လံာ်တၢ်ဟးထီၣ်ကွံာ် 35:25 - Sgaw Karen Common Bible

²⁵ ပိာ်မုၣ်လၢအဆးတၢ်သ့နီၢ်နီၢ်တဖၣ်ဟဲစိာ်လုၣ်ဖျ့အဂ့ၤလၢအိၣ် ဒီးအလွဲၢ်လါအဲး, အလွဲၢ်လုးတကုာ်, သိဆူၣ်ဂီၤ, လၢအဝဲသ့ၣ်မၤပာ်ဝဲလီၤ.

လံာ်တၢ်ဟးထီၣ်ကွံာ် 35:25 Iomraidhean Croise

လံာ်စီၤပၤခံဘ့ၣ်တဘ့ၣ် 23:7

တၢ်အိၣ်တၢ်ဆိးအလီၢ်တဖၣ်လၢယွၤအတၢ်လုၢ်ဟံၣ်အပူၤ, လၢတၢ်လုၢ်ဟံၣ်အဃဲသဲမုၣ်တဖၣ်အိၣ်ဆိးဝဲန့ၣ်, အဝဲမၤဟးဂီၤကွံာ်ဝဲန့ၣ်လီၤ. (ဖဲတၢ်လီၢ်အံၤန့ၣ်, ပှၤပိာ်မုၣ်တဖၣ်ထါဝဲဆ့ကၤဖးထီတဖၣ်လၢ အဘၣ်တၢ်သူအီၤလၢတၢ်ဘူၣ်ထီၣ်ဘါထီၣ်ကစၢ်မုၣ်အၡ့ရၤအပူၤန့ၣ် လီၤ.)

လံာ်ကွဲးနီၣ်တၢ်အခီၣ်ထံးတဘ့ၣ် 28:21

ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်လီၤတ့ၢ်လံ အမူအဒါလၢကမၤဝဲလၢယွၤအတၢ်လုၢ်ဟံၣ်အပူၤအဂီၢ်န့ၣ်လီၤ. ပှၤမၤတၢ်ဖိတဖၣ်လၢအအိၣ်ဒီးကယဲၢ်တၢ်သ့တၢ်ဘၣ်အကလုာ်ကလုာ်သး အိၣ်မၤစၢၤနၤ, ဒီးကယဲၢ်ပှၤဂီၢ်မုၢ်ခဲလၢာ်ဒီးအဝဲသ့ၣ်အခိၣ်အနၢ်တဖၣ်ကမၤတၢ်ဒ် နမၤလိာ်အီၤန့ၣ်လီၤ.

လံာ်တၢ်ဟးထီၣ်ကွံာ် 28:3

ကိးန့ၢ်ပှၤစုသ့ခဲလၢာ်လၢယဟ့ၣ်လီၤတ့ၢ်အီၤတၢ်သ့တၢ်ဘၣ်ဒီး တဲဘၣ်အဝဲသ့ၣ်လၢကမၤန့ၢ်စီၤအၤဟရိၣ်အကူအသိးတဖၣ်ဒ်သိး အဝဲပာ်စီဆှံထီၣ်အသးဒ်ပှၤလုၢ်တၢ်အခိၣ်တဂၤလၢယတၢ်ဖံးတၢ်မၤအပူၤကသ့ဝဲန့ၣ်တက့ၢ်.

လံာ်တၢ်ဟးထီၣ်ကွံာ် 31:6

ယဃုထၢစ့ၢ်ကီးစီၤအၤဟလံအာ်, လၢအမ့ၢ်စီၤအဃံစမးအဖိခွါလၢ ဒၣ်အဒူၣ်, လၢကမၤသကိးတၢ်ဒီးအီၤအဂီၢ်န့ၣ်လီၤ. ယဟ့ၣ်လီၤစ့ၢ်ကီးတၢ်သ့တၢ်ဘၣ်ဖးဒိၣ်ဆူကယဲၢ်ပှၤစုသ့စဲၣ်နီၤ အဂၤတဖၣ်အအိၣ်ဒ်သိးကမၤဝံၤတၢ်ကိးမံၤဒဲးလၢယမၤလိာ်အီၤလၢအမ့ၢ်,

လံာ်တၢ်ဟးထီၣ်ကွံာ် 35:24

ကယဲၢ်ပှၤတဖၣ်လၢအဟ့ၣ်မၤဘူၣ်စ့, မ့တမ့ၢ်တိၢ်ဘီသ့န့ၣ်ဟဲစိာ် အတၢ်လုၢ်မၤဘူၣ်လၢယွၤအဂီၢ်, ဒီးပှၤလၢအအိၣ်ဒီးသ့ၣ်ဖှ့ ၡံးတၤတဖၣ်လၢတၢ်သူအီၤသ့လၢတၢ် ဖံးတၢ်မၤတမံၤမံၤအဂီၢ်န့ၣ်ဟဲစိာ်ဝဲလီၤ.

