လံာ်တၢ်ဟးထီၣ်ကွံာ် 39:32 - Sgaw Karen Common Bible

³² ကယဲၢ်တၢ်မၤလၢယွၤအိၣ်ဝဲဆိးဝဲအဒဲစီဆှံအဂီၢ်န့ၣ်, လၢခံကတၢၢ်န့ၣ်ဘၣ်တၢ်မၤဝံၤအီၤဂ့ၤဂ့ၤန့ၣ်လီၤ. ပှၤအံၣ်စရ့လးဖိတဖၣ်မၤတၢ်ကိးမံၤဒဲးဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 39:32 Iomraidhean Croise

လံာ်စီၤပၤအခီၣ်ထံးတဘ့ၣ် 6:38

ဖဲစီၤၡလိၤမိၤပၢတၢ်တဆံတနံၣ်အပူၤလါဃိးလါတလါ, လၢအမ့ၢ်လါဘူလ့ၤအပူၤန့ၣ်, ယွၤအတၢ်လုၢ်ဟံၣ်ဘၣ်တၢ်မၤဝံၤအီၤ လၢလၢပှဲၤပှဲၤဒ်တၢ်တိာ်ကျဲၤပာ်အီၤလီၤတံၢ်လီၤဆဲးအသိးန့ၣ်လီၤ. စီၤၡလိၤမိၤသူၣ်ထီၣ်တၢ်လုၢ်ဟံၣ်အံၤယံာ်ဝဲ နွံနံၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 7:40

စီၤဃူရၣ်အဘံမၤစ့ၢ်ကီးဝဲသပၢၤတဖၣ်, တပူၣ်တဖၣ်ဒီးသရာ်တဖၣ် လီၤ. အဝဲမၤဝံၤအတၢ်မၤခဲလၢာ်လၢစီၤပၤၡလိၤမိၤအဂီၢ်လၢကစၢ်အတၢ် လုၢ်ဟံၣ်အပူၤန့ၣ်လီၤ. တၢ်လၢအဝဲမၤဝဲတဖၣ်မ့ၢ်ဒ်လၢလာ်အံၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:19

စီၤပၤဒၤဝံးစံးဝဲ, “ကယဲၢ်တၢ်ခဲလၢာ်အံၤအိၣ်လၢတၢ်တိာ် ကျဲၤလၢတၢ်ကွဲးလီၤအီၤဒ်ယွၤအနီၢ်ကစၢ်ဒၣ်ဝဲသိၣ်လီၤမၤလိာ် ဒီးဟ့ၣ်လီၤယၤလၢယကမၤထွဲအီၤအပူၤအသိးန့ၣ်လီၤ.”

လံာ်တၢ်ဟးထီၣ်ကွံာ် 12:28

အန့ၣ်ဒီးပှၤအံၣ်စရ့လးဖိတဖၣ်လဲၤဒီးမၤဝဲဒ်ယွၤမၤလိာ်စီၤမိၤၡ့ဒီးစီၤအၤဟရိၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 25:40

ပာ်သူၣ်ပာ်သးလၢသုကမၤအီၤဒ်တၢ်တိာ်ကျဲၤလၢယဒုးနဲၣ်တ့ၢ်သု လၢကစၢၢ်အလိၤန့ၣ်တက့ၢ်.

လံာ်တၢ်ဟးထီၣ်ကွံာ် 31:7

ယွၤအိၣ်ဝဲဆိးဝဲအဒဲစီဆှံ, တၢ်အၢၣ်လီၤအီလီၤအတလါစီဆှံ ဒီးအခိၣ်ကးဒီးကယဲၢ်တၢ်အဃၢၤအဃိာ်လၢယွၤအဒဲစီဆှံအဂီၢ်,

လံာ်တၢ်ဟးထီၣ်ကွံာ် 39:31

အဝဲသ့ၣ်စၢထီၣ်အီၤလၢခိၣ်ဖၢၣ်အမဲာ်ညါလၢပျံၤအလွဲၢ်လါအဲးတဘိ, ဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 39:33

အဝဲသ့ၣ်ဟဲစိာ်ဒဲစီဆှံန့ၣ်ဆူစီၤမိၤၡ့အအိၣ်, ဃုာ်ဒီးကယဲၢ်အတၢ်ပီးတၢ်လီ, အနီၣ်ဘျးတဖၣ်, ကွီၣ်တဖၣ်, အနီၣ်ဘိတဖၣ်, အထူၣ်တဖၣ်, ဒီးအထူၣ်ခီၣ်ထံးတဖၣ်,

လံာ်တၢ်ဟးထီၣ်ကွံာ် 40:1

ယွၤစံးဘၣ်စီၤမိၤၡ့, လၢလါအခီၣ်ထံးတလါထီၣ်တသီန့ၣ်ထီထီၣ်ယွၤအိၣ်ဝဲဆိးဝဲအဒဲစီဆှံတက့ၢ်.

လံာ်တၢ်ဟးထီၣ်ကွံာ် 40:3

ဒၢနုာ်လီၤတၢ်အၢၣ်လီၤအီလီၤအတလါစီဆှံလၢအအိၣ်ဒီးတၢ်မၤ လိာ်အထံၣ်တဆံန့ၣ်လၢအပူၤ, ဒီးဘျးထီၣ်ယၣ်ဘျးသဒၢတၢ်လၢအမဲာ်ညါတက့ၢ်.

လံာ်တၢ်ဟးထီၣ်ကွံာ် 40:32

တဘျီလၢ်လၢ်ဖဲအဝဲသ့ၣ်တဖၣ်လဲၤနုာ်ဆူဒဲစီဆှံအပူၤမ့ၣ်ဂ့ၤ, ဆူတၢ်လုၢ်လီၢ်မ့ၢ်ဂ့ၤဒ်ယွၤမၤလိာ်တ့ၢ်ဝဲအသိးန့ၣ်လီၤ.

လံာ်တၢ်ဂံၢ် 3:31

အဝဲသ့ၣ်ဘၣ်ဟံးန့ၢ်မူဒါလၢတၢ်အၢၣ်လီၤအီလီၤအတလါ, စီၢ်နီၤခိၣ်, တၢ်ပာ်မ့ၣ်အူဒၢအလီၢ်, တၢ်လုၢ်လီၢ်တဖၣ်ဒီးတၢ် အဃၢၤအဃိာ်တဖၣ်လၢပှၤလုၢ်တၢ်အခိၣ်တဖၣ်သူဝဲလၢတၢ်အလီၢ်စီဆှံ အပူၤဒီးယၣ်ဘျးသဒၢဖဲတၢ်အလီၢ်စီဆှံကတၢၢ်အကျဲစၢၤအဂီၢ်န့ၣ် လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်ဖံးတၢ်မၤဘၣ်ဃးဒီးတၢ်ပီး တၢ်လီတဖၣ်အံၤအဂီၢ်န့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

ဧ့ၤဘြံၤ 3:2

အဝဲအကလုၢ်တီဒီးကစၢ်ယွၤလၢအမၢအီၤတဂၤဒ်စီၤမိၤၡ့ အကလုၢ်တီဝဲလၢအတၢ်ဆှၢကစၢ်ယွၤအပှၤဂီၢ်မုၢ်အပူၤ အသိးန့ၣ်လီၤ.

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.