လံာ်တၢ်ဟးထီၣ်ကွံာ် 34:6 - Sgaw Karen Common Bible

⁶ အန့ၣ်ဒီးယွၤလဲၤခီဂာ်လၢအမဲာ်ညါဒီးကိးထီၣ်ဝဲ, “ယၤ, ယွၤ, မ့ၢ်ကစၢ်ယွၤလၢအပှဲၤဒီးတၢ်သူၣ်အိၣ်သးအိၣ်ဒီးတၢ်သးကညီၤ, တသးဒိၣ်ထီၣ်တၢ်ညီကဒၣ်ဘၣ်, ဒီးဒုၣ်နဲၣ်တၢ်အဲၣ်တၢ်ကွံ ဒီးသူၣ်တီသးတီလၢအဒိၣ်ဝဲန့ၣ်လီၤ.

လံာ်တၢ်ဟးထီၣ်ကွံာ် 34:6 Iomraidhean Croise

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 19:11

ယွၤစံးဘၣ်အီၤ, “ဟးထီၣ်ကွံာ်ဒီးဆၢထၢၣ်လၢယမဲာ်ညါလၢကစၢၢ် ဒီခိၣ်န့ၣ်တက့ၢ်.” ဝံၤဒီးယွၤလဲၤခီဂာ်တၢ်ဒီးဆှၢလီၤကလံၤမုၢ်ဆူၣ်တခါလၢအမၤ သ့ၣ်ဖးတၢ်လူၢ်တၢ်တြီၤဒီးမၤလီၤကလဲလၢၢ်တဖၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢကလံၤအူတၢ်အပူၤန့ၣ်ဘၣ်. ကလံၤအူတၢ်ဆိကတီၢ်ကွံာ်အသးဝံၤဟီၣ်ခိၣ်ဟူးဝးဝဲဒၣ်န့ၣ်လီၤ. ဘၣ်ဆၣ်ယွၤတအိၣ်ဘၣ်လၢဟီၣ်ခိၣ်ဟူးဝးဝဲအပူၤန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 8:30

ဒိကနၣ်လၢ်ယတၢ်ထုကဖၣ်တဖၣ်, ဒီးနပှၤဂီၢ်မုၢ်တဖၣ်အတၢ်ထု ကဖၣ်တဖၣ်ဖဲအဝဲသ့ၣ်ကွၢ်ဃီၤတၢ်လီၢ်အံၤဒီးဃ့ထုကဖၣ်အခါန့ၣ် တက့ၢ်. လၢနဟံၣ်အိၣ်ဝဲလၢမူခိၣ်အပူၤန့ၣ်, ဒိကနၣ်လၢ်ပှၤဒီးပျၢ်လၢ်ပတၢ်ကမၣ်န့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 30:9

သုမ့ၢ်ဃၣ်က့ၤသုသးဆူယွၤအအိၣ်ဒီး, ပှၤတဖၣ်လၢအစိာ်ထီၣ်ကွံာ် သုဘူးသုတံၢ်သ့ၣ်တဖၣ်ဒ်ပှၤဘၣ်တၢ်စၢဃာ်တဖၣ်အသိးန့ၣ်, ကသးကညီၤဘၣ်အဝဲသ့ၣ်ဒီးကပျဲအဝဲသ့ၣ်ဟဲက့ၤကဒါက့ၤဆူ ဟံၣ်န့ၣ်လီၤ. ယွၤသုကစၢ်ယွၤန့ၣ်အသးအိၣ်တၢ်ဒီးသူၣ်ကညီၤသးကညီၤ တၢ်လီၤ. ဒီးသုမ့ၢ်ဃၣ်က့ၤသုသးဆူအအိၣ်ဒီးအဝဲကတူၢ်လိာ်သုန့ၣ် လီၤ.”

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

စံးထီၣ်ပတြၢၤ 108:4

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤဒိၣ်ဝဲလၢမူခိၣ်အဖီခိၣ်, နတၢ်သူၣ်တီသးလိၤ ပၢၢ်တုၤလၢတၢ်အၢၣ်တဖၣ်န့ၣ်လီၤ.

