လံာ်တၢ်ဟးထီၣ်ကွံာ် 4:10 - Sgaw Karen Common Bible

¹⁰ တုၤနုၤတစုစီၤမိၤၡ့စံးဘၣ်ယွၤ, “ယွၤဧၢ, လၢသီမ့ၢ်ဂ့ၤ, စးထီၣ်လၢနကတိၤတၢ်ဒီးနခ့နပှၤမ့ၢ်ဂ့ၤ, ယတမ့ၢ်ပှၤကတိၤတၢ်သ့ နီတစုဘၣ်. အဂ့ၢ်ဒ်အံၤ, ယမ့ၢ်ပှၤလၢအထးခိၣ်ဒီးအပျ့ၤဃၢန့ၣ်လီၤ.”

လံာ်တၢ်ဟးထီၣ်ကွံာ် 4:10 Iomraidhean Croise

လံာ်တၢ်ဟးထီၣ်ကွံာ် 3:11

ဒီးစီၤမိၤၡ့စံးဘၣ်ကစၢ်ယွၤ, “ယဲဒၣ်အံၤယတမ့ၢ်တၢ်နီတမံၤ ဘၣ်. ယကလဲၤဆူစီၤပၤအအိၣ်ဒီးထုးထီၣ်ကွံာ်ပှၤအံၣ်စရ့လးဖိတဖၣ် လၢကီၢ်အဲၤကူပတူးအပူၤကသ့ဒ်လဲၣ်.”

လံာ်တၢ်ဟးထီၣ်ကွံာ် 4:1

ဒီးစီၤမိၤၡ့စံးဆၢယွၤ, “ပှၤအံၣ်စရ့လးဖိတဖၣ်မ့ၢ်တနာ် ယၤဒီးတဒိကနၣ်ဘၣ်တၢ်လၢယတဲအီၤ, ဒီးမ့ၢ်စံးဝဲဒၣ်လၢနတလီၣ်ဖျါထီၣ်နသးလၢယၤဘၣ်န့ၣ်ယကဘၣ်မၤ ဒ်လဲၣ်.”

လံာ်တၢ်ဟးထီၣ်ကွံာ် 6:12

ဒီးစီၤမိၤၡ့စံးဆၢဝဲဒၣ်, “ပှၤအံၣ်စရ့လးဖိတဖၣ်ဒၣ်လဲာ် တဒိကနၣ်ယကလုၢ်ဘၣ်. ဒီးကီၢ်အဲၤကူပတူးအစီၤပၤကကနၣ် ယကလုၢ်ဒ်လဲၣ်. အဂ့ၢ်ဒ်အံၤယမ့ၢ်ပှၤလၢအကတိၤတၢ်တသ့ ဘၣ်တဂၤအဃိန့ၣ်လီၤ.”

လံာ်တၢ်ဟးထီၣ်ကွံာ် 6:30

ဘၣ်ဆၣ်စီၤမိၤၡ့စံးဆၢဝဲဒၣ်, “နသ့ၣ်ညါလၢယမ့ၢ်ပှၤလၢအကတိၤတၢ်တသ့ဘၣ်တဂၤလီၤ. ဒီးစီၤပၤကကနၣ်ယကလုၢ်ဒ်လဲၣ်.”

လံာ်ယံးရမံယၤ 1:6

ယစံးဆၢယဲ, “ယွၤပၢဘၣ်တၢ်ခဲလၢာ်ကစၢ်ဧၢ, ယကဘၣ်ကတိၤ တၢ်ဒ်လဲၣ်န့ၣ်ယတသ့ၣ်ညါယဲဘၣ်. ယသးစၢ်ကဲၣ်ဆိးဒံးလီၤ.”

လံာ်မံကၤ 6:4

ယထုးထီၣ်ကွံာ်သုလၢကီၢ်အဲၤကူပတူးအပူၤဒီးပှ့ၤက့ၤသုလၢတၢ်မၢကဲကုၢ်, ယမၢလီၤစီၤမိၤၡ့, စီၤအၤဟရိၣ်ဒီးနီၢ်မံးရယၣ်လၢကဆှၢသုလီၤ.

မၤတၢ် 7:22

အဝဲဒၣ်ဘၣ်တၢ်သိၣ်လိမၤယုၤအီၤလၢကယဲၢ်ပှၤ အဲၤကူပတူးဖိတဖၣ်အတၢ်ကူၣ်သ့ကူၣ်ဘၣ်ခဲလၢာ်, ဒီးကဲထီၣ်ဝဲပှၤဖးဒိၣ်တဂၤလၢအတၢ်စံးတၢ်ကတိၤဒီး အတၢ်ဖံးတၢ်မၤအပူၤန့ၣ်လီၤ.

၂ ကရံၣ်သူး 10:10

ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

၂ ကရံၣ်သူး 11:6

ဘၣ်တဘၣ်ယတမ့ၢ်ပှၤသ့စံးသ့ကတိၤတၢ်တဂၤသ့ၣ်သ့ၣ် လီၤ. ဘၣ်ဆၣ်ဒီးမ့မ့ၢ်လၢတၢ်သ့ၣ်ညါနၢ်ပၢၢ်တကပၤန့ၣ်, သပှၢ် ကတၢၢ်, တမ့ၢ်ဒ်န့ၣ်ဘၣ်. ပပာ်ဖျါထီၣ်တ့ၢ်တၢ်ဂ့ၢ်တမံၤအံၤဖျါဖျါလၢသုမဲာ်ညါ ထီဘိတဘိယူၢ်ဃီလၢဆၢကတီၢ်ကိးကတီၢ်ဒဲးအပူၤလီၤ.