လံာ်တၢ်ဟးထီၣ်ကွံာ် 4:15 - Sgaw Karen Common Bible

¹⁵ ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

လံာ်တၢ်ဟးထီၣ်ကွံာ် 4:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:3

အန့ၣ်ဝံၤဒီး, လဲၤဆူစီၤပၤအအိၣ်ဒီးစံးဘၣ်အီၤ, တၢ်လၢယမၤလိာ်နၤလၢနကဘၣ်တဲအီၤန့ၣ်တက့ၢ်.” အန့ၣ်ဝံၤဒီး, စီၤယိၤအာ်တဲဘၣ်အီၤတၢ်လၢအဝဲကစံးတဲဝဲန့ၣ်လီၤ.

စံးထီၣ်ပတြၢၤ 25:12

ပှၤလၢအစူၢ်ယွၤန့ၣ်, ကမၤလိန့ၢ်တၢ်လၢအီၤဘၣ်ဃး ကျဲလၢအဝဲသ့ၣ်ကြၢးပိာ်ထွဲဝဲဒၣ်န့ၣ်လီၤ.

စံးထီၣ်ပတြၢၤ 51:15

ယွၤဧၢ, မၤစၢၤယၤလၢယကစံးကတိၤတၢ် ဒီးယကစံးထီၣ်ပတြၢၤနၤလီၤ.

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 4:12

ဒီးခဲကနံၣ်အံၤ, လဲၤတက့ၢ်. ယကမၤစၢၤနၤလၢနတၢ်ကတိၤ, ဒီးသိၣ်လိနၤတၢ်လၢနကဘၣ်စံးဘၣ်တဲဘၣ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 4:28

တုၤနုၤတစုစီၤမိၤၡ့တဲဘၣ်စီၤအၤဟရိၣ်ကယဲၢ်တၢ်လၢယွၤစံး ဘၣ်အီၤခဲလၢာ်, ဒီးတၢ်လီၤလးတဖၣ်လၢယွၤမၢအမၤဝဲ န့ၣ်လီၤ.

လံာ်တၢ်ဟးထီၣ်ကွံာ် 4:30

ဒီးစီၤအၤဟရိၣ်တဲဘၣ်အဝဲသ့ၣ်လၢကယဲၢ်တၢ်လၢယွၤစံးဘၣ်စီၤမိၤၡ့တဖၣ်န့ၣ်လီၤ. ဒီးစီၤမိၤၡ့မၤတၢ်လီၤလးတဖၣ်လၢပှၤဂီၢ်မုၢ်အမဲာ်ညါန့ၣ်လီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 59:21

ဒီးယမၤတၢ်အၢၣ်လီၤအီလီၤတမံၤဒီးသု, ယဟ့ၣ်လီၤတ့ၢ်သုယတၢ်စိတၢ်ကမီၤဒီးယတၢ်သိၣ်လိသီလိ တဖၣ်လၢကမ့ၢ်သုတၢ်လီၤစိၤလီၤဃၣ်, ဒီးစးထီၣ်ခဲအံၤဒီးဆူညါန့ၣ်, သုကဘၣ်စူၢ်ယၤဒီးသိၣ်လိသီလိ သုဖိတဖၣ်ဒီးသုစၢၤသုသွဲၣ်တဖၣ်လၢကစူၢ်ယွၤ လၢဆၢကတီၢ်ကဟဲ, ကိးဆၢကိးကတီၢ်ဒဲးန့ၣ်လီၤ.”

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယံးရမံယၤ 36:32

အန့ၣ်ဝံၤဒီး, ယဟံးန့ၢ်လံာ်ထူအဂၤတထူဒီးဟ့ၣ်လီၤအီၤဆူ ယပှၤကွဲးလံာ် စီၤဘၤရူးအစုပူၤ, ဒီးအဝဲကွဲးလီၤဝဲ တၢ်ခဲလၢာ် လၢယကိးထီၣ်န့ၢ်အီၤလီၤ. အဝဲကွဲးတၢ်ခဲလၢာ်လၢ အအိၣ်တ့ၢ် လံဝဲလၢ လံာ်ထူအခီၣ်ထံးအထူအပူၤ, ဒီးပာ်ဖှိၣ်အါထီၣ်တၢ်ကစီၣ် ဒ်န့ၣ်အသိးတဖၣ်လၢ ယကိးထီၣ်န့ၢ် အီၤလၢ ကကွဲးလီၤဝဲအဂီၢ်န့ၣ်လီၤ.