စံးထီၣ်ပတြၢၤ 111:4

ယွၤတပျဲပသးပ့ၤနီၣ်အတၢ်မၤလီၤလးတဖၣ်န့ၣ်ဘၣ်. အဝဲဒၣ်န့ၣ်သးကညီၤတၢ်ဒီးသးအိၣ်တၢ်လီၤ.

စံးထီၣ်ပတြၢၤ 111:8

အိၣ်ဂၢၢ်ဆိးကျၢၤလီၤထူလီၤယိာ် ဒီးဘၣ်တၢ်ဟ့ၣ်လီၤတ့ၢ်လံ တၢ်မ့ၢ်တၢ်တီဒီးတၢ်တီတၢ်လိၤလၢအပူၤန့ၣ်လီၤ.

စံးထီၣ်ပတြၢၤ 112:4

တၢ်ကပီၤကပီၤထီၣ်လၢ တၢ်ခံးကျါ လၢပှၤအဂ့ၤတဖၣ်အဂီၢ် လၢပှၤတဖၣ်လၢ အသူၣ်ကညီၤသးကညီၤတၢ် သးအိၣ်တၢ်ဒီး တီဝဲလိၤဝဲအဂီၢ်န့ၣ်လီၤ.

စံးထီၣ်ပတြၢၤ 116:5

ယွၤမ့ၢ်တၢ်သးကညီၤဒီးတၢ်တီတၢ်လိၤန့ၣ်လီၤ. ပကစၢ်ယွၤန့ၣ်မ့ၢ်တၢ်သးကညီၤလီၤ.

စံးထီၣ်ပတြၢၤ 138:2

ယဃၣ်ဃီၤယမဲာ်နတၢ်လုၢ်ဟံၣ်စီဆှံအအိၣ်, ဆုးလီၤယခိၣ် ဒီးစံးထီၣ်ပတြၢၤနမံၤ လၢနတၢ်အဲၣ်ဂၢၢ်ကျၢၤ ဒီးနတၢ်မ့ၢ်တၢ်တီအဃိန့ၣ်လီၤ. အဂ့ၢ်ဒ်အံၤ, နပာ်ထီၣ်ထီနမံၤဒီး နကလုၢ်ကထါ လၢတၢ်ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

စံးထီၣ်ပတြၢၤ 146:6

ယွၤမ့ၢ်ပှၤလၢအတ့လီၤမူခိၣ်, ဟီၣ်ခိၣ်, ဒီးပီၣ်လဲၣ်, ဒီးကယဲၢ်တၢ်အိၣ်လၢအပူၤ, လၢအတီဒီး အတၢ်အၢၣ်လီၤအီလီၤ လီၤထူလီၤယိာ်,

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 57:10

အဂ့ၢ်ဒ်အံၤ, နတၢ်အဲၣ်အဂၢၢ်အကျၢၤဒိၣ် တုၤအထီၣ်ဘးဆူမူခိၣ်အလီၢ်တဖၣ်ဒီး နတၢ်တီတၢ်လိၤပၢၢ်လၢတၢ်အၢၣ်တဖၣ်လီၤ.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

စံးထီၣ်ပတြၢၤ 86:5

ယွၤဧၢ, နဲဒၣ်အံၤနမ့ၢ်တၢ်ဂ့ၤ, ဒီးနပျၢ်ကွံာ်ပတၢ်ကမၣ်, ဒီးနတၢ်အဲၣ်ဂၢၢ်ကျၢၤအိၣ်အါဝဲလၢ ကယဲၢ်ပှၤလၢအကိးထီၣ်နၤခဲလၢာ်အဂီၢ်လီၤ.

