လံာ်တၢ်ဟးထီၣ်ကွံာ် 39:30 - Sgaw Karen Common Bible

³⁰ အဝဲသ့ၣ်မၤတၢ်ကယၢကယဲလၢထူစီ, ဒ်အမ့ၢ်တၢ်အပနီၣ်စီဆှံ, လၢတၢ်ပာ်စီဆှံသးအဂီၢ်ဒီးလၢအလိၤန့ၣ်စိးပျၤကွဲးလီၤဝဲ, တၢ်ပာ်စီဆှံထီၣ်အီၤဆူယွၤအအိၣ်’ န့ၣ်လီၤ.

လံာ်တၢ်ဟးထီၣ်ကွံာ် 39:30 Iomraidhean Croise

လံာ်တၢ်ဟးထီၣ်ကွံာ် 26:36

လၢယွၤအဒဲစီဆှံအကျဲစၢၤအဂီၢ်န့ၣ်, မၤယၣ်ဘျးသဒၢတဘ့ၣ်လၢ တၢ်ကံးယာ်လုၣ်အဂ့ၤ, ဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်ဒီးသိဆူၣ်ဂီၤဒီးမၤဃံမၤလၤအီၤဒီးတၢ်ဆး ဒဲးကံၣ်ဒဲးဝ့ၤတက့ၢ်.

လံာ်တၢ်ဟးထီၣ်ကွံာ် 39:29

ဒီးယီၢ်တကိးလၢလုၣ်အဂ့ၤအလွဲၢ်လါအဲး, အလွဲၢ်လုးတကုာ်ဒီးသိ ဆူၣ်အလွဲၢ်ဂီၤလၢအဘၣ်တၢ်ဆးဒဲးကံၣ်ဒဲးဝ့ၤအီၤဒ်ယွၤမၤလိာ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 39:31

အဝဲသ့ၣ်စၢထီၣ်အီၤလၢခိၣ်ဖၢၣ်အမဲာ်ညါလၢပျံၤအလွဲၢ်လါအဲးတဘိ, ဒ်ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်စကၤရယၤ 14:20

ဖဲအဆၢကတီၢ်အဝဲန့ၣ်န့ၣ်, လၢကသ့ၣ်အကိာ်လိၤ, ပှ့ၤသၣ်အလိၤဒၣ်လဲာ်တၢ်ကကွဲးလီၤတၢ်ကတိၤလၢအစံးဝဲ, “ဘၣ်တၢ်ပာ်စီဆှံအီၤလၢယွၤအဂီၢ်လီၤ.” တၢ်တ့ၤတၢ်ဖီအသပၢၤတဖၣ်လၢတၢ်လုၢ်ဟံၣ်ပူၤန့ၣ်, ကစီဝဲဆှံဝဲဒ်သလၢတဖၣ်လၢတၢ်လုၢ်လီၢ်အမဲာ်ညါအသိးန့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”