လံာ်တၢ်ဂံၢ် 16:28

စီၤမိၤၡ့စံးဘၣ်ပှၤဂီၢ်မုၢ်, “အအံၤမ့ၢ်ဒ်သိးသုကသ့ၣ်ညါ လၢယွၤဆှၢလီၤယၤဒ်လဲၣ်လၢယကမၤတၢ်ကိးမံၤဒဲးအံၤဒီးတမ့ၢ် ဘၣ်ယမၤတ့ၢ်တၢ်တဖၣ်အံၤလၢယတၢ်ဃုထၢဒၣ်ယဲဘၣ်န့ၣ်လီၤ.

လံာ်တၢ်ဂံၢ် 22:38

စီၤဘံးလၣ်စံးဆၢအီၤ, “ယဟဲလံ, တမ့ၢ်ဘၣ်ဧါ. ဘၣ်ဆၣ်ဒီးခဲအံၤယအိၣ်ဒီးတၢ်စိကမီၤမနုၤန့ၣ်လဲၣ်. ယတဲကသ့ဒၣ်ထဲတၢ်လၢကစၢ်ယွၤမၢယစံးဧိၤလီၤ.”

လံာ်တၢ်ဂံၢ် 23:12

အဝဲစံးဆၢဝဲဒၣ်, “ယစံးယဲသ့ဒၣ်ထဲတၢ်လၢယွၤမၢယစံးဧိၤ န့ၣ်လီၤ.”

လံာ်တၢ်ဂံၢ် 23:16

ယွၤထံၣ်လိာ်ဒီးစီၤဘံးလၣ်ဒီးတဲဘၣ်အီၤတၢ်လၢအဝဲကဘၣ်စံး ဝဲဒီးမၢအက့ၤကဒါက့ၤဆူစီၤဘၤလးအိၣ်ဒီးဟ့ၣ်လီၤအီၤလၢ အတၢ်ကစီၣ်န့ၣ်လီၤ.

လံာ်တၢ်ဂံၢ် 23:5

ယွၤတဲဘၣ်စီၤဘံးလၣ်တၢ်လၢကဘၣ်တဲဝဲ, ဒီးဆှၢလီၤကဒါက့ၤ အီၤဆူစီၤဘၤလးအအိၣ်လၢကဟ့ၣ်လီၤအီၤအဝဲအတၢ်ကစီၣ်န့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

1 ကရံၣ်သူး 11:23

အဂ့ၢ်ဒ်အံၤ, ယဒိးန့ၢ်ဘၣ်တ့ၢ်ယဲလၢကစၢ်အအိၣ်, တၢ်သိၣ်လီၤသီလီၤလၢယဟ့ၣ်လီၤကဒီးဆူသုအိၣ်တဆီ, လၢအမ့ၢ်ဝဲ, ကစၢ်ယ့ၣ်ၡူးဖဲမုၢ်တနၤလၢအဝဲဘၣ်တၢ်ဆါလီၤ အီၣ်ကွံာ်အီၤန့ၣ်, ဟံးန့ၢ်ကိၣ်တလိၣ်,

1 ကရံၣ်သူး 15:1

ဒီးခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ယသးအိၣ်ဒုးသ့ၣ်နီၣ်ထီၣ်သုဘၣ်ဃးတၢ်သးခုကစီၣ် လၢယစံၣ်တဲၤတဲလီၤဆူသုအိၣ်, လၢသုဒိးန့ၢ်သုဝဲဒီးလၢသုတၢ်စူၢ်တၢ်နာ်အိၣ်ဆၢထၢၣ်လၢ အလိၤဂၢၢ်ဂၢၢ်ကျၢၤကျၢၤန့ၣ်လီၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.

လံာ်သိၣ်လီၤသီလီၤတၢ် 5:31

မ့မ့ၢ်နဲဒၣ်စီၤမိၤၡ့ဧၢ, အိၣ်ဒီးယၤဖဲအံၤတက့ၢ်. ဒီးယကဟ့ၣ်လီၤနၤလၢကယဲၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး တၢ်မၤလိာ်တဖၣ်န့ၣ်လီၤ. သိၣ်လိသီလိပှၤဂီၢ်မုၢ်လၢတၢ်တဖၣ်န့ၣ်ဒ်သိးအဝဲသ့ၣ်ကစူၢ်ဝဲ, လၢကီၢ်တဘ့ၣ်လၢယဟ့ၣ်လီၤအဝဲသ့ၣ်အပူၤအဂီၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 16:3

ကွဲမုာ်စီၤယံးၡဲဆူတၢ်လုၢ်တၢ်ပာ်န့ၣ်ဒီးယကတဲနၤတၢ်လၢ နကဘၣ်မၤနဲလီၤ. ပှၤတဂၤလၢယကတဲနၤန့ၣ်နကဘၣ်ဖှူအီၤဒ်စီၤပၤတဂၤအသိးလီၤ.”