လံာ်တၢ်ဟးထီၣ်ကွံာ် 36:37 - Sgaw Karen Common Bible

³⁷ လၢဒဲစီဆှံအကျဲစၢၤအဂီၢ်န့ၣ်အဝဲသ့ၣ်မၤယၣ်ဘျးသဒၢတဘ့ၣ်လၢ ဘၣ်တၢ်ထါအီၤလၢတၢ်ကံးယာ်လုၣ်အဂ့ၤအိၣ်ဒီးအလွဲၢ်လါအဲး, အလွဲၢ်လုးတကုာ်, ဒီးသိဆူၣ်ဂီၤဒီးဘၣ်တၢ်ကယၢကယဲထီၣ်အီၤလၢ တၢ်ဆးဒဲးကံၣ်ဒဲးဝ့ၤန့ၣ်လီၤ.

လံာ်တၢ်ဟးထီၣ်ကွံာ် 36:37 Iomraidhean Croise

လံာ်တၢ်ဟးထီၣ်ကွံာ် 25:4

တၢ်ကံးယာ်လုၣ်အဂ့ၤ, အလါအဲးအလုးတကုာ်ဒီးသိဆူၣ်ဂီၤတဖၣ်, ဒီးတၢ်ကူတၢ်သိးလၢအဘၣ်တၢ်မၤအီၤလၢမဲာ်တဲးလဲးအဆူၣ်,

လံာ်တၢ်ဟးထီၣ်ကွံာ် 27:16

ဒီးလၢတၢ်နုာ်လီၤဟးထီၣ်အကျဲစၢၤဒၣ်ဝဲအဂီၢ်န့ၣ်ယၣ်ဘျးသဒၢ တဘ့ၣ်လၢအထီအိၣ်အပျၢ်ခံဆံဒီးဘၣ်တၢ်မၤအီၤလၢတၢ်ကံးယာ်လုၣ် အဂ့ၤထါအသးလၢတၢ်အလွဲၢ်လါ, အလွဲၢ်လုးတကုာ်ဒီးသိ ဆူၣ်ဂီၤဒီးဘၣ်တၢ်မၤဃံမၤလၤအီၤလၢတၢ်ဆးဒဲးကံၣ်ဒဲးဝ့ၤ ကဘၣ်အိၣ်ဝဲန့ၣ်လီၤ. ဒီးကဘၣ်တၢ်ဘျးထီၣ်အီၤလၢအထူၣ်လွံၢ်ထူၣ်လၢတၢ်ထီထီၣ်အီၤလၢ တၢ်အခီၣ်ထံးလွံၢ်ခါအလိၤန့ၣ်လီၤ.

လံာ်တၢ်ဟးထီၣ်ကွံာ် 35:15

တၢ်လုၢ်လီၢ်လၢတၢ်ဆိၣ်ကဲၤတၢ်နၢမူအဂီၢ်ဒီးအနီၣ်ထိးဘိတဖၣ်, သိဖှူတၢ်, တၢ်နၢမူလၢအဆၢ, ယၣ်ဘျးသဒၢဖဲဒဲစီဆှံအကျဲစၢၤ,

လံာ်တၢ်ဟးထီၣ်ကွံာ် 36:36

အဝဲသ့ၣ်မၤထီၣ်ထူၣ်လွံၢ်ထူၣ်လၢသ့ၣ်ဖှံၡံးတၤလၢကဟံးဃာ်ယၣ်ဘျးသဒၢအဂီၢ်, ဒီးပီၤအီၤလၢထူဒီးထီထီၣ်အီၤဒီးထးဘျးထူတဖၣ်လီၤ. အန့ၣ်ဝံၤဒီးမၤထီၣ်ဝဲတၢ်အခီၣ်ထံးအဖျီၣ်စ့လွံၢ်ခါလၢကဆီလီၤထူၣ်လွံၢ်ထူၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 40:28

အဝဲဘျးလီၤယၣ်ဘျးသဒၢတၢ်ဖဲဒဲစီဆှံအကျဲစၢၤ,