လံာ်တၢ်ဟးထီၣ်ကွံာ် 36:3 - Sgaw Karen Common Bible

³ အဝဲသ့ၣ်ဒိးန့ၢ်ကယဲၢ်တၢ်လုၢ်မၤဘူၣ်လၢပှၤအံၣ်စရ့လးဖိတဖၣ် ဟဲစိာ်ဝဲခဲလၢာ်လၢတၢ်သူၣ်ထီၣ်ဒဲစီဆှံအဂီၢ်လၢစီၤမိၤၡ့အစုပူၤလီၤ. ဘၣ်ဆၣ်ဒီးကီၢ်အံၣ်စရ့လးအပှၤဂီၢ်မုၢ်ဟဲစိာ်ဒံးအတၢ်လုၢ်မၤဘူၣ်တဖၣ်ဆူ စီၤမိၤၡ့အအိၣ်ကိးမုၢ်ဂီၤဒဲးလီၤ.

လံာ်တၢ်ဟးထီၣ်ကွံာ် 36:3 Iomraidhean Croise

စံးထီၣ်ပတြၢၤ 101:8

ယကမၤဟးဂီၤပှၤတတီတလိၤလၢ ပကီၢ်ပူၤတနံၤဘၣ်တနံၤ ဒီးဟီထီၣ်ကွံာ်ကယဲၢ်ပှၤမၤတၢ်အၢလၢ ယွၤအဝ့ၢ်ပူၤန့ၣ်လီၤ.

စံးထီၣ်ပတြၢၤ 5:3

ယွၤဧၢ, လၢမုၢ်ဂီၤန့ၣ်နနၢ်ဟူယကလုၢ်, ဒီးလၢမုၢ်ဟဲထီၣ်အကတီၢ်န့ၣ် ယလုၢ်ထီၣ်ယတၢ်ထုကဖၣ်ဒီးခိးကွၢ်လၢ်နၤလီၤ.

လံာ်တၢ်ဟးထီၣ်ကွံာ် 35:27

ပှၤအခိၣ်တဖၣ်ဟဲစိာ်တၢ်မျၢ်သူတဖၣ်ဒီးတၢ်မျၢ်အဂုၤအဂၤတဖၣ်လၢ တၢ်ကဆီလီၤအီၤလၢအ့ဖိးစီဆှံဒီးသဃိးတဖၣ်အလိၤ,

လံာ်တၢ်ဟးထီၣ်ကွံာ် 35:29

ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်တၢ်ဟးထီၣ်ကွံာ် 36:2

စီၤမိၤၡ့ကိးစီၤဘစၤလအ့လး, စီၤအၤဟလံအာ်ဒီးကယဲၢ်ပှၤသ့ ဖံးသ့မၤတၢ်ကိးဂၤလၢယွၤဟ့ၣ်လီၤအီၤတၢ်ကူၣ်တၢ်ဆးဒီးပှၤ လၢအသးအိၣ်မၤစၢၤတၢ်တဖၣ်, ဒီးစံးဘၣ်အဝဲသ့ၣ်လၢကစးထီၣ်မၤတၢ်လီၤ.

လံာ်တၢ်ဟးထီၣ်ကွံာ် 36:4

အန့ၣ်တစုပှၤသ့ဖံးသ့မၤတၢ်လၢအမၤတၢ်မၤတဖၣ်န့ၣ်လဲၤဆူ စီၤမိၤၡ့အအိၣ်ဒီးစံးဘၣ်အီၤ,

တၢ်ကတိၤဒိ. 8:15

ယမၤစၢၤစီၤလိၣ်စီၤပၤတဖၣ်လၢကပၢတၢ်, ဒီးပှၤပၢတၢ်တဖၣ်လၢကမၤအိၣ်ထီၣ်တၢ်သိၣ်တၢ်သီအဂ့ၤတဖၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ဧၤမိၣ် 4:5

ဒီးလုၢ်ထီၣ်သုကိၣ်လၢတၢ်စံးဘျုးစံးဖှိၣ်အပူၤဆူကစၢ်ယွၤ, ဒီးကတိၤကဖၢလၢလီၤသုသးလၢသုတၢ်လုၢ်လီၤဆီတဖၣ်အဃိန့ၣ်တက့ၢ်. အအံၤမ့ၢ်တၢ်လၢသုအဲၣ်မၤအီၤန့ၣ်လီၤ.