လံာ်တၢ်ဟးထီၣ်ကွံာ် 39:1 - Sgaw Karen Common Bible

¹ အဝဲသ့ၣ်ဆးပှၤလုၢ်တၢ်အခိၣ်အတၢ်ကူတၢ်သိးဃံလၤတဖၣ်လၢတၢ် အလွဲၢ်လါအဲး, တၢ်အလွဲၢ်လုးတကုာ်ဒီးသိဆူၣ်အလွဲၢ်ဂီၤ, ဒ်သိးအဝဲသ့ၣ်ကကူဝဲသိးဝဲဖဲအဝဲသ့ၣ်မၤတၢ်လၢတၢ်အလီၢ်စီဆှံပူၤအခါန့ၣ်လီၤ. အဝဲသ့ၣ်မၤပှၤလုၢ်တၢ်အခိၣ်အကူအသိးတဖၣ်လၢစီၤအၤဟရိၣ်အဂီၢ်ဒ် ယွၤမၤလိာ်တ့ၢ်စီၤမိၤၡ့အသိးန့ၣ်လီၤ.

လံာ်တၢ်ဟးထီၣ်ကွံာ် 39:1 Iomraidhean Croise

စံးထီၣ်ပတြၢၤ 93:5

ယွၤဧၢ, နတၢ်သိၣ်တၢ်သီတဖၣ်န့ၣ်အိၣ်ဝဲလီၤထူလီၤယိာ် ဒီးနတၢ်လုၢ်ဟံၣ်န့ၣ်စီဆှံဝဲနီၢ်နီၢ် အစိၤစိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 25:4

တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 28:5

ပှၤစုသ့တဖၣ်န့ၣ်ကဘၣ်သူတၢ်အလွဲၢ်အလါအဲး, အလွဲၢ်လုးတကုာ်ဒီးသိဆူၣ်ဂီၤ, သွဲထူဒီးတၢ်ကံးယာ်လုၣ် အဂ့ၤန့ၣ်တက့ၢ်.

လံာ်တၢ်ဟးထီၣ်ကွံာ် 31:10

ပှၤလုၢ်တၢ်အခိၣ်အကူအသိးလီၤဘီလီၤမုၢ်တဖၣ်လၢစီၤအၤဟရိၣ် ဒီးအဖိခွါတဖၣ်ကသူဝဲဖဲအဝဲသ့ၣ်မၤတၢ်ဒ်ပှၤလုၢ်တၢ်အခိၣ်တဖၣ်အသိး,

လံာ်တၢ်ဟးထီၣ်ကွံာ် 35:19

ဒီးတၢ်ကူတၢ်သိးလီၤဘီလီၤမုၢ်တဖၣ်လၢပှၤလုၢ်တၢ်အခိၣ်တဖၣ် ကသိးဝဲဖဲအမၤတၢ်လၢတၢ်အလီၢ်စီဆှံအပူၤလၢအမ့ၢ်, တၢ်ကူတၢ်သိးစီဆှံတဖၣ်လၢစီၤအၤဟရိၣ်ဒီးအဖိခွါတဖၣ်အဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 35:23

ပှၤကိးဂၤဒဲးလၢအအိၣ်ဒီးတၢ်ကံးယာ်လုၣ်အဂ့ၤကတၢၢ်တဖၣ်လၢ အအိၣ်ဒီးအလွဲၢ်လါအဲး, အလွဲၢ်လူးတကုာ်, မ့တမ့ၢ်သိဆူၣ်ဂီၤ, တၢ်ကံးယာ်ဘၣ်တၢ်မၤအီၤလၢမဲာ်တဲးလဲးအဆူၣ်, သိအဖံးလၢတၢ်စုၣ်ဂီၤအီၤမ့တမ့ၢ်တၢ်ဖံးအဂ့ၤကတၢၢ်န့ၣ်ဟဲစိာ်ဝဲဒၣ်လီၤ.

