လံာ်တၢ်ဟးထီၣ်ကွံာ် 35:35 - Sgaw Karen Common Bible

³⁵ ယွၤဟ့ၣ်လီၤအဝဲသ့ၣ်တၢ်သ့ဖံးသ့မၤလၢကယဲၢ်တၢ်မၤကိးမံၤ ဒဲးလၢဘၣ်တၢ်မၤအီၤလၢပှၤစိးပျၤကွဲးတၢ်တဖၣ်, ပှၤတ့ဖျါထီၣ်တၢ်ဂီၤတဖၣ်, ဒီးပှၤသ့ထါတၢ်ကံးယာ်လုၣ်တဖၣ်လၢ အိၣ်ဒီးအလွဲၢ်လါအဲး, အလွဲၢ်လုးတကုာ်, သိဆူၣ်အဂီၤ, ဒီးတၢ်ကူတၢ်သိးအဂၤတဖၣ်န့ၣ်လီၤ. အဝဲသ့ၣ်မၤကယဲၢ်တၢ်မၤကိးမံၤဒဲးသ့ဝဲဒီးမ့ၢ်ပှၤထုးထီၣ်တၢ်ဂီၤအဒိတဖၣ်သ့ဝဲနီၢ်နီၢ်န့ၣ်လီၤ.

လံာ်တၢ်ဟးထီၣ်ကွံာ် 35:35 Iomraidhean Croise

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:14

အဝဲအပၢ်လၢတအိၣ်မူလၢၤဘၣ်န့ၣ်, မ့ၢ်ပှၤလၢဝ့ၢ်ထါယၢၣ်, ဒီးမ့ၢ်စ့ၢ်ကီးပှၤတဂၤလၢအသ့မၤတၢ်လၢစုဂ့ၤဂ့ၤကလဲာ်လၢ တိၢ်ဘီန့ၣ်လီၤ. အဝဲအမိၢ်မ့ၢ်ပှၤလၢနးသၤလံအဒူၣ်ပူၤန့ၣ်လီၤ. စီၤဃူရၣ်အဘံမ့ၢ်ပှၤတဂၤလၢအအိၣ်ဒီးတၢ်သူၣ်ဆးသးဆးဒီးတၢ် လဲၤခီဖျိအါလၢတၢ်မၤတၢ်လၢစုန့ၣ်လီၤ. အဝဲတူၢ်လိာ်စီၤပၤၡလိၤမိၤအတၢ်ကွဲမုာ်အီၤလၢကကဲပှၤအခိၣ် တဂၤလၢကယဲၢ်တၢ်ဖံးတၢ်မၤလၢအဘၣ်ထွဲဒီးတိၢ်ဘီ အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 2:14

အဝဲအမိၢ်မ့ၢ်ပှၤဒူၣ်ဖိထၢဖိတဂၤလၢဒၣ်အဒူၣ်ပူၤဒီးအပၢ်မ့ၢ် ပှၤလၢဝ့ၢ်ထါယၢၣ်ဖိတဂၤန့ၣ်လီၤ. အဝဲနၢ်ပၢၢ်တၢ်မၤဘၣ်ထွဲဒီးတၢ်ပိာ်ထူ, စ့, တိၢ်ဘီ, ထး, ဒီးတၢ်စိးပျၢၤလၢၢ်ဒီးသ့ၣ်န့ၣ်လီၤ. အဝဲဆးတၢ်ဒီးတၢ်ကံးယာ်အလွဲၢ်လါဟ့, လုးတကုာ်, အဂီၤဒီးဖှီဝါကဆှၣ်သ့စ့ၢ်ကီးဝဲန့ၣ်လီၤ. အဝဲမၤကယဲၢ်တၢ်စိးပျၤအတၢ်မၤအကလုာ်ကလုာ်သ့ဝဲ, ဒီးမၤကဲထီၣ်ကယဲၢ်တၢ်အက့ၢ်အဂီၤအဒိလၢအဘၣ်တၢ်ဟ့ၣ်ကူၣ်အီၤ န့ၣ်လီၤ. မ်အကမၤဃုာ်သကိးတၢ်ဒီးနပှၤတဖၣ်လၢအသ့မၤတၢ်လၢစုလၢအမၤ တ့ၢ်တၢ်လၢနပၢ်စီၤပၤဒၤဝံးအဂီၢ်န့ၣ်တက့ၢ်.

