လံာ်တၢ်ဟးထီၣ်ကွံာ် 4:2 - Sgaw Karen Common Bible

² ဒီးယွၤစံးဘၣ်အီၤ, “တၢ်အိၣ်လၢနစုပူၤန့ၣ်မ့ၢ်မနုၤတမံၤ လဲၣ်.” ဒီးစံးဆၢဝဲဒၣ်, “မ့ၢ်နီၣ်ထိးတဘိလီၤ.”

လံာ်တၢ်ဟးထီၣ်ကွံာ် 4:2 Iomraidhean Croise

လံာ်တၢ်ကဲထီၣ်အခီၣ်ထံး 30:37

စီၤယၤကိာ်ဟံးန့ၢ်သ့ၣ်အဒ့သံကစဲာ်လၢသ့ၣ်လံးဘန့ၤ, သ့ၣ်လူးစး, သ့ၣ်ဧၢ်မိၣ်ဒီးအုၣ်လီၤအဖံးတနီၤ ဒ်သိးလၢသ့ၣ်ဒ့ တဖၣ်န့ၣ် အလိၤတၢ်အလွဲၢ်အဝါကဖျါထီၣ်ဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:2

စီၤအလံၤၡါသံကွၢ်ဝဲဒၣ်, “ယကဘၣ်မၤန့ၢ်နၤတၢ်မနုၤလဲၣ်. တဲဘၣ်ယၤတက့ၢ်. လၢနဟံၣ်န့ၣ်တၢ်မနုၤအိၣ်လဲၣ်.” ပိာ်မုၣ်စံးဆၢအီၤ, “တၢ်အဂၤတအိၣ်နီတမံၤဘၣ်. အိၣ်ဒၣ်ထဲသ့ၣ်စၤယံးအသိ, အကိဆံးဖိတဖျၢၣ်ဧိၤန့ၣ်လီၤ.”

စံးထီၣ်ပတြၢၤ 110:2

ယွၤကမၤလဲၢ်ထီၣ်နစီၤပၤအစိကမီၤ စးထီၣ်လၢစံယိၣ်န့ၣ်လီၤ. အဝဲစံးဝဲ, “ပၢတၢ်လၢနဒုၣ်နဒါတဖၣ်အဖီခိၣ်တက့ၢ်.”

လံာ်တၢ်ဟးထီၣ်ကွံာ် 4:17

ဟံးထီၣ်နီၣ်ထိးဘိအံၤလၢနစုပူၤဒ်သိးနကဒုးနဲၣ်တၢ်ပနီၣ် လီၤလးသ့ၣ်တဖၣ်န့ၣ်တက့ၢ်.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.

လံာ်တၢ်ဟးထီၣ်ကွံာ် 7:15

လၢတၢ်န့ၣ်အဃိမုၢ်ဆ့ၣ်ထီၣ်န့ၣ်လဲၤထံၣ်အီၤဖဲအလဲၤလီၤဆူ ထံကျိနံၤလါန့ၣ်တက့ၢ်. လဲၤစိာ်ဃုာ်နီၣ်ထိးဘိလၢအကဲထီၣ်ဂုၢ်, ဒီးအိၣ်ခိးအီၤဖဲထံကျိကၢၢ်နံၤန့ၣ်တက့ၢ်.

လံာ်တၢ်ဟးထီၣ်ကွံာ် 7:9

“အဲၤကူပတူးအစီၤပၤမ့ၢ်စံးဘၣ်သုလၢသုကဘၣ်တၢ်မၤတၢ်လီၤ လးတမံၤလၢတၢ်အုၣ်သးအဂီၢ်န့ၣ်, တဲဘၣ်စီၤအၤဟရိၣ်လၢကဟံးထီၣ်အနီၣ်ထိးဘိဒီးတ့ၢ်လီၤကွံာ် လၢစီၤပၤအမဲာ်ညါန့ၣ်တက့ၢ်. ဒီးကကဲထီၣ်လၢဂုၢ်တဘိလီၤ.”

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်တၢ်ဘူၣ်ထီၣ်ဘါထီၣ် 27:32

ဒီးဆၣ်ဖိကီၢ်ဖိအဒၢကိးမံၤဒဲးဆံဆဲၣ်ဒု တဒုန့ၣ်ဘၣ်ဃးဒီးယွၤလီၤ. ဖဲဆၣ်ဖိကီၢ်ဖိတဖၣ်ဘၣ်တၢ်ဂံၢ်အီၤန့ၣ်ဆံ ဆဲၣ်ဒုတဒုန့ၣ်ဘၣ်ဃးဒီးယွၤန့ၣ်လီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.