လံာ်တၢ်ဟးထီၣ်ကွံာ် 38:9 - Sgaw Karen Common Bible

⁹ လၢယွၤအိၣ်ဝဲဆိးဝဲအဒဲစီဆှံအဂီၢ်န့ၣ်အဝဲမၤယၣ်ဘျးသဒၢ တဖၣ်လၢတၢ်ကံးညာ်ဖှီဝါကဆှၣ်အဂ့ၤကတၢၢ်န့ၣ်လီၤ. ယၣ်ဘျးသဒၢလၢကလံၤထံးတကပၤန့ၣ်အထီအိၣ်ဝဲ အပျၢ်တကယၤ,

လံာ်တၢ်ဟးထီၣ်ကွံာ် 38:9 Iomraidhean Croise

လံာ်စီၤပၤအခီၣ်ထံးတဘ့ၣ် 6:36

ဘျီၣ်လၢအအိၣ်လၢတၢ်သးကံၢ်ပူၤတဖျၢၣ်န့ၣ်ဘၣ်တၢ်ဘှီထီၣ်အီၤလၢ ယွၤအတၢ်လုၢ်ဟံၣ်အမဲာ်ညါဒီးဘၣ်တၢ်ဒူၣ်ဝးတရံးအီၤ လၢတၢ်ဒူၣ်လၢတၢ်မၤအီၤဒီးသ့ၣ်ဆှိအ့ရ့းအကျိၤတကထၢအဖီခိၣ် အိၣ်ဒီးလၢၢ်သၢကထၢတဆီဘၣ်တဆီန့ၣ်လီၤ.

စံးထီၣ်ပတြၢၤ 100:4

ဟဲနုာ်လၢအပဲတြီဒီးတၢ်သးဝံၣ်, အဂၢၤတဖၣ်ဒီးတၢ်စံးထီၣ်ပတြၢၤန့ၣ်တက့ၢ်. စံးဘျုးအီၤဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.

စံးထီၣ်ပတြၢၤ 84:2

ယသးဆၢလဲၤဘၣ်ဆူယွၤအဂၢၤတဖၣ်အပူၤ, တုၤယလီၤဘှါဝဲဒၣ်န့ၣ်လီၤ. ယသးဒီးယညၣ်သးဝံၣ်တၢ်လၢတၢ်သူၣ်ခုသးခု ဆူကစၢ်ယွၤလၢအမူဝဲတဂၤအအိၣ်န့ၣ်လီၤ.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 92:13

အဝဲသ့ၣ်လီၤဂာ်ဒ် သ့ၣ်တဖၣ်လၢအဘၣ်တၢ်သူၣ်လီၤအီၤလၢ ယွၤအဟံၣ်ပူၤအသိး လၢအဂုၤထီၣ်ပသီထီၣ်လၢ ပကစၢ်ယွၤအတၢ်လုၢ်ဟံၣ်အပူၤအသိး,

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 38:10

ဒီးဘၣ်တၢ်ဘျးလီၤစဲၤအီၤလၢတိၢ်ဘီအထူၣ်ခံဆံအလိၤ, လၢအခီၣ်ထံးအဖျီၣ်မ့ၢ်တိၢ်ဘီ, ဒီးအထးဘျးတဖၣ်, ဒီးအနီၣ်ဘိတဖၣ်, ဘၣ်တၢ်မၤအီၤလၢစ့န့ၣ်လီၤ.

လံာ်တၢ်ဟးထီၣ်ကွံာ် 40:33

စီၤမိၤၡ့ဘျးထီၣ်ဘျးသဒၢတၢ်ဝးတရံးဒဲစီဆှံဒီးတၢ်လုၢ် လီၢ်ဒီးဘျးလီၤစဲၤယၣ်ဘျးသဒၢဖဲဒဲစီဆှံအကျဲစၢၤန့ၣ်လီၤ. မၤသးဒ်န့ၣ်ဒီး, အဝဲမၤဝံၤကယဲၢ်တၢ်မၤခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 40:8

ဘျးထီၣ်ယၣ်ဘျးသဒၢဝးတရံးဒဲစီဆှံဒီးဘျးလီၤယၣ်ဘျးသဒၢ ဖဲအကျဲစၢၤန့ၣ်တက့ၢ်.

လံာ်တၢ်ဂံၢ် 3:26

ယၣ်ဘျးသဒၢလၢဂၢၤလၢအအိၣ်ဝးတရံးဒဲစီဆှံ, ဒီးတၢ်လုၢ်လီၢ်, ဒီးယၣ်ဘျးသဒၢလၢဂၢၤအကျဲစၢၤအဂီၢ်န့ၣ်လီၤ. အဝဲသ့ၣ်အမူအဒါအိၣ်ဝဲလၢကယဲၢ်တၢ်မၤဘၣ်ဃးဒီးတၢ်ပီးတၢ်လီ တဖၣ်အံၤအဂီၢ်န့ၣ်လီၤ.

လံာ်တၢ်ဂံၢ် 4:26

ယၣ်ဘျးသဒၢတဖၣ်ဒီးပျံၤတဖၣ်လၢဂၢၤလၢအအိၣ်ဝးတရံးဒဲစီဆှံ ဒီးတၢ်လုၢ်လီၢ်, ယၣ်ဘျးသဒၢတၢ်တဖၣ်လၢဂၢၤအကျဲစၢၤအဂီၢ်ဒီးကယဲၢ်တၢ်လၢအဘၣ်တၢ် သူအီၤလၢတၢ်ထီထီၣ်တၢ်ပီးတၢ်လီတဖၣ်အံၤအဂီၢ်န့ၣ်လီၤ. အဝဲသ့ၣ်ကမၤတၢ်မၤခဲလၢာ်လၢအလိၣ်ဝဲလၢတၢ်တဖၣ်အံၤအဂီၢ်န့ၣ် လီၤ.