ကိတဖၣ်လၢ ကီၢ်အဲၤကူပတူးအပူၤ, စးထီၣ်လၢစီၤပၤအဖိခွါလၢအကထီၣ်က့ၤနီ, တုၤလၢပှၤဘၣ်တၢ်စၢဃာ်လၢဃိာ်ပူၤတဖၣ်အဖိဝဲၢ်ကိန့ၣ်လီၤ. ကယဲၢ်ဆၣ်ဖိကီၢ်ဖိအဖိဝဲၢ်ကိတဖၣ်စ့ၢ်ကီးဘၣ်တၢ်မၤသံ အီၤန့ၣ်လီၤ.

လံာ်တၢ်ဟးထီၣ်ကွံာ် 13:15

ဒီးဖဲပှၤအဲၤကူပတူးဖိအစီၤပၤမၤကိၤအသးဒီးဂ့ၢ်လိာ်ဝဲလၢအကပျဲ ပဟးထီၣ်န့ၣ်, ယွၤမၤသံကယဲၢ်ပှၤကညီဒီးဆၣ်ဖိကီၢ်ဖိအဖိဝဲၢ် ကိခဲလၢာ်လၢကီၢ်အဲၤကူပတူးအပူၤန့ၣ်လီၤ. မၤသးဒ်န့ၣ်ဒီးပလုၢ်ထီၣ်ကယဲၢ်ဆၣ်ဖိကီၢ်ဖိအဖိဝဲၢ်ကိခဲလၢာ် ဆူယွၤအအိၣ်န့ၣ်လီၤ. မ့မ့ၢ်ပဖိဝဲၢ်ကိပိာ်ခွါတဖၣ်န့ၣ်ပပှ့ၤကဒါက့ၤအီၤန့ၣ်လီၤ.

လံာ်တၢ်ဟးထီၣ်ကွံာ် 18:8

ဒီးစီၤမိၤၡ့တဲဘၣ်စီၤယံးသရိၤတၢ်ကိးမံၤလၢယွၤမၤဘၣ် တ့ၢ်ကီၢ်အဲၤကူပတူးအစီၤပၤဒီးအပှၤဂီၢ်မုၢ်ဒ်သိးကအုၣ်က့ၤ ခီၣ်က့ၤပှၤအံၣ်စရ့လးဖိတဖၣ်အဂ့ၢ်န့ၣ်လီၤ. ဒီးတဲဘၣ်အီၤစ့ၢ်ကီးဝဲတၢ်ကီတၢ်ခဲတဖၣ်လၢပှၤဂီၢ်မုၢ်ဘၣ် ကွၢ်ဆၢၣ်မဲာ်လၢကျဲဒီဘိညါဒီးယွၤမၤစၢၤအဝဲသ့ၣ်ဒ်လဲၣ် အဂ့ၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်တၢ်ဟးထီၣ်ကွံာ် 5:1

ဒီးစီၤမိၤၡ့ဒီးစီၤအၤဟရိၣ်လဲၤဆူကီၢ်အဲၤကူပတူးစီၤပၤ အအိၣ်, ဒီးစံးဘၣ်အီၤ, “ယွၤ, ပှၤအံၣ်စရ့လးဖိအကစၢ်ယွၤစံးဒ်အံၤ, ပျၢ်ယပှၤဂီၢ်မုၢ်, ဒ်သိးအကလဲၤမၤဘူၣ်လၢပှၢ်မုၢ်ကနၢလၢတၢ်မၤလၤကပီၤယၤအဂီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 6:11

“လဲၤဒီးတဲဘၣ်ကီၢ်အဲၤကူပတူးအစီၤပၤလၢအကဘၣ်ပျဲ ပှၤအံၣ်စရ့လးဖိတဖၣ်ဟးထီၣ်လၢအကီၢ်န့ၣ်တက့ၢ်.”

လံာ်တၢ်ဟးထီၣ်ကွံာ် 7:16

တုၤနုၤတစုစံးဘၣ်စီၤပၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤ မၢလီၤယၤဒ်သိးယကတဲဘၣ်နၤလၢနကပျၢ်ကွံာ်အပှၤဂီၢ်မုၢ်ဒ်သိး ကဘူၣ်ထီၣ်ဘါထီၣ်အီၤလၢပှၢ်မုၢ်ကနၢအပူၤလီၤ. ဘၣ်ဆၣ်ဒီးတုၤခဲကနံၣ်အံၤနတဒိကနၣ်ဘၣ်.

