လံာ်တၢ်ဟးထီၣ်ကွံာ် 39:43 - Sgaw Karen Common Bible

⁴³ စီၤမိၤၡ့သမံသမိးကွၢ်တၢ်ကိးမံၤဒဲးဒီးထံၣ်ဘၣ်ဝဲလၢအဝဲ သ့ၣ်မၤတၢ်ခဲလၢာ်ဒ်ယွၤမၤလိာ်တ့ၢ်ဝဲအသိးန့ၣ်လီၤ. လၢတၢ်န့ၣ်အဃိစီၤမိၤၡ့ဆိၣ်ဂ့ၤအဝဲသ့ၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:43 Iomraidhean Croise

လံာ်တၢ်ကဲထီၣ်အခီၣ်ထံး 1:31

ကစၢ်ယွၤကွၢ်တၢ်လၢအမၤတ့ၢ်ဝဲခဲလၢာ်ဒီးအဝဲအသးခုသးမုာ်ဒိၣ်မးလီၤ. မုၢ်ဟါပူၤကွံာ်ဒီးမုၢ်ဂီၤဟဲဝဲ, ဒီးတၢ်န့ၣ်မ့ၢ်မုၢ်ဃုနံၤတနံၤန့ၣ်လီၤ.

လံာ်တၢ်ကဲထီၣ်အခီၣ်ထံး 14:19

ဒီးဆိၣ်ဂ့ၤအီၤဝံၤဒီးစံးဝဲဒၣ်, “မ်တၢ်ထီကတၢၢ်ကစၢ်ယွၤ လၢအတ့လီၤမူခိၣ်ဒီးဟီၣ်ခိၣ်တဂၤအံၤဆိၣ်ဂ့ၤစီၤအၤဘြၣ်တ က့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 6:18

ဖဲအဝဲလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဝံၤန့ၣ်, အဝဲဆိၣ်ဂ့ၤပှၤဂီၢ်မုၢ်လၢယွၤ, သ့တၢ်လၢာ်ကစၢ်အမံၤအပူၤ,

လံာ်စီၤပၤအခီၣ်ထံးတဘ့ၣ် 6:38

ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:14

ဖဲပှၤဂီၢ်မုၢ်ဆၢထၢၣ်ဝဲဖဲန့ၣ်အခါန့ၣ်, စီၤပၤစီၤၡလိၤမိၤ ဃၣ်ဃီၤအမဲာ်ဆူအဝဲသ့ၣ်အအိၣ်ဒီးအဝဲဃ့ဝဲလၢကစၢ်ယွၤအတၢ်ဆိၣ် ဂ့ၤကလီၤဘၣ်လၢအဝဲသ့ၣ်အလိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:55

ဒီးလၢတၢ်ကလုၢ်သီၣ်ဖးဒိၣ်အပူၤ, အဝဲဃ့ဝဲလၢကစၢ်ယွၤအတၢ် ဆိၣ်ဂ့ၤကလီၤဘၣ်လၢပှၤဂီၢ်မုၢ်ခဲလၢာ်လၢအအိၣ်ဖှိၣ်ရိဖှိၣ်ဖဲ န့ၣ်အလိၤန့ၣ်လီၤ. အဝဲစံးဝဲ,

လံာ်ကွဲးနီၣ်တၢ်အခီၣ်ထံးတဘ့ၣ် 16:2

တုၤစီၤဒၤဝံးမၤဝံၤတၢ်လုၢ်ထီၣ်ပာ်ထီၣ်တဖၣ်အလီၢ်ခံန့ၣ်, အဝဲဆိၣ်ဂ့ၤပှၤဂီၢ်မုၢ်လၢယွၤအမံၤအပူၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 30:27

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဃ့တၢ်ဆိၣ်ဂ့ၤလၢ ယွၤ, လၢပှၤဂီၢ်မုၢ်အဂီၢ်န့ၣ်လီၤ. လၢအဝဲအဟံၣ်အိၣ်လၢမူခိၣ်အပူၤ န့ၣ်, ကစၢ်ယွၤနၢ်ဟူတ့ၢ်အဝဲသ့ၣ်အတၢ်ထုကဖၣ်တဖၣ်ဒီးတူၢ်လိာ်အဝဲသ့ၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:3

ကယဲၢ်အံၣ်စရ့လးအပှၤဂီၢ်မုၢ်ခဲလၢာ်ဂဲၤဆၢထၢၣ်ဝဲဖဲန့ၣ်လီၤ. စီၤပၤဃၣ်တရံးဃီၤဒီးကွၢ်တၢ်ဆူအဝဲသ့ၣ်အအိၣ်, ဒီးဃ့သကွံာ်ကညးဝဲလၢကစၢ်ယွၤအတၢ်ဆိၣ်ဂ့ၤဆိၣ်ဝါကလီၤဘၣ်လၢ အဝဲသ့ၣ်အလိၤန့ၣ်လီၤ.

လံာ်စီၤနဃ့မယၤ 11:2

ပှၤဂီၢ်မုၢ်စံးထီၣ်ပတြၢၤဝဲပှၤတဂၤလၢ်လၢ်လၢအအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤဒ်အသးဆူၣ်ဒၣ်ဝဲအသိးန့ၣ်လီၤ.

