လံာ်တၢ်ဟးထီၣ်ကွံာ် 4:21 - Sgaw Karen Common Bible

²¹ ဒီးယွၤစံးဘၣ်စီၤမိၤၡ့, “တုၤနက့ၤကဒါက့ၤဆူကီၢ်အဲၤကူပတူး န့ၣ်မၤတၢ်လီၤလးတဖၣ်လၢယဟ့ၣ်စိဟ့ၣ်ကမီၤနၤလၢနကမၤအီၤ လၢစီၤပၤဖၤရိၤအမဲာ်ညါတက့ၢ်. ယကမၤကိၤထီၣ်အသးဒ်သိးအသုတပျဲပှၤဂီၢ်မုၢ်တဖၣ်ဟးထီၣ်တဂ့ၤ န့ၣ်လီၤ.

လံာ်တၢ်ဟးထီၣ်ကွံာ် 4:21 Iomraidhean Croise

လံာ်တၢ်ကဲထီၣ်အခီၣ်ထံး 6:3

တုၤနုၤတစုယွၤစံးဝဲဒၣ်, “ယတပျဲပှၤကညီတဖၣ်ကအိၣ်မူဝဲ လီၤစိၤလီၤထီန့ၣ်ဘၣ်. အဝဲသ့ၣ်မ့ၢ်ပှၤသံသ့တဖၣ်လီၤ. စးထီၣ်ခဲကနံၣ်အံၤဒီးဆူညါအဝဲသ့ၣ်ကအိၣ်မူတအါန့ၢ်ဘၣ် အနံၣ်တကယၤခံဆံဘၣ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:22

ယွၤသံကွၢ်ဝဲ, နကလီန့ၢ်အီၤဒ်လဲၣ်, သးန့ၣ်စံးဆၢဝဲ, ယကလဲၤဒီးမၤဒ်သိးကယဲၢ်စီၤအၤဃာ်အဝံခဲလၢာ်လၢကလီတၢ်ဝ့ၤ တၢ်န့ၣ်လီၤ. ယွၤစံးဝဲဒၣ်, လဲၤဒီးလီန့ၢ်အီၤတက့ၢ်. နကမၤနၢၤတၢ်လီၤ.”

စံးထီၣ်ပတြၢၤ 105:25

အဝဲဒုးသးဟ့ပှၤအဲၤကူပတူးဖိတဖၣ်လၢ အပှၤဂီၢ်မုၢ်ဒီး မၤအခ့အပှၤတဖၣ်လၢ တၢ်လီတၢ်ဝ့ၤအပူၤန့ၣ်လီၤ.

စံးထီၣ်ပတြၢၤ 78:43

ဒီးအမၤတၢ်အဒိၣ်ဒီးတၢ်ပနီၣ်လီၤလးတဖၣ် လၢကီၢ်အဲၤကူပတူးအပူၤဒီး လၢစိၤဧၣ်အပျီပူၤန့ၣ်လီၤ.

လံာ်တၢ်ဟးထီၣ်ကွံာ် 10:1

တုၤနုၤတစုယွၤစံးဘၣ်စီၤမိၤၡ့, “လဲၤဆူစီၤပၤအအိၣ်တက့ၢ်. အဂ့ၢ်ဒ်အံၤ, ယမၤကိၤတ့ၢ်အဝဲဒီးအပဒိၣ်ပပှၢ်တဖၣ်အသးဒ်သိးယကမၤတၢ်လီၤလးတဖၣ်အံၤလၢအကျါ,

လံာ်တၢ်ဟးထီၣ်ကွံာ် 10:20

ဘၣ်ဆၣ်ယွၤမၤကိၤထီၣ်ကီၢ်အဲၤကူပတူးအစီၤပၤအသး, ဒီးတပျဲလဲၤဘၣ်ပှၤအံၣ်စးရ့လးဖိအတၢ်ဘၣ်.

