လံာ်တၢ်ဟးထီၣ်ကွံာ် 39:13 - Sgaw Karen Common Bible

¹³ ဒီးလွံၢ်ဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဟ့တဖျၢၣ်, တၢ်မျၢ်မဟူယၤဂီၤတဖျၢၣ်ဒီးတၢ်မျၢ်နကၤသွဲးတဖျၢၣ်န့ၣ်လီၤ. ဒီးတၢ်မျၢ်တဖၣ်အံၤဘၣ်တၢ်ကွီၤအီၤလၢထူအကွီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 39:13 Iomraidhean Croise

လံာ်တၢ်ကဲထီၣ်အခီၣ်ထံး 2:12

(ထူအစီဘၣ်တၢ်ထံၣ်န့ၢ်အီၤဖဲန့ၣ်, ဒီးသိနၢမူလၢအကၤဒီးလၢၢ်လုၢ်ဒိၣ်ပှ့ၤဒိၣ်တဖၣ်ဘၣ်တၢ်ထံၣ်န့ၢ်အီၤဖဲန့ၣ်စ့ၢ်ကီးန့ၣ်လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 29:2

လၢယဂံၢ်ယဘါခဲလၢာ်အပူၤန့ၣ်, ယကတဲာ်ကတီၤတ့ၢ်တၢ်လၢအလိၣ်ဝဲ တဖၣ်လၢယွၤအတၢ်လုၢ်ဟံၣ်အဂီၢ်ဒ်ထူ, စ့, တိၢ်ဘီ, ထး, သ့ၣ်, လၢၢ်လုၢ်ဒိၣ်ပှ့ၤဒိၣ်တဖၣ်, တၢ်မျၢ်ထးသံတဖၣ်, လၢၢ်အလွဲၢ်အကလုာ်ကလုာ်လၢတၢ်ကရဲၣ်လီၤထီထီၣ်အီၤတဖၣ်, လၢၢ်ဝါအါအါဂီၢ်ဂီၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 28:11

မၤန့ၢ်ပှၤပိာ်လၢၢ်ဖိလၢအသ့အဘၣ်ကတၢၢ်တဂၤလၢကစိးပျၤစီၤယၤ ကိာ်အဖိခွါတဖၣ်အမံၤလၢလၢၢ်တဖၣ်အလိၤဒီးပိာ်ဝးတရံးလၢၢ်တဖၣ် အကနူၤလၢထူန့ၣ်တက့ၢ်.

လံာ်တၢ်ဟးထီၣ်ကွံာ် 28:9

ဟံးန့ၢ်လၢၢ်တၢ်မျၢ်သူခံဖျၢၣ်ဒီးစိးပျၤလီၤစီၤယၤကိာ်အဖိခွါတဆံခံဂၤအမံၤလၢအလိၤ,

လံာ်တၢ်ဟးထီၣ်ကွံာ် 39:12

သၢဂ့ၢ်တဂ့ၢ်န့ၣ်ထီထီၣ်ဝဲတၢ်မျၢ်လါဂီၤတဖျၢၣ်, တၢ်မျၢ်မဟူယၤဝါတဖျၢၣ်, ဒီးတၢ်မျၢ်သကီၤဖီတဖျၢၣ်န့ၣ်လီၤ.

လံာ်တၢ်ဟးထီၣ်ကွံာ် 39:14

လၢလၢၢ်တဆံခံဖျၢၣ်တဖျၢၣ်အလိၤန့ၣ်, တၢ်စိးပျၤကွဲးလီၤစီၤ ယၤကိာ်အဖိခွါတဖၣ်တဂၤစုာ်စုာ်အမံၤဒ်သိးကဒိလီၤပှၤအံၣ်စရ့လးဖိတဆံခံဒူၣ်အဂီၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:14

အစုတဖၣ်အက့ၢ်အဂီၤဂ့ၤဒိၣ်မး ဒီးအဝဲသိးပသံးတဖၣ်လၢအအိၣ်ဒီးလၢၢ်လုၢ်ဒိၣ်ပှ့ၤဒိၣ်တဖၣ် လီၤ. အနီၢ်ခိလီၤဂာ်ဒ်ကဆီမဲအဘျ့လၢအဘၣ်တၢ်ကယၢကယဲအီၤ ဒီးတၢ်မျၢ်နံၤလါန့ၣ်လီၤ.

လံာ်ယဃ့းစက့လး 1:16

လ့ၣ်ဖံဘၣ်လွံၢ်ခါလၢာ်အံၤလီၤဂာ်လိာ်အသးလီၤ. တခါစုာ်စုာ်ကပီၤထီၣ်ဝဲဒ်လၢၢ်လုၢ်ဒိၣ်ပှ့ၤဒိၣ်တဖျၢၣ်အသိး, ဒီးတခါစုာ်စုာ်လဲၤခီတူာ်လိာ်အသးလၢအဂၤတခါအပူၤ, မၤအသးဒ်လ့ၣ်ဖံဘၣ်တခါအိၣ်ဝဲလၢလ့ၣ်ဖံဘၣ်အဂၤတခါအပူၤ အသိး,

လံာ်လီၣ်ဖျါ 21:20

ယဲၢ်ဖျၢၣ်တဖျၢၣ်မ့ၢ်ဝဲတၢ်မျၢ်မဟူယၤတိၤအသး, ဃုဖျၢၣ်တဖျၢၣ်မ့ၢ်ဝဲတၢ်မျၢ်မဟူယၤဂီၤ, နွံဖျၢၣ် တဖျၢၣ်မ့ၢ်ဝဲတၢ်မျၢ်ဘီလါ, ဃိးဖျၢၣ်တဖျၢၣ်မ့ၢ်ဝဲ တၢ်မျၢ်လါဟ့, ခွံဖျၢၣ်တဖျၢၣ်မ့ၢ်ဝဲတၢ်မျၢ်ဘီအူး သပးယၢ်, တဆံဖျၢၣ်တဖျၢၣ်မ့ၢ်ဝဲတၢ်မျၢ်ဘီဟ့, တဆံတၢဖျၢၣ်တဖျၢၣ်မ့ၢ်ဝဲတၢ်မျၢ်လါဂီၤ, တဆံခံဖျၢၣ်တဖျၢၣ်မ့ၢ်ဝဲတၢ်မျၢ်သကီၤဖီလီၤ.