လံာ်တၢ်ဟးထီၣ်ကွံာ် 39:39 - Sgaw Karen Common Bible

³⁹ ဒီးတၢ်လုၢ်လီၢ်တိၢ်ဘီဃုာ်ဒီးအဖ့ဂုၤတိၢ်ဘီ, အနီၣ်ယိးဘိတဖၣ်, ဒီးကယဲၢ်တၢ်အပီးအလိ, တၢ်သ့စီအသရာ်ဒီးအခီၣ်တဖၣ်,

လံာ်တၢ်ဟးထီၣ်ကွံာ် 39:39 Iomraidhean Croise

လံာ်စီၤပၤအခီၣ်ထံးတဘ့ၣ် 8:64

ဖဲမုၢ်တနံၤဃီအံၤန့ၣ်, အဝဲပာ်စီဆှံထီၣ်စ့ၢ်ကီးတၢ်လီၢ်လၢ ဂၢၤအခၢၣ်သးတတီၤ, တၢ်လီၢ်လၢအအိၣ်ဖဲယွၤအတၢ်လုၢ်ဟံၣ်အမဲာ်ညါ, ဝံၤဒီးဖဲန့ၣ်အဝဲလုၢ်ထီၣ်တၢ်လုၢ်တဖၣ်လၢတၢ်ဆူးကဲၤအီၤဒီတဒု, တၢ်လုၢ်ဘုဧိၤဟုဧိၤတဖၣ်ဒီးဆၣ်ဖိကီၢ်ဖိတဖၣ်အသိလၢတၢ် လုၢ်မၤဃူမၤဖိးအဂီၢ်န့ၣ်လီၤ. အဝဲမၤဝဲဒ်အံၤမ့ၢ်လၢတိၢ်ဘီတၢ်လုၢ်လီၢ်န့ၣ်ဆံးကဲာ်ဆိးလၢ တၢ်လုၢ်တဖၣ်အံၤခဲလၢာ်အဂီၢ်အဃိန့ၣ်လီၤ.

လံာ်တၢ်ဟးထီၣ်ကွံာ် 27:1

ဘှီထီၣ်တၢ်လုၢ်လီၢ်တခါလၢသ့ၣ်ဖှ့ၡံးတၤတက့ၢ်. ကဘၣ်မ့ၢ်အကပၤလွံၢ်ခီဃူလိာ်အသး, အလဲၢ်ယဲၢ်ပျၢ်, အထီအိၣ်ယဲၢ်ပျၢ်, ဒီးအကစီၤထီၣ်ကဘၣ်အိၣ်သၢပျၢ်လီၤ.

လံာ်တၢ်ဟးထီၣ်ကွံာ် 27:4

ပိာ်န့ၢ်ဖၣ်ကပူၤအဒါတဘ့ၣ်လၢတိၢ်ဘီဒ်ပှၤထ့တၢ်အသိး, ဒီးထီထီၣ်ကွီၤတိၢ်ဘီလွံၢ်ခါဖဲအနၢၣ်တဖၣ်လၢတၢ်ကစိာ်ထီၣ် စိာ်လီၤအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 30:18

“မၤထီၣ်သရာ်တိၢ်ဘီတခါအိၣ်ဒီးတိၢ်ဘီအခံဟံးဃာ်တက့ၢ်. ပာ်လီၤအီၤဖဲယွၤအဒဲစီဆှံဒီးတၢ်လုၢ်လီၢ်အဘၢၣ်စၢၤဒီးဒၢနုာ်ထံလၢအအိပူၤတက့ၢ်.

လံာ်တၢ်ဟးထီၣ်ကွံာ် 38:30

ဒီးလၢတိၢ်ဘီအံၤန့ၣ်အဝဲမၤတၢ်အခီၣ်ထံးတဖၣ်လၢယွၤအိၣ်ဝဲဆိးဝဲအဒဲစီဆှံအကျဲစၢၤ, တိၢ်ဘီတၢ်လုၢ်လီၢ်ဒီးအဖ့ဂုၤတိၢ်ဘီဒီးတၢ်လုၢ်လီၢ်အပီးအလီခဲလၢာ်

လံာ်တၢ်ဟးထီၣ်ကွံာ် 39:38

ဒီးတၢ်လုၢ်လီၢ်လၢအဘၣ်တၢ်မၤအီၤလၢထူ, သိလၢတၢ်ကဖှူတၢ်အဂီၢ်, တၢ်နၢမူ, ယၣ်ဘျးသဒၢတၢ်လၢဒဲစီဆှံအကျဲစၢၤအဂီၢ်,

လံာ်တၢ်ဟးထီၣ်ကွံာ် 39:40

ယၣ်ဘျးသဒၢတဖၣ်လၢအအိၣ်ဝးတရံးဒဲစီဆှံဒီးအထူၣ်တဖၣ်, အခီၣ်ထံးအဖျီၣ်တဖၣ်, ယၣ်ဘျးသဒၢလၢဒဲစီဆှံအကျဲ စၢၤအဂီၢ်ဒီးအပျံၤတဖၣ်, ဒဲစီဆှံအနီၣ်ပျၤတဖၣ်, ဒီးကယဲၢ်တၢ်ပီးတၢ်လီတဖၣ်, လၢတၢ်ကသူအီၤလၢဒဲစီဆှံအပူၤ,