လံာ်တၢ်ဟးထီၣ်ကွံာ် 10:27

ယွၤမၤကိၤထီၣ်စီၤပၤအသး, ဒီးတပျၢ်ဘၣ်အဝဲသ့ၣ်လၢကဟးထီၣ်ဘၣ်.

လံာ်တၢ်ဟးထီၣ်ကွံာ် 11:10

စီၤမိၤၡ့ဒီးစီၤအၤဟရိၣ်မၤတၢ်လီၤလးခဲလၢာ်တဖၣ်န့ၣ်လၢ စီၤပၤအမဲာ်ညါ, ဘၣ်ဆၣ်ဒီးယွၤမၤကိၤထီၣ်စီၤပၤအသးဒီး တပျၢ်ကွံာ်ဘၣ်ပှၤအံၣ်စရ့လးဖိလၢအကီၢ်ဘၣ်လီၤ.

လံာ်တၢ်ဟးထီၣ်ကွံာ် 11:9

ဒီးယွၤစံးဘၣ်စီၤမိၤၡ့, “စီၤပၤကဂ့ၢ်လိာ်ထွဲဒံးလၢကဒိ ကနၣ်သု, ဒ်သိးယကမၤအါထီၣ်တၢ်လီၤလးလၢကီၢ်အဲၤကူပတူးအပူၤန့ၣ်လီၤ.”

လံာ်တၢ်ဟးထီၣ်ကွံာ် 14:17

ယကမၤကိၤထီၣ်ပှၤအဲၤကူပတူးဖိတဖၣ်အသးတုၤအဝဲသ့ၣ်ကလူၤပိာ် ထွဲသုခံ, ဒီးယကဒိးန့ၢ်ဘၣ်တၢ်လၤကပီၤခီဖျိယတၢ်မၤနၢၤလၢစီၤပၤ, အဝဲအသုးမုၢ်, အဝဲအလ့ၣ်ကဟၣ်ဒုးသုးဒီးအပှၤနီၣ်တၢ်တဖၣ်အဖိခိၣ်န့ၣ်လီၤ.

လံာ်တၢ်ဟးထီၣ်ကွံာ် 14:4

ယကမၤကိၤထီၣ်အဝဲအသးဒီးအဝဲကလူၤထွဲသုခံဒီးယတၢ်မၤနၢၤ စီၤပၤဒီးအသုးမုၢ်ကဟဲစိာ်တၢ်လၤကပီၤလၢယဂီၢ်န့ၣ်လီၤ. အန့ၣ်တစုပှၤအဲၤကူပတူးဖိတဖၣ်ကသ့ၣ်ညါလၢယမ့ၢ်ယွၤန့ၣ်လီၤ.” ဒီးပှၤအံၣ်စရ့လးဖိတဖၣ်မၤဝဲဒ်တၢ်စံးတ့ၢ်အီၤအသိးန့ၣ်လီၤ.

လံာ်တၢ်ဟးထီၣ်ကွံာ် 14:8

ဒီးယွၤမၤကိၤထီၣ်စီၤပၤအသး, ဒီးအဝဲလူၤထွဲပှၤအံၣ်စရ့လးဖိတဖၣ်လၢအဟးထီၣ်ကွံာ်အိၣ်ဒီး တၢ်သးခုလၢတၢ်မၤနၢၤအပူၤန့ၣ်လီၤ.

လံာ်တၢ်ဟးထီၣ်ကွံာ် 3:19

ယသ့ၣ်ညါလၢကီၢ်အဲၤကူပတူးအစီၤပၤန့ၣ်မ့တမ့ၢ်ဘၣ်လၢတၢ်စိ ဒိၣ်ကမီၤထီအစုဒုၣ်အတၢ်မၤဆူၣ်အီၤဘၣ်န့ၣ်ဒီးတပျဲသုဘၣ်.