စံးထီၣ်ပတြၢၤ 104:31

မ်ယွၤအလၤကပီၤအိၣ်ဝဲလီၤထူလီၤယိာ်, မ်ယွၤသးခုလၢအတၢ်မၤအပူၤန့ၣ်တက့ၢ်.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

လံာ်တၢ်ဟးထီၣ်ကွံာ် 12:28

အန့ၣ်ဒီးပှၤအံၣ်စရ့လးဖိတဖၣ်လဲၤဒီးမၤဝဲဒ်ယွၤမၤလိာ်စီၤမိၤၡ့ဒီးစီၤအၤဟရိၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 25:9

မၤအီၤဒီးကယၢကယဲအီၤဒ်တၢ်တိာ်ကျဲၤလၢယကဒုးနဲၣ်သုန့ၣ်တက့ၢ်.

လံာ်တၢ်ဟးထီၣ်ကွံာ် 39:42

ပှၤအံၣ်စရ့လးဖိတဖၣ်မၤဝံၤကယဲၢ်တၢ်မၤခဲလၢာ်, ဒ်ယွၤမၤလိာ်တ့ၢ်စီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 40:1

ယွၤစံးဘၣ်စီၤမိၤၡ့, လၢလါအခီၣ်ထံးတလါထီၣ်တသီန့ၣ်ထီထီၣ်ယွၤအိၣ်ဝဲဆိးဝဲအဒဲစီဆှံတက့ၢ်.

လံာ်တၢ်ဟးထီၣ်ကွံာ် 40:25

ဒီးဖဲန့ၣ်လၢယွၤအမဲာ်ညါန့ၣ်, အဝဲဒွဲၣ်ကပီၤထီၣ်မ့ၣ်အူဒၢ တဖၣ်ဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဟးထီၣ်ကွံာ် 7:6

ဒီးစီၤမိၤၡ့ဒီးစီၤအၤဟရိၣ်မၤဝဲဒ်ယွၤမၤလိာ်အဝဲသ့ၣ်အသိးန့ၣ်လီၤ.

လံာ်ယံးရမံယၤ 13:5

သတးဒီး, ယလဲၤဒီးပာ်ခူသူၣ်အီၤဘူးဒီးထံကျိဖးဒိၣ်ဖရၤသးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:34

ဒီးတၢ်သိၣ်တၢ်ဘျၢတဖၣ်အံၤကဘၣ်တၢ်ဒိကနၣ်မၤထွဲအီၤအစိၤစိၤအဃၣ်ဃၣ်န့ၣ်လီၤ. တၢ်ဘူၣ်တၢ်ဘါအလုၢ်အလၢ်အံၤကဘၣ်တၢ်မၤအီၤတနံၣ်တဘျီ, လၢတၢ်ကမၤကဆှီထီၣ်က့ၤအံၣ်စရ့လးအပှၤဂီၢ်မုၢ်လၢအတၢ်ဒဲးဘး ခဲလၢာ်အဂီၢ်န့ၣ်လီၤ. ဒီးမၤဝဲဒ်ယွၤမၤလိာ်တ့ၢ်အီၤအသိးန့ၣ်လီၤ.

လံာ်စီၤယိၤၡူ 22:6

အန့ၣ်ဒီးစီၤယိၤၡူဆိၣ်ဂ့ၤအဝဲသ့ၣ်ဒီးပျၢ်အီၤဒီးအဝဲသ့ၣ်က့ၤက့ၤ ဝဲဆူအဟံၣ်ဒၣ်ဝဲန့ၣ်လီၤ. ဒီးအခဲအံၤလၢပှၤမ နၤၡ့ၤအဒူၣ်တဝာ်အဂီၢ် စီၤမိၤၡ့ဟ့ၣ်လီၤအလီၢ်လၢကီၢ်ဘၤၡၣ်အပူၤ, ဘၣ်ဆၣ်လၢအဒူၣ်တဝာ်အဂီၢ်တခီ စီၤယိၤၡူဟ့ၣ်လီၤတ့ၢ်အီၤတၢ်လီၢ်လၢအဒီပုၢ်ဝဲၢ်တဖၣ်အကပၤ လၢထံကျိယၢ်ဒ့ၣ်အမုၢ်နုာ်န့ၣ်လီၤ. ဒီးဖဲစီၤယိၤၡူပျၢ်ကွံာ် အဝဲသ့ၣ်ဆူအဟံၣ်ဒီးဆိၣ်ဂ့ၤအဝဲသ့ၣ်န့ၣ်, အဝဲစံးဘၣ်အဝဲသ့ၣ်, “က့ၤက့ၤဆူသုဟံၣ်အိၣ်ဒီးတၢ်ထူးတၢ် တီၤလၢအအါ, ဃုာ်ဒီးဆၣ်ဖိကီၢ်ဖိလၢအအါ, ဃုာ်ဒီးစ့, ထူ, တိၢ်ဘီ, ဒီးထး, ဃုာ်ဒီးတၢ်ကူတၢ်ကၤလၢအအါ, ဒီးနီၤဖးလီၤန့ၢ်သုဒီပုၢ်ဝဲၢ်တဖၣ်တၢ်ဂုာ်န့ၢ်လၢသုမၤန့ၢ်လၢသုဒုၣ်သုဒါတဖၣ်အအိၣ် န့ၣ်တက့ၢ်.”