စံးထီၣ်ပတြၢၤ 91:4

အဝဲကကျၢၢ်ဘၢနၤလၢအဒံးဆ့တဖၣ်, နကဘၣ်တၢ်မၤပူၤဖျဲးနၤလၢ အတၢ်အံးထွဲကွၢ်ထွဲနၤအပူၤ, ဒီးအတၢ်သူၣ်တီသးလိၤ ကကဟုဘံၣ်ကယာ်ဘၢနၤဒီးကဒီသဒၢနၤလီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

လံာ်တၢ်ဟးထီၣ်ကွံာ် 22:27

အဂ့ၢ်ဒ်အံၤ, တၢ်န့ၣ်မ့ၢ်တၢ်လုးဘၢထဲတမံၤဧိၤလၢကမၤလၢၤအီၤ အဂီၢ်န့ၣ်လီၤ. တၢ်အဂၤမနုၤကအိၣ်လၢအဝဲကမံလုးဝဲအဂီၢ်လဲၣ်. ဖဲအဝဲကိးထီၣ်ယၤလၢတၢ်မၤစၢၤအဂီၢ်ဒီး, ယကစံးဆၢအီၤလီၤ. အဂ့ၢ်ဒ်အံၤ, ယသူၣ်ကညီၤသးကညီၤတၢ်လီၤ.

လံာ်တၢ်ဟးထီၣ်ကွံာ် 33:19

ယွၤစံးဆၢစီၤမိၤၡ့, “ယကဒုးလဲၤခီဂာ်ယတၢ်ကဟုကညီၢ်ခဲ လၢာ်လၢနမဲာ်ညါ, ဒီးလၢနမဲာ်ညါန့ၣ်ယကကိးထီၣ်ယမံၤစီဆှံလီၤ. ယမ့ၢ်ယွၤဒီးယဒုးနဲၣ်ယတၢ်သူၣ်အိၣ်သးအိၣ်ဒီးသူၣ်ကညီၤသး ကညီၤဘၣ်ပှၤလၢယဃုထၢအီၤတဖၣ်န့ၣ်လီၤ.

တၢ်ကတိၤဒိ. 3:3

ဒုးလဲၤသဒၣ်တၢ်သးတီဒီးတၢ်သူၣ်တီသးရၤလၢနအိၣ်တဂ့ၤ. စၢထီၣ်အီၤလၢနကိာ်အလိၤဒီးကွဲးအီၤလၢနသးအလိၤတက့ၢ်.

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ယၡါယၤ 65:16

ပှၤတဂၤဂ့ၤတဂၤဂ့ၤလၢထံကီၢ်ပူၤ, လၢအဃ့တၢ်ဆိၣ်ဂ့ၤတမံၤ န့ၣ်, ကဃ့ဝဲဒ်သိးတၢ်သူၣ်တီသးရၤအကစၢ်ယွၤကဆိၣ်ဂ့ၤအီၤအဂီၢ် န့ၣ်လီၤ. ပှၤတဂၤလၢ်လၢ်လၢအမၤတၢ်ဆိၣ်တမံၤန့ၣ်, ကဆိၣ်လီၤအသးလၢတၢ်သူၣ်တီသးရၤအကစၢ်ယွၤအမံၤ အပူၤန့ၣ်လီၤ. တၢ်ကီတၢ်ခဲလၢအပူၤကွံာ်တဖၣ် ကလၢာ်ကွံာ်ဒီးကဘၣ်တၢ်သးပ့ၤနီၣ်ကွံာ်အီၤန့ၣ်လီၤ.”

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်ယံးရမံယၤ 9:24

ပှၤတဂၤဂၤမ့ၢ်သးအိၣ်ပာ်ကဖၢလၢအသးဒီး အဝဲကြၢးပာ်ကဖၢလၢအသးလၢအသ့ၣ်ညါယၤဒီးနၢ်ပၢၢ်ယၤ အဃိလီၤ. အဂ့ၢ်ဒ်အံၤ, ယတၢ်အဲၣ်အိၣ်စံၣ်အိၣ်ကျၢၤ, ဒီးယမၤတၢ်လၢတၢ်စံၣ်ညီၣ်တီဒီးတၢ်အလိၤအဘၣ်အပူၤလီၤ. တၢ်သ့ၣ်တဖၣ်အံၤ, မ့ၢ်တၢ်လၢအမၤမုာ်သူၣ်မုာ်သးယၤလီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 3:23

သီဝဲကိးမုၢ်ဂီၤဒဲးဒ်မုၢ်ဆ့ၣ်ထီၣ်, လီၤတံၢ်လီၤဆဲးဝဲဒ်မုၢ် ဟဲထီၣ်အသိးန့ၣ