လံာ်တၢ်ဟးထီၣ်ကွံာ် 3:20

ဘၣ်ဆၣ်ဒီးယကယူာ်ထီၣ်ယစုဒီးစံၣ်ညီၣ်ပှၤအဲၤကူပတူးဖိလၢတၢ် လီၤပျံၤလီၤဖုးတဖၣ်ဖဲန့ၣ်လီၤ. ဒီးတၢ်တဖၣ်န့ၣ်ဝံၤအလီၢ်ခံ အဝဲသ့ၣ်ကပျဲသုဟးထီၣ်လီၤ.

လံာ်တၢ်ဟးထီၣ်ကွံာ် 7:13

ဘၣ်ဆၣ်စီၤပၤအသးကိၤဒံးဝဲဒီးတဒိကနၣ်ဘၣ်စီၤမိၤၡ့ဒီး စီၤအၤဟရိၣ်ဘၣ်, ဒ်ယွၤစံးဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 7:3

ဘၣ်ဆၣ်ယကမၤကိၤထီၣ်အဲၤကူပတူးအစီၤပၤအခိၣ်ဒီးယမ့ၢ်မၤတၢ် လၢအလီၤပျံၤလီၤဖုးတဖၣ်အါထဲလဲၣ်ဒၣ်လဲာ်တမ့ၢ်အဝဲကဒိကနၣ် သုဘၣ်.

လံာ်တၢ်ဟးထီၣ်ကွံာ် 8:11

ဒီးဒ့ၣ်ဧိၤကွီၣ်ဧိၤတဖၣ်ကဟးထီၣ်ကွံာ်လၢနအိၣ်, ဒီးလၢနပဒိၣ်ပပှၢ်ဒီးလၢနပှၤဂီၢ်မုၢ်အအိၣ်, ဒီးကအိၣ်လီၤတဲာ်ဒၣ်ထဲလၢထံကျိနံၤလါအပူၤန့ၣ်လီၤ.”

လံာ်တၢ်ဟးထီၣ်ကွံာ် 8:15

ဖဲစီၤပၤထံၣ်ဝဲဒၣ်လၢဒ့ၣ်တဖၣ်သံဝဲန့ၣ်, အသးကိၤထီၣ်ကဒီးဝဲ ဒ်ယွၤစံးတ့ၢ်ဝဲအသိး, ဒီးစီၤပၤတဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 8:32

ဘၣ်ဆၣ်တုၤလၢအအံၤတစုဒၣ်လဲာ်စီၤပၤမၤကိၤအသးဒီးတပျၢ်ဘၣ် ပှၤဂီၢ်မုၢ်ဘၣ်.

လံာ်တၢ်ဟးထီၣ်ကွံာ် 9:12

ဘၣ်ဆၣ်ဒီးယွၤမၤကိၤထီၣ်စီၤပၤအသး, ဒီးဒ်ယွၤစံးဝဲအသိး, စီၤပၤတဒိကနၣ်ဘၣ်စီၤမိၤၡ့ဒီးစီၤအၤဟရိၣ်ဘၣ်.

လံာ်တၢ်ဟးထီၣ်ကွံာ် 9:35

ဒီးဒ်ယွၤစံးဆိပာ်တ့ၢ်လံခီဖျိစီၤမိၤၡ့အသိးစီၤပၤ တပျၢ်ဘၣ်ပှၤအံၣ်စရ့လးဖိဘၣ်.

လံာ်ယၡါယၤ 6:10

ဝံၤဒီးအဝဲစံးဘၣ်ယၤ, “မၤဃၢပှၤတဖၣ်အံၤအသး, မၤတအၢအနၢ်တဖၣ်, ဒီးမၤဘျီၣ်အမဲာ်ချံတဖၣ်ဒ်သိးအဝဲသ့ၣ် အသုတထံၣ်တၢ်, နၢ်ဟူတၢ်, ဒီးနၢ်ပၢၢ်တၢ်တဂ့ၤန့ၣ်တက့ၢ်. အဝဲသ့ၣ်မ့ၢ်ထံၣ်တၢ်, နၢ်ဟူတၢ်, ဒီးနၢ်ပၢၢ်ဘၣ်ဖုးတၢ်ဒီး, အဝဲသ့ၣ်ကဃၣ်ကဒါက့ၤဘၣ်ဖုးအသးဆူယ အိၣ်ဒီးကန့ၢ်ဘၣ်ဖုးတၢ်မၤဘျါက့ၤန့ၣ်လီၤ.”

