လံာ်တၢ်ဟးထီၣ်ကွံာ် 35:29 - Sgaw Karen Common Bible

²⁹ ကယဲၢ်ကီၢ်အံၣ်စရ့လးအပှၤဂီၢ်မုၢ်လၢအသးအိၣ်ဟဲစိာ်တၢ်လုၢ်မၤ ဘူၣ်ဆူယွၤအအိၣ်လၢတၢ်ဖံးတၢ်မၤအဂီၢ်ဒ်ယွၤမၤလိာ်စီၤမိၤၡ့ လၢကမၤဝဲန့ၣ်, ဟဲစိာ်ဝဲကိးဂၤဒဲးလီၤ.

လံာ်တၢ်ဟးထီၣ်ကွံာ် 35:29 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:14

အန့ၣ်ဒၣ်လဲာ်, ယပှၤဂီၢ်မုၢ်ဒီးယၤပဟ့ၣ်နၤတၢ်တသ့နီၢ်နီၢ်နီ တမံၤဘၣ်. အဂ့ၢ်ဒ်အံၤ, တၢ်ခဲလၢာ်န့ၣ်မ့ၢ်တၢ်ဟ့ၣ်ဟဲလၢနၤဒီးပဟ့ၣ်ဆၢ က့ၤနၤတၢ်လၢအမ့ၢ်တ့ၢ်နတၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:17

ယသ့ၣ်ညါလၢနမၤကွၢ်ပှၤခဲလၢာ်အသး, ဒီးနမုာ်သူၣ်မုာ်သးတ့ၢ် ဒီးပှၤဂီၢ်မုၢ်လၢအသူၣ်တီသးရၤန့ၣ်လီၤ. ဒီးလၢတၢ်သူၣ်တီသးလိၤနီၢ်နီၢ်အပူၤန့ၣ်, ယဟ့ၣ်လီၤတၢ်သ့ၣ်တဖၣ်အံၤခဲလၢာ်ဆူနၤ, လၢတၢ်သူၣ်အိၣ်သးအိၣ်အပူၤ, ဒီးယထံၣ်တ့ၢ်နပှၤဂီၢ်မုၢ်လၢအဟဲပာ်ဖှိၣ်အသးဖဲအံၤတဖၣ်သူၣ် ဖှံသးညီတ့ၢ်ဒ်လဲၣ်, လၢကဟဲစိာ်တၢ်မၤဘူၣ်တဖၣ်ဆူနအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:3

ဒိၣ်န့ၢ်အါန့ၢ်ကယဲၢ်တၢ်အံၤခဲလၢာ်လၢယမၤတ့ၢ်န့ၣ်, ယဟ့ၣ်လီၤစ့ၢ်ကီး, စ့ဒီးထူလၢယကစၢ်ဒၣ်ယဲအတၢ်စုလီၢ်ခီၣ်ခိၣ် အကျါ, မ့ၢ်လၢယတၢ်အဲၣ်အိၣ်ဝဲလၢကစၢ်ယွၤအတၢ်လုၢ်ဟံၣ်အဂီၢ်အဃိန့ၣ် လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:6

အန့ၣ်တစု, ဒူၣ်ထၢတဖၣ်အခိၣ်အနၢ်တဖၣ်, ဒူၣ်တဖၣ်အပဒိၣ်ပပှၢ်တဖၣ်, သုးခိၣ်ကျၢၢ်တဖၣ်လၢသုးမုၢ်အပူၤ, ဒီးပှၤတဖၣ်လၢအပၢဆှၢသုးကျဲၤစီၤပၤအတၢ်စုလီၢ်ခီၣ်ခိၣ်, ဟ့ၣ်လီၤတၢ်လၢတၢ်သးအိၣ်အပူၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:8

အဝဲအပဒိၣ်ပပှၢ်တဖၣ်ဟ့ၣ်လီၤစ့ၢ်ကီးတၢ်မၤဘူၣ်တဖၣ်လၢပှၤဂီၢ် မုၢ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ကသူဝဲအဂီၢ်စ့ၢ်ကီး န့ၣ်လီၤ. ဒီးယွၤအတၢ်လုၢ်ဟံၣ်အပှၤအခိၣ်အဒိၣ်ကတၢၢ်တဖၣ်လၢအမ့ၢ်ဝဲ, ပှၤလုၢ်တၢ်အခိၣ်အဒိၣ်ကတၢၢ်စီၤဃံးလကံယၤ, စီၤစကၤရယၤဒီးစီၤယဃံအ့လးလၢအမ့ၢ်ပှၤကွၢ်ထွဲပၢဆှၢတၢ်တဖၣ်, ဟ့ၣ်လီၤဝဲပှၤလုၢ်တၢ်အခိၣ်တဖၣ်လၢသိဖိဒီးမဲာ်တဲးလဲးဖိအဒု ခံကထိဃုကယၤ ဒီးဂီၤဖံးဖါအဒု သၢကယၤလၢဘူၣ်လဲၤက ပာ်အတၢ်လုၢ်တၢ်ပာ်တဖၣ်အဂီၢ်န့ၣ်လီၤ.