လံာ်တၢ်ဟးထီၣ်ကွံာ် 38:31

တၢ်အခီၣ်ထံးတဖၣ်လၢယၣ်ဘျးသဒၢအိၣ်ဝးတရံးဒဲစီဆှံ, ဒီးကျဲစၢၤအယၣ်ဘျးသဒၢအဂီၢ်, ဒီးလၢဒဲစီဆှံဒီးယၣ်ဘျးသဒၢအိၣ်ဝးတရံးအီၤအနီၣ်ဘျးခဲလၢာ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 39:41

ဒီးတၢ်ကူတၢ်သိးဃံလၤတဖၣ်လၢပှၤလုၢ်တၢ်အခိၣ်ကဘၣ်သိးထီၣ်အီၤလၢတၢ်အလီၢ်စီဆှံအပူၤ, လၢအမ့ၢ်တၢ်ကူတၢ်သိးစီဆှံတဖၣ်လၢပှၤလုၢ်တၢ်အခိၣ်စီၤအၤဟရိၣ်ဒီးအဖိခွါတဖၣ်အဂီၢ်န့ၣ်လီၤ.

လံာ်ယဃ့းစက့လး 42:14

ဖဲပှၤလုၢ်တၢ်အခိၣ်တဖၣ်အိၣ်လၢယွၤအတၢ်လုၢ်ဟံၣ်အပူၤဒီး အဲၣ်ဒိးလဲၤဟးထီၣ်ဆူတၢ်လုၢ်ဟံၣ်အဂၢၤလၢတၢ်ချၢန့ၣ်, အဝဲသ့ၣ် ကဘၣ်ဘ့ၣ်လီၤတ့ၢ်အတၢ်ကူတၢ်သိးစီဆှံလၢအကၤဝဲဖဲအမၤယွၤ အတၢ်အခါ, လၢဒၢးအံၤအပူၤန့ၣ်လီၤ. အဝဲသ့ၣ်ကဘၣ်ကူထီၣ် သိးထီၣ်တၢ်ကူတၢ်ကၤအဂၤတဖၣ်, တချုးဒံးဘၣ်လၢအလဲၤ ဟးထီၣ်ဆူတၢ်လီၢ်ဖဲပှၤဂီၢ်မုၢ်တဖၣ်ပာ်ဖှိၣ်အသးဘၣ်န့ၣ်လီၤ.

လံာ်ယဃ့းစက့လး 43:12

တၢ်အံၤမ့ၢ် တၢ်လုၢ်ဟံၣ်အတၢ်သိၣ်တၢ်သီန့ၣ်လီၤ. ကယဲၢ်တၢ်လီၢ်ကဝီၤလၢ အအိၣ်ဝးတရံးအီၤလၢ ကစၢၢ်ဒီခိၣ်အံၤ, မ့ၢ်တၢ်စီဆှံဒီးဘၣ်တၢ်ပာ်စီဆှံအီၤန့ၣ်လီၤ.

ဧ့ၤဘြံၤ 9:12

အဝဲလဲၤနုာ်ဝဲဆူတၢ်စီဆှံကတၢၢ်အလီၢ်ထဲတဘျီဧိၤဒီး အဝံၤအကဲ, တစိာ်ဃုာ်ဒီးမဲာ်တဲးလဲးဒီးဂီၤဖံးအသွံၣ် လၢကလုၢ်ထီၣ်ဝဲဒ်တၢ်လုၢ်တၢ်ပာ်အသိးအဂီၢ်ဘၣ်. မ့မ့ၢ်အဝဲလုၢ်ထီၣ်အသွံၣ်ဒၣ်ဝဲဒီးမၤန့ၢ်တၢ်အုၣ်က့ၤခီၣ်က့ၤ အထူအယိာ်လၢပဂီၢ်န့ၣ်လီၤ.

ဧ့ၤဘြံၤ 9:25

ပှၤယူဒၤဖိအပှၤလုၢ်တၢ်အခိၣ်အဒိၣ်ကတၢၢ်လဲၤနုာ်ဝဲဆူ တၢ်စီဆှံကတၢၢ်အလီၢ်ကိးနံၣ်ဒဲးစိာ်ဃုာ်ဒီးဆၣ်ဖိကီၢ်ဖိ အသွံၣ်လီၤ. ဘၣ်ဆၣ်ခရံာ်တလုၢ်ထီၣ်ဘၣ်အနီၢ်ကစၢ်ဒၣ်ဝဲ တဘျီဘၣ်တဘျီဒ်န့ၣ်အသိးဘၣ်.