လံာ်တၢ်ဟးထီၣ်ကွံာ် 35:26

အဝဲသ့ၣ်မၤစ့ၢ်ကီးလုၣ်ဖျ့လၢမဲာ်တဲးလဲးအဆူၣ်တဖၣ်လီၤ.

လံာ်တၢ်ဟးထီၣ်ကွံာ် 36:1

စီၤဘစၤလအ့လး, စီၤအၤဟလံအာ်ဒီးကယဲၢ်ပှၤစုသ့တဖၣ်လၢကစၢ် ယွၤဟ့ၣ်လီၤတၢ်သ့တၢ်ဘၣ်ဒီးတၢ်သ့ၣ်ညါနၢ်ပၢၢ်, လၢအသ့ၣ်ညါတၢ်ကိးမံၤဒဲးဒီးတၢ်အလိၣ်တမံၤလၢ်လၢ်လၢတၢ်သူၣ် ထီၣ်ဒဲစီဆှံအဂီၢ်န့ၣ်ကဘၣ်မၤတၢ်ကိးမံၤဒဲးဒ်ယွၤမၤလိာ်ဝဲအသိးန့ၣ်လီၤ.”

တၢ်ကတိၤဒိ. 14:1

ဟံၣ်တဖၣ်ဘၣ်တၢ်မၤထီၣ်အီၤလၢပိာ်မုၣ်တဖၣ်အတၢ်ကူၣ်သ့, ဘၣ်ဆၣ်, ဘၣ်တၢ်မၤဟးဂီၤအီၤလၢတၢ်သူၣ်တဆးသးတဆးန့ၣ်လီၤ.

မၤတၢ် 9:39

အန့ၣ်သတးဒီး, စီၤပ့းတရူးကတဲာ်ကတီၤထီၣ်အသးဒီးလဲၤ သကိးဝဲဒီးအဝဲသ့ၣ်လီၤ. တုၤအလဲၤတုၤဝဲဒီး, အဝဲသ့ၣ်ကိးထီၣ်အီၤဆူဒၢးအိၣ်လၢဟံၣ်ထးခီတဆီန့ၣ်လီၤ. ကယဲၢ်ပှၤမုၣ်ကမဲအိၣ်ဖဲန့ၣ်တဖၣ်ဆၢထၢၣ်ဝးတရံးစီၤပ့းတရူး, အိၣ်ဒီးမဲာ်ထံမဲာ်နိ, ဒီးဒုးနဲၣ်အီၤလၢဆ့ကၤဖီလာ်ဒီးဆ့ကၤဖီခိၣ် တဖၣ်လၢနီၢ်ဒီၢ်ကါဆးန့ၢ်အဝဲသ့ၣ်ဖဲအအိၣ်မူဒံးလၢ အဝဲသ့ၣ်အသိးအကျါအကတီၢ်န့ၣ်လီၤ.

ရိမ့ၤ 16:12

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်တြူဖဲၤနၤဒီးနီၢ်တြူဖိၤစၤ, လၢအမၤတၢ်လၢကစၢ်အတၢ်မၤအပူၤအအိၣ်ဒီးဆူယတံၤ သကိးလၢယအဲၣ်အီၤနီၢ်ပ့ၢ်စံလၢအမၤတ့ၢ်တၢ်အါမးလၢ ကစၢ်အဂီၢ်အအိၣ်န့ၣ်လီၤ.

ရိမ့ၤ 16:6

ယဆှၢတၢ်ဆၢဂ့ၤဆၢဝါတဖၣ်ဆူနီၢ်မၤရံ, လၢအမၤတၢ်ဆူၣ်ဒိၣ်မးလၢသုဂီၢ်တဂၤအအိၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.