လံာ်စီၤဧ့စြၤ 3:5

ဒီးလၢန့ၣ်အမဲာ်ညါ, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဒ် အညီနူၢ်အသိးလၢကဘၣ်တၢ်ဆူးကဲၤအီၤဒီဒုဒီးအဂၤတဖၣ်လၢ ကဘၣ်တၢ်လုၢ်ထီၣ်အီၤလၢလါထီၣ်သီအဘူၣ်ဒီးလၢတၢ်အိၣ်ဖှိၣ်ရိဖှိၣ်ညီ နူၢ်အဂၤတဖၣ်ဖဲတၢ်ဘူၣ်ထီၣ်ဘါထီၣ်ယွၤအကတီၢ်ဒီးလုၢ်ထီၣ်စ့ၢ် ကီးတၢ်သူၣ်အိၣ်သးအိၣ်အတၢ်လုၢ်တၢ်ပာ်တဖၣ်ဆူယွၤန့ၣ်လီၤ.

လံာ်စီၤဧ့စြၤ 8:28

ယစံးဘၣ်အဝဲသ့ၣ်, “သုစီဆှံလၢယွၤ, သုမိၢ်ပၢ်ဖံဖုလၢ ပျၢၤအကစၢ်ယွၤအဂီၢ်, ဒီးဒ်န့ၣ်အသိးသုတၢ်သးအိၣ်အတၢ်မၤဘူၣ်တဖၣ်လၢအမ့ၢ်ကယဲၢ်စ့ ဒီးထူအဃၢၤအဃိၢ်လၢတၢ်ဟဲစိာ်ဆူအအိၣ်တဖၣ်စ့ၢ်ကီးန့ၣ်လီၤ.

လံာ်တၢ်ဟးထီၣ်ကွံာ် 35:4

စီၤမိၤၡ့စံးဘၣ်ကီၢ်အံၣ်စရ့လးအပှၤဂီၢ်မုၢ်ခဲလၢာ်, “အဝဲအံၤမ့ၢ်တၢ်လၢယွၤမၤလိာ်ဝဲလီၤ.

လံာ်တၢ်ဟးထီၣ်ကွံာ် 35:5

မၤတၢ်လုၢ်မၤဘူၣ်တမံၤဆူယွၤအအိၣ်တက့ၢ်. ပှၤကိးဂၤလၢအသး အိၣ်တၢ်ဒ်န့ၣ်အသိးန့ၣ်, ကဘၣ်ဟဲစိာ်တၢ်လုၢ်မၤဘူၣ်တမံၤလၢထူ, စ့, မ့တမ့ၢ်တိၢ်ဘီ,

လံာ်တၢ်ဟးထီၣ်ကွံာ် 36:3

အဝဲသ့ၣ်ဒိးန့ၢ်ကယဲၢ်တၢ်လုၢ်မၤဘူၣ်လၢပှၤအံၣ်စရ့လးဖိတဖၣ် ဟဲစိာ်ဝဲခဲလၢာ်လၢတၢ်သူၣ်ထီၣ်ဒဲစီဆှံအဂီၢ်လၢစီၤမိၤၡ့အစုပူၤလီၤ. ဘၣ်ဆၣ်ဒီးကီၢ်အံၣ်စရ့လးအပှၤဂီၢ်မုၢ်ဟဲစိာ်ဒံးအတၢ်လုၢ်မၤဘူၣ်တဖၣ်ဆူ စီၤမိၤၡ့အအိၣ်ကိးမုၢ်ဂီၤဒဲးလီၤ.

