လံာ်တၢ်ဟးထီၣ်ကွံာ် 37:20 - Sgaw Karen Common Bible

²⁰ တၢ်ပာ်မ့ၣ်အူဒၢအလီၢ်အဘိန့ၣ်အိၣ်ဒီးအဖီလၢတၢ်ကယၢကယဲအီၤ လွံၢ်ဖိးလီၤဂာ်ဒီးၡၤကးသၣ်ဖီထီၣ်ဖးထီၣ်ဃုာ်ဒီးအဘိၣ်ဒီးအဖီကဘျံးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 37:20 Iomraidhean Croise

လံာ်တၢ်ဟးထီၣ်ကွံာ် 25:31

ဘှီထီၣ်တၢ်ပာ်မ့ၣ်အူဒၢအလီၢ်တခါလၢထူစီတက့ၢ်. အခီၣ်ယီၢ်ဒီးအထူၣ်န့ၣ်ကဘၣ်မ့ၢ်ထူကိၢ်လိၢ်လီၤ. အတၢ်ကယၢကယဲဖီတဖၣ်ဃုာ်ဒီးအဘိၣ်တဖၣ်အဖီ အကဘျံးတဖၣ်ကဘၣ်အိၣ်စဲဘူးတခါဃီဒီးအီၤလီၤ.

လံာ်တၢ်ဟးထီၣ်ကွံာ် 25:33

အဒ့ဃုဒ့အံၤ, တဒ့ဘၣ်တဒ့စုာ်စုာ်အလိၤန့ၣ်ကဘၣ်အိၣ်ဒီးဖီသၢ ဖီးလၢတၢ်ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ် ဒီးအဖီအကဘျံးတဖၣ်လီၤ.

လံာ်တၢ်ဟးထီၣ်ကွံာ် 25:34

တၢ်ပာ်မ့ၣ်အူဒၢလီၢ်အထူၣ်န့ၣ်ကဘၣ်အိၣ်ဒီးဖီလွံၢ်ဖီးလၢတၢ် ကယၢကယဲအီၤလီၤဂာ်ဒ်ၡၤကးသၣ်လၢအအိၣ်ဃုာ်ဒီးအဘိၣ်ဒီးအဖီ အကဘျံးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 37:19

အဒ့တဒ့စုာ်စုာ်န့ၣ်အိၣ်ဒီးဖီလၢတၢ်ကယၢကယဲအီၤသၢဖိးလီၤ ဂာ်ဒီးၡၤကးသၣ်ဖီထီၣ်ဃုာ်ဒီးအဘိၣ်ဒီးအဖီအကဘျံးတဖၣ်န့ၣ်လီၤ.

လံာ်တၢ်ဟးထီၣ်ကွံာ် 37:21

လၢအဒ့သၢစူၣ်, ခံဒ့တစူၣ်စုာ်စုာ်အဖီလာ်န့ၣ်အဘိၣ်အိၣ်ဝဲတခါစုာ်စုာ်လီၤ.

လံာ်ပှၤစံၣ်တဲၤတဲလီၤတၢ် 12:5

နကပျံၤတၢ်လီၢ်ထီၣ်ထီတဖၣ်ဒီးတၢ်ဟးလိာ်ကွဲကမ့ၢ်တၢ်လီၤဘၣ်ယိၣ်, နခိၣ်သူကဝါထီၣ်, နတွံၢ်ထီၣ်တွံၢ်လီၤနသးဒၣ်လဲာ်ကကီလၢနဂီၢ်, ဒီးနတၢ်သူၣ်လီသးကွံကလီၤမၢ်ကွံာ်ခဲလၢာ်လီၤ. ပလဲၤတၢ်ပတၢ်အိၣ်ဘှံးအလီၢ်လၢခံကတၢၢ်ဒီး, အန့ၣ်ဝံၤတၢ်ဟီၣ်တၢ်ယၢၤကအိၣ်လၢကျဲတဖၣ်အပူၤန့ၣ်လီၤ.

လံာ်ယံးရမံယၤ 1:11

ယွၤသံကွၢ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢအီၤ, “ယထံၣ်သ့ၣ်ၡၤကးအဒ့တဒ့လီၤ.”

လံာ်တၢ်ဂံၢ် 17:8

မုၢ်ဆ့ၣ်ထီၣ်တနံၤဖဲစီၤမိၤၡ့လဲၤနုာ်လီၤဆူဒဲစီဆှံအပူၤ န့ၣ်, အဝဲထံၣ်လၢစီၤအၤဟရိၣ်အနီၣ်ထိးဘိလၢအမ့ၢ်ပှၤလ့ၤဝံဖိ တဖၣ်အခၢၣ်စးတဘိန့ၣ်ဒိးစၢ်ထီၣ်ဝဲလီၤ. နီၣ်ထိးဘိန့ၣ်ဘိၣ်ထီၣ်ဖီထီၣ်ဒီးဟ့ၣ်ထီၣ် ၡၤကးအတၤသၣ်အမံဘီတဖၣ်လီၤ.