လံာ်တၢ်ဟးထီၣ်ကွံာ် 8:1

တုၤနုၤတစုယွၤစံးဘၣ်စီၤမိၤၡ့, ဒီးစံးဝဲဒၣ်, “လဲၤဆူစီၤပၤအအိၣ်ဒီးတဲဘၣ်အီၤလၢယွၤစံးဝဲဒၣ်, ပျၢ်ယပှၤဂီၢ်မုၢ်, ဒ်သိးအဝဲသ့ၣ်လဲၤဘူၣ်ထီၣ်ဘါထီၣ်ယၤကသ့အဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 8:16

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကတီၢ်ဟီၣ် ခိၣ်လၢအနီၣ်ထိးဘိဒ်သိးဟီၣ်ခိၣ်ကမူၣ်ကကဲထီၣ်ဃးသူဃးလါလၢ ကီၢ်အဲၤကူပတူးဒီဘ့ၣ်ညါအပူၤန့ၣ်တက့ၢ်.”

လံာ်တၢ်ဟးထီၣ်ကွံာ် 8:17

ဒီးစီၤအၤဟရိၣ်တီၢ်ဟီၣ်ခိၣ်လၢအနီၣ်ထိးဘိဒီးကယဲၢ်ဟီၣ်ခိၣ် ကမူၣ်လၢကီၢ်အဲၤကူပတူးဒီဘ့ၣ်ညါအပူၤကဲထီၣ်ဃးသူဃးလါ တဖၣ်ဒီးအိၣ်ဝဲဒၣ်လၢပှၤဂီၢ်မုၢ်ဒီးဆၣ်ဖိကီၢ်ဖိတဖၣ်အလိၤလီၤ.

လံာ်တၢ်ဟးထီၣ်ကွံာ် 8:20

ဒီးယွၤစံးဘၣ်စီၤမိၤၡ့, “ခဲဂီၤကိာ်ဂီၤဂီၤန့ၣ်လဲၤထံၣ် လိာ်စီၤပၤဖဲအလဲၤဆူထံနံၤဒီးတဲဘၣ်အီၤလၢယွၤစံးဝဲဒ်အံၤ, “ပျၢ်ယပှၤဂီၢ်မုၢ်ဒ်သိးအဝဲသ့ၣ်ကဘူၣ်ထီၣ်ဘါထီၣ်ယၤအဂီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 9:1

ဒီးယွၤစံးဘၣ်စီၤမိၤၡ့, “လဲၤဆူစီၤပၤအအိၣ်ဒီးတဲဘၣ် အီၤလၢယွၤ, ပှၤဧ့ၤဘြံၤဖိတဖၣ်အကစၢ်ယွၤစံးဝဲဒၣ်, ‘ပျၢ်ယပှၤဂီၢ်မုၢ်ဒ်သိးအဝဲသ့ၣ်ကလဲၤဘူၣ်ထီၣ်ဘါထီၣ်ယၤ အဂီၢ်တက့ၢ်.

လံာ်တၢ်ဟးထီၣ်ကွံာ် 9:13

တုၤနုၤတစုယွၤစံးဘၣ်စီၤမိၤၡ့, “ဂဲၤဆၢထၢၣ်ခဲဂီၤကိာ် ဂီၤဂီၤဒီးလဲၤထံၣ်လိာ်စီၤပၤဒီးတဲဘၣ်အီၤလၢယွၤ, ပှၤဧ့ၤဘြံၤ ဖိတဖၣ်အကစၢ်ယွၤစံးဝဲ, “ပျၢ်ယပှၤဂီၢ်မုၢ်ဒ်သိးအကလဲၤဘူၣ်ထီၣ်ဘါထီၣ်ယၤတက့ၢ်.

လံာ်တၢ်ဟးထီၣ်ကွံာ် 9:2

နမ့ၢ်ဂ့ၢ်လိာ်ကဒီးလၢအဝဲသ့ၣ်ကဟးထီၣ်ဒီး,

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.