လံာ်ယၡါယၤ 8:20

သုကဘၣ်စံးဆၢက့ၤအဝဲသ့ၣ်, “ဒိကနၣ်တၢ်လၢယွၤသိၣ်လိ သီလိသုတက့ၢ်. ဒိကနၣ်ပှၤကွဲပှၤသံအကလၤတဖၣ်တဂ့ၤ. တၢ်လၢအစံးဘၣ်သုန့ၣ်တမၤဂ့ၤသုနီတမံၤဘၣ်.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 9:17

ယမ့ၢ်မၤယတၢ်မၤဒ်ယတၢ်ဃုထၢဒၣ်ယဲအသိးန့ၣ်, ယမုၢ်လၢ်လၢတၢ်ကဟ့ၣ်ဘူးဟ့ၣ်လဲယၤသ့ဝဲလီၤ. ဘၣ်ဆၣ်ဒီးယမၤအီၤဒ်မူဒါအသိး, အဂ့ၢ်မ့ၢ်လၢကစၢ်ယွၤဟ့ၣ်လီၤယၤတၢ်မၤတမံၤအံၤအဃိန့ၣ်လီၤ.

၂ ကရံၣ်သူး 9:7

လၢတၢ်န့ၣ်အဃိ, ပှၤတဂၤဘၣ်တဂၤကြၢးဟ့ၣ်တၢ်ဒ် အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ်လၢတၢ်သ့ၣ်ညါအမူအဒါအဃိဘၣ်န့ၣ်လီၤ. အဂ့ၢ်ဒ်အံၤ, ယွၤအဲၣ်ပှၤတဂၤလၢအဟ့ၣ်တၢ်လၢတၢ်သးခု အပူၤန့ၣ်လီၤ.

ကလၤတံ 6:16

မ့မ့ၢ်ပှၤလၢအပိာ်ထွဲတၢ်ဘျၢအဝဲအံၤလၢအတၢ်အိၣ်မူ အပူၤန့ၣ်, မ်တၢ်ဃူတၢ်ဖိးဒီးတၢ်သးကညီၤအိၣ်ဒီးအဝဲသ့ၣ်ဒီး ကစၢ်ယွၤအပှၤဂီၢ်မုၢ်ခဲလၢာ်န့ၣ်တက့ၢ်.

လံာ်သိၣ်လီၤသီလီၤတၢ် 11:32

မၤလီၤတံၢ်လၢသုကစူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢ ယဟ့ၣ်လီၤသုတနံၤအံၤန့ၣ်တက့ၢ်.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 4:2

မၤအါထီၣ်တၢ်လၢယမၤလိာ်တ့ၢ်သုနီတမံၤတဂ့ၤ. ဒီးထုးကွံာ်တၢ်နီတမံၤတဂ့ၤ. စူၢ်ယွၤ, သုကစၢ်ယွၤအတၢ်မၤ လိာ်တဖၣ်လၢယဟ့ၣ်လီၤသုန့ၣ်တက့ၢ်.

၂ ပ့းတရူး 1:19

လၢတၢ်န့ၣ်အဃိ, တၢ်ကစီၣ်လၢဝံတဖၣ်တဲဖျါထီၣ်ဝဲဒၣ်န့ၣ်, လီၤတံၢ်လၢပဂီၢ်ဒိၣ်န့ၢ်အလီၢ်တက့ၢ်လီၤ. သုဂ့ၤပာ်သူၣ်ပာ်သး လၢတၢ်ကစီၣ်အံၤလၢအလီၤဂာ်ဒီးမ့ၣ်အူဒၢကပီၤထီၣ်လၢတၢ် ခံးကျါတုၤလီၤလၢမုၢ်ဆ့ၣ်ထီၣ်ဒီးဆၣ်တူၢ်ဂီၤအတၢ်ကပီၤ ကပီၤထီၣ်လၢသုသးကံၢ်ပူၤတစုန့ၣ်လီၤ.

လံာ်ပှၤစံၣ်ညီၣ်ကွီၢ် 5:2

စံးထီၣ်ပတြၢၤယွၤတက့ၢ်. ပှၤအံၣ်စရ့လးဖိတဖၣ်ပာ်လီၤအသးလၢကဒုးတၢ်ဒီး ပှၤဂီၢ်မုၢ်ဟ့ၣ်လီၤအသးလၢတၢ်သူၣ်အိၣ်သးအိၣ်ဒီးလၢတၢ်သးခုအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:9

ယသးလဲၤဃုာ်ဒီးအံၣ်စရ့လးအသုးခိၣ်တဖၣ်, ဃုာ်ဒီးပှၤဂီၢ်မုၢ်လၢအသူၣ်အိၣ်သးအိၣ်ဟ့ၣ်လီၤသးလၢတၢ်သးခု အပူၤန့ၣ်လီၤ. စံးထီၣ်ပတြၢၤယွၤတက့ၢ်.