လံာ်တၢ်ဟးထီၣ်ကွံာ် 35:22 - Sgaw Karen Common Bible

²² ပှၤကိးဂၤဒဲးလၢအသးအိၣ်တၢ်, ပိာ်မုၣ်မ့ၢ်ဂ့ၤပိာ်ခွါမ့ၢ်ဂ့ၤ ခဲလၢာ်ဟဲစိာ်တၢ်ကယၢကယဲ, ထးကမိာ်ခံတဖၣ်, နၢ်ဒံးတဖၣ်, ပသံးတဖၣ်, ဖဲတဖၣ်ဒီးကယဲၢ်ထူ, တၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးပာ်စီဆှံထီၣ်အီၤဆူ ယွၤအအိၣ်လီၤ.

လံာ်တၢ်ဟးထီၣ်ကွံာ် 35:22 Iomraidhean Croise

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:31

စီၤဃံးစကံယၤစံးဘၣ်ပှၤဂီၢ်မုၢ်, “ခဲကနံၣ်အံၤမ့ၢ်လၢသု ကဆှီဒ်တၢ်အလုၢ်အလၢ်အိၣ်အသိးအဃိ, ဟဲစိာ်တၢ်လုၢ်တၢ်ပာ်တဖၣ်ဒ်တၢ်စံးဘျုးစံးဖှိၣ်ယွၤအတၢ်လုၢ် မၤဘူၣ်တဖၣ်တက့ၢ်.” အဝဲသ့ၣ်စူၢ်ဝဲ, ဒီးပှၤအဂၤတနီၤစ့ၢ်ကီးဟဲစိာ်ဆၣ်ဖိကီၢ်ဖိတဖၣ်လၢတၢ်သူၣ်အိၣ် သးအိၣ်အပူၤဒ်သိးကလုၢ်ထီၣ်ဝဲဒ်တၢ်လုၢ်မ့ၣ်အူတဖၣ်အသိးန့ၣ်လီၤ.

လံာ်တၢ်ဟးထီၣ်ကွံာ် 32:2

စီၤအၤဟရိၣ်စံးဘၣ်အဝဲသ့ၣ်, “ဘ့ၣ်လီၤကွံာ်ထူအကွီၤတဖၣ်လၢသုမါတဖၣ်, သုဖိခွါတဖၣ်ဒီးသုဖိမုၣ်တဖၣ်သိးဝဲဒီးဟဲစိာ်ဆူယအိၣ်တက့ၢ်.”

လံာ်တၢ်ဟးထီၣ်ကွံာ် 32:3

မၤသးဒ်န့ၣ်ဒီးပှၤဂီၢ်မုၢ်ခဲလၢာ်ဘ့ၣ်လီၤကွံာ်ထူအကွီၤတဖၣ် ဒီးဟဲစိာ်ဝဲဆူစီၤအၤဟရိၣ်အအိၣ်လီၤ.

လံာ်တၢ်ဟးထီၣ်ကွံာ် 35:23

ပှၤကိးဂၤဒဲးလၢအအိၣ်ဒီးတၢ်ကံးယာ်လုၣ်အဂ့ၤကတၢၢ်တဖၣ်လၢ အအိၣ်ဒီးအလွဲၢ်လါအဲး, အလွဲၢ်လူးတကုာ်, မ့တမ့ၢ်သိဆူၣ်ဂီၤ, တၢ်ကံးယာ်ဘၣ်တၢ်မၤအီၤလၢမဲာ်တဲးလဲးအဆူၣ်, သိအဖံးလၢတၢ်စုၣ်ဂီၤအီၤမ့တမ့ၢ်တၢ်ဖံးအဂ့ၤကတၢၢ်န့ၣ်ဟဲစိာ်ဝဲဒၣ်လီၤ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

လံာ်ယၡါယၤ 3:19

ဒီးလၢအစုဒ့တဖၣ်အလိၤလီၤ. အဝဲကဟံးထီၣ်ကွံာ်အတၢ်ကံး ယာ်ကျၢၢ်ဘၢမဲာ်တဖၣ်,

လံာ်ယၡါယၤ 60:13

သ့ၣ်တဖၣ်လၢတၢ်မၤန့ၢ်အီၤလၢသ့ၣ်ဆှိ, သ့ထိးအီၣ်ဒီးသ့ၣ်ဆှိတအၤၡူၢ်, သ့ၣ်အဂ့ၤကတၢၢ်လၢကီၢ်လဘၤနိၣ်အသ့ၣ်ပှၢ်ပူၤတဖၣ် ကဘၣ်တၢ်ဟဲစိာ်အီၤလၢတၢ်ကသူၣ်ထီၣ်က့ၤနၤအဂီၢ်, ဝ့ၢ်ယရူၤၡလ့ၣ်ဧၢ, ဒ်သိးကမၤဃံမၤလၤထီၣ်ယတၢ်လုၢ်ဟံၣ်, ဒ်သိးယဝ့ၢ်ကအိၣ်ဒီးအလၤကပီၤအဂီၢ်န့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယဃ့းစက့လး 16:11

ယကယၢကယဲထီၣ်နၤလၢတၢ်မျၢ်ပလဲလၢအမ့ၢ်ထံဖှံၣ်တဖၣ်ဒီးဖဲ တဖၣ်န့ၣ်လီၤ.

လံာ်တၢ်ဂံၢ် 31:50

လၢတၢ်န့ၣ်အဃိတၢ်ကယၢကယဲထူတဖၣ်, စုကွီၤတဖၣ်, ထံဖှံၣ်တဖၣ်, ပသံးတဖၣ်, နၢ်ဒံးတဖၣ်, ဒီးဖဲတဖၣ်လၢပဝဲ တဂၤဘၣ်တဂၤစုာ်စုာ်ပဟဲက့ၤစိာ်န့ၣ်ပလုၢ်ထီၣ်အီၤဆူယွၤအအိၣ် ဒ်ပသးသမူအပှ့ၤတဖၣ်အသိးဒ်သိးအဝဲကဒီဒၣ်အိၣ်ပှိၤပှၤအဂီၢ်န့ၣ် လီၤ.”

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.