လံာ်တၢ်ဟးထီၣ်ကွံာ် 4:12 - Sgaw Karen Common Bible

¹² ဒီးခဲကနံၣ်အံၤ, လဲၤတက့ၢ်. ယကမၤစၢၤနၤလၢနတၢ်ကတိၤ, ဒီးသိၣ်လိနၤတၢ်လၢနကဘၣ်စံးဘၣ်တဲဘၣ်တဖၣ်န့ၣ်လီၤ.”

လံာ်တၢ်ဟးထီၣ်ကွံာ် 4:12 Iomraidhean Croise

စံးထီၣ်ပတြၢၤ 105:26

အန့ၣ်ဒီး, အဝဲမၢလီၤအခ့အပှၤစီၤမိၤၡ့ ဒီးစီၤအၤဟရိၣ်လၢအဃုထၢတ့ၢ်ဝဲန့ၣ်လီၤ.

စံးထီၣ်ပတြၢၤ 143:10

သိၣ်လိယၤဒ်သိးယကမၤတၢ်ဘၣ်နသးတက့ၢ်. အဂ့ၢ်ဒ်အံၤ, နမ့ၢ်ယကစၢ်ယွၤလီၤ. မ်နသးလၢအဂ့ၤန့ၣ်ဆှၢယၤလၢကျဲလၢ အမုာ်အပၢၤန့ၣ်တက့ၢ်.

စံးထီၣ်ပတြၢၤ 32:9

လီၤဂာ်ဒီးကသ့ၣ်မ့တမ့ၢ်ကသ့ၣ်လၤလၢ အတအိၣ်ဒီးတၢ်သ့ၣ်ညါတဂ့ၤ. ဘၣ်တၢ်ပၢဆှၢအီၤလၢကသ့ၣ်အထးအ့ၣ် ဒီးနိာ်ပျံၤလၢအကဒိကနၣ်တၢ်အဂီၢ်လီၤ.”

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်တၢ်ဟးထီၣ်ကွံာ် 4:13

ဘၣ်ဆၣ်ဒီးစီၤမိၤၡ့စံးဆၢဝဲဒၣ်, “ယွၤဧၢ, မၢလီၤပှၤအဂၤတဂၤတက့ၢ်.”

လံာ်တၢ်ဟးထီၣ်ကွံာ် 4:15

ဒီးနဘၣ်ကတိၤတၢ်ဒီးအီၤ, တဲဘၣ်အီၤတၢ်လၢကဘၣ်စံးကတိၤဝဲန့ၣ် လီၤ. ဒီးယကမၤစၢၤသုဝဲခံဂၤလၢာ်လၢသု ကဘၣ်ကတိၤတၢ်ဒ်လဲၣ်ဒီးသိၣ်လိသုလၢသုကဘၣ်မၤတၢ်မနုၤလဲၣ်န့ၣ်လီၤ.

လံာ်တၢ်ဟးထီၣ်ကွံာ် 4:16

အဝဲကမ့ၢ်ပှၤကတိၤတၢ်ဆူပှၤဂီၢ်မုၢ်လၢနဂီၢ်န့ၣ်လီၤ. ဒီးနဲဒၣ်နကအိၣ်လၢကစၢ်ယွၤအလီၢ်လၢအဂီၢ်န့ၣ်လီၤ.

လံာ်ယၡါယၤ 49:2

အဝဲဒုးကဲထီၣ်ယတၢ်ကတိၤတဖၣ်ဒ်နးတဘ့ၣ်လၢအကနၣ်အ့ၣ်ဝဲအသိး, ဒီးလၢအစုဒၣ်ဝဲန့ၣ်ဒီဒၣ်အိၣ်ပှိၤယၤလီၤ. အဝဲဒုးကဲထီၣ်ယၤဒ်ပျၢ်တဘိအသိး, အခိၣ်စူဂ့ၤမးဒီးအိၣ်ကတဲာ်ကတီၤအသးလၢတၢ်ကသူအီၤအဂီၢ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်တၢ်ဂံၢ် 16:28

စီၤမိၤၡ့စံးဘၣ်ပှၤဂီၢ်မုၢ်, “အအံၤမ့ၢ်ဒ်သိးသုကသ့ၣ်ညါ လၢယွၤဆှၢလီၤယၤဒ်လဲၣ်လၢယကမၤတၢ်ကိးမံၤဒဲးအံၤဒီးတမ့ၢ် ဘၣ်ယမၤတ့ၢ်တၢ်တဖၣ်အံၤလၢယတၢ်ဃုထၢဒၣ်ယဲဘၣ်န့ၣ်လီၤ.

လံာ်မၢ်ကူး 13:11

ဒီးတဘျီလၢ်လၢ်ဖဲတၢ်ဖီၣ်သုဒီးတၢ်ဆှၢထီၣ်သုလၢတၢ် ကစံၣ်ညီၣ်သုအဂီၢ်န့ၣ်, သုကဘၣ်စံးဘၣ်ကတိၤတၢ်မနုၤလဲၣ်န့ၣ်သုတဘၣ်သူၣ်ကိၢ်သးဂီၤဆိ ပာ်တဂ့ၤ. မ့မ့ၢ်တုၤအဆၢကတီၢ်ဘၣ်ဒီး, ကတိၤတၢ်ကတိၤလၢတၢ်ဟ့ၣ်သုဖဲအကတီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်တမ့ၢ်သုကတိၤသုတၢ်ကတိၤဒၣ်ဝဲဘၣ်. သုတၢ်ကတိၤတဖၣ်ဟဲလၢသးစီဆှံတခီလီၤ.

လံာ်လူၤကၣ် 11:1

ဘၣ်တနံၤန့ၣ်, ယ့ၣ်ၡူးဃ့ဘါထုကဖၣ်တၢ်ဖဲတၢ်လီၢ်တတီၤလီၤ. ဖဲအဝဲဒၣ်အတၢ်ထုကဖၣ်ကတၢၢ်န့ၣ်, အဝဲအပျဲၢ်အဘီၣ်အကျါ တဂၤစံးဘၣ်အီၤ, “ကစၢ်ဧၢ, သိၣ်လိပှၤလၢပကဃ့ဘါထုကဖၣ်တၢ်, ဒ်စီၤယိၤဟၣ်သိၣ်လိအပျဲၢ်အဘီၣ်တဖၣ်အသိးန့ၣ်တက့ၢ်.”

လံာ်ယိၤဟၣ် 14:26

မ့မ့ၢ်, ပှၤမၤစၢၤတၢ်သးစီဆှံလၢပၢ်ကမၢလီၤအီၤလၢယမံၤ အပူၤန့ၣ်, ကသိၣ်လိသီလိသုတၢ်ခဲလၢာ်ဒီးကဒုးသ့ၣ်နီၣ်ထီၣ် သုတၢ်လၢယစံးဘၣ်တ့ၢ်သုခဲလၢာ်န့ၣ်လီၤ.

အ့းဖ့းစူး 6:19

ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.