လံာ်ယၡါယၤ 63:17

ဘၣ်မနုၤအဃိနပျဲပဟးဖျိးကွံာ်လၢနကျဲတဖၣ်န့ၣ်လဲၣ်. ဘၣ်မနုၤအဃိနမၤကိၤပသးတုၤဒၣ်လဲာ်ပဃၣ်ကွံာ်ပသးလၢနၤ န့ၣ်လဲၣ်. လၢပှၤလၢအမၤနတၢ်မၤတဖၣ်, လၢပှၤဂီၢ်မုၢ်လၢထီဘိမ့ၢ်နတၢ်ဒၣ်နဲတဖၣ်အဃိ န့ၣ်ဟဲက့ၤကဒါက့ၤတက့ၢ်.

လံာ်ယိၤဟၣ် 12:40

“ကစၢ်ယွၤမၤဘျီၣ်အဝဲသ့ၣ်အမဲာ်ချံတဖၣ် ဒီးမၤကိၤထီၣ်အဝဲသ့ၣ်အသး, ဒ်သိးအမဲာ်ချံတဖၣ်သုတထံၣ်တၢ်တဂ့ၤ ဒီးအသးအသုတနၢ်ပၢၢ်တၢ်တဂ့ၤ, ဒီးအဝဲသ့ၣ်အသုတဃၣ်အသးဆူအအိၣ် လၢအကမၤဘျါက့ၤအဝဲသ့ၣ်အဂီၢ်တဂ့ၤန့ၣ်လီၤ” (ၡါ ၆:၁၀).

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 9:18

လၢတၢ်န့ၣ်အဃိ, ကစၢ်ယွၤသးကညီၤပှၤလၢအသးအိၣ်သး ကညီၤဝဲတဖၣ်, ဒီးမၤကိၤပှၤအသးဖဲအသးအိၣ်မၤဝဲန့ၣ်လီၤ.

၂ ကရံၣ်သူး 2:16

လၢပှၤလီၤမၢ်တဖၣ်အဂီၢ်န့ၣ်, အဝဲအံၤမ့ၢ်တၢ်နၢအုၣ်နၢ ပူးလၢအဒုးအိၣ်ထီၣ်တၢ်သံတၢ်ပှၢ်, မ့မ့ၢ်လၢပှၤဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်, မ့ၢ်ဝဲတၢ်နၢမူနၢဆှီလၢအဟဲစိာ်တၢ်နၢမူလီၤ. မ့မ့ၢ်ဒ်န့ၣ်ဒီး, မ့ၢ်မတၤမၤတၢ်မၤဒ်သိးအံၤတမံၤသ့ဝဲတဂၤလဲၣ်.

လံာ်သိၣ်လီၤသီလီၤတၢ် 2:36

ယွၤပကစၢ်ယွၤပျဲပမၤန့ၢ်ကွံာ်ဝ့ၢ်ခဲလၢာ်စးထီၣ်လၢ ဧရိၤဧ့ၢ်လၢ အအိၣ်လၢအၤနိၣ်အတၢ်တြီၤအကၢၢ်ခိၣ်, ဒီးဝ့ၢ်အိၣ် လၢတၢ်တြီၤန့ၣ်အခၢၣ်သး, ဒီတကျဲညါတုၤလၢ ဝ့ၢ်ကံးလဧးန့ၣ်လီၤ. ဝ့ၢ်လၢအခိၣ်ဒူ ကကျၢၤကဲာ်ဆိးလၢပဂီၢ် တအိၣ်ဘၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.