လံာ်စီၤယိၤဘး 7:6

ယမုၢ်နံၤမုၢ်သီသ့ၣ်တဖၣ်လဲၤပူၤကွံာ်ဝဲလၢတၢ်မုၢ်လၢ်တအိၣ် ဘၣ်အပူၤ, ဒီးလဲၤပူၤကွံာ်ဝဲချ့န့ၢ်ပှၤထါထၣ်ဖိအလုၣ်ထွံ တက့ၢ်န့ၣ်လီၤ.

လံာ်တၢ်ဟးထီၣ်ကွံာ် 26:1

ဘှီထီၣ်ဒဲစီဆှံဒီဖျၢၣ်ညါ, ယအိၣ်ယဆိးအဒဲစီဆှံလၢတၢ်ကံးယာ်လုၣ်အဂ့ၤကတၢၢ် အဘ့ၣ်တဆံလၢအဘၣ်တၢ်ထါအီၤလၢတၢ်အလွဲၢ်လါ, အလွဲၢ်လုးတကုာ်, ဒီးသိဆူၣ်ဂီၤတက့ၢ်. ဆးဒဲးကံၣ်ဒဲးဝ့ၤအီၤဒီးတၢ်အသးလၢအအိၣ်ဒီးအဒံးဆ့တဖၣ် အဂီၤန့ၣ်တက့ၢ်.

လံာ်တၢ်ဟးထီၣ်ကွံာ် 31:3

ဒီးယမၤပှဲၤအီၤလၢယစိကမီၤလီၤ. ယဟ့ၣ်အီၤလီၤတၢ်သ့ၣ်ညါနၢ်ပၢၢ်, တၢ်သ့မၤတၢ်ဒီးတၢ်သ့တၢ်ဘၣ် ဘၣ်ဃးဒီးကယဲၢ်တၢ်သ့မၤတၢ်လၢစုတမံၤလၢ်လၢ်,

လံာ်တၢ်ဟးထီၣ်ကွံာ် 31:6

ယဃုထၢစ့ၢ်ကီးစီၤအၤဟလံအာ်, လၢအမ့ၢ်စီၤအဃံစမးအဖိခွါလၢ ဒၣ်အဒူၣ်, လၢကမၤသကိးတၢ်ဒီးအီၤအဂီၢ်န့ၣ်လီၤ. ယဟ့ၣ်လီၤစ့ၢ်ကီးတၢ်သ့တၢ်ဘၣ်ဖးဒိၣ်ဆူကယဲၢ်ပှၤစုသ့စဲၣ်နီၤ အဂၤတဖၣ်အအိၣ်ဒ်သိးကမၤဝံၤတၢ်ကိးမံၤဒဲးလၢယမၤလိာ်အီၤလၢအမ့ၢ်,

လံာ်တၢ်ဟးထီၣ်ကွံာ် 35:31

ကစၢ်ယွၤမၤပှဲၤအီၤဒီးအစိကမီၤဒီးဟ့ၣ်အီၤတၢ်သ့တၢ်ဘၣ်, တၢ်ကူၣ်တၢ်ဆး, ဒီးတၢ်သ့ၣ်ညါနၢ်ပၢၢ်ဘၣ်ဃးတၢ်စုသ့အတၢ်မၤခဲလၢာ်,

လံာ်တၢ်ဟးထီၣ်ကွံာ် 36:1

စီၤဘစၤလအ့လး, စီၤအၤဟလံအာ်ဒီးကယဲၢ်ပှၤစုသ့တဖၣ်လၢကစၢ် ယွၤဟ့ၣ်လီၤတၢ်သ့တၢ်ဘၣ်ဒီးတၢ်သ့ၣ်ညါနၢ်ပၢၢ်, လၢအသ့ၣ်ညါတၢ်ကိးမံၤဒဲးဒီးတၢ်အလိၣ်တမံၤလၢ်လၢ်လၢတၢ်သူၣ် ထီၣ်ဒဲစီဆှံအဂီၢ်န့ၣ်ကဘၣ်မၤတၢ်ကိးမံၤဒဲးဒ်ယွၤမၤလိာ်ဝဲအသိးန့ၣ်လီၤ.”

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.

လံာ်ယၡါယၤ 38:12

ယတၢ်အိၣ်မူဘၣ်တၢ်မၤထီၣ်တဲာ်ကွံာ်အီၤဒီးကတၢၢ်ဝဲ, လီၤဂာ်ဒ်ဒဲတဖျၢၣ်လၢဘၣ်တၢ်ဃိလီၤပှီၢ်ကွံာ်အီၤ ဒီးတၢ်ကံးယာ်လၢဘၣ်တၢ်ကူးတဲာ်ကွံာ်အီၤလၢ ထၣ်အလိၤအသိးန့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

မၤတၢ် 19:6

စီၤပီလူးပာ်ထီၣ်အစုလၢအဝဲသ့ၣ်အခိၣ်လိၤ, ဒီးသးစီဆှံဟဲလီၤလၢအဝဲသ့ၣ်အလိၤ, ဒီးကတိၤတၢ်လၢကျိာ်လီၤတိၢ်လီၤဆီဒီးတဲဖျါထီၣ်စ့ၢ်ကီးတၢ် ကစီၣ်ဟဲလၢကစၢ်ယွၤအအိၣ်န့ၣ်လီၤ.

မၤတၢ် 19:8

လၢသၢလါအတီၢ်ပူၤစီၤပီလူးလဲၤနုာ်ဆူဘူၣ်ဘျီၣ်လၢအမ့ၢ် တၢ်ဘါလီၢ်အပူၤဒီးကတိၤတၢ်ဒီးပှၤဂီၢ်မုၢ်တဖၣ်ဒူဒူလီၤ. အဝဲဒၣ်ကတိၤဂ့ၢ်လိာ်ဘှီလိာ်တၢ်ဒီးအဝဲသ့ၣ်, ဒီးဂုာ်ကျဲးစၢးဒုးနာ်အဝဲသ့ၣ်ဘၣ်ဃးကစၢ်ယွၤအဘီ အမုၢ်အဂ့ၢ်န့ၣ်လီၤ.

1 ကရံၣ်သူး 1:5

အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

1 ကရံၣ်သူး 12:12

ခရံာ်လီၤဂာ်ဒ်နီၢ်ခိထဲတဂၤဃီလၢအအိၣ်ဒီးက့ၢ်ဂီၤအါမံၤလီၤ. အဝဲဒၣ်ဘၣ်တၢ်ဒုးအိၣ်ထီၣ်အီၤအိၣ်ဒီးက့ၢ်ဂီၤအါမံၤဘၣ်ဆၣ် ဒီး, မ့ၢ်ဒၣ်နီၢ်ခိတဂၤဃီလီၤ.

1 ကရံၣ်သူး 12:4

သးစီဆှံအတၢ်ဟ့ၣ်န့ၣ်အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢအဟ့ၣ်တၢ်န့ၣ်မ့ၢ်ဝဲသးစီဆှံတဂၤဃီလီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၁ တံၤမသ့း 4:16

နကစၢ်ဒၣ်နဲပလီၢ်နသးဒီးပလီၢ်စ့ၢ်ကီးနသးလၢနတၢ်သိၣ်လိ သီလိတက့ၢ်. မၤတၢ်သ့ၣ်တဖၣ်အံၤထီဘိတက့ၢ်. အဂ့ၢ်ဒ်အံၤ, နမ့ၢ်မၤဒ်န့ၣ်ဒီးနကအုၣ်က့ၤခီၣ်က့ၤနသးဒၣ်နဲ, ဒီးပှၤလၢအနၢ်ဟူတၢ်လၢနၤတဖၣ်စ့ၢ်ကီးလီၤ.

၂ တံၤမသ့း 2:15

ကျဲးစၢးမၤတၢ်အဂ့ၤကတၢၢ်ဒ်သိးနကမၤန့ၢ်ကစၢ်ယွၤအတၢ်ဘၣ် အသး, ဒ်ပှၤမၤတၢ်ဖိတဂၤလၢအမဲာ်ဆှးအလီၢ်တအိၣ်ဘၣ်လၢ အတၢ်မၤအဃိ, ဒီးဒ်ပှၤလၢအသိၣ်လိကစၢ်ယွၤအကလုၢ် ကထါအတၢ်မ့ၢ်တၢ်တီ, တီတီလိၤလိၤတဂၤအသိးန့ၣ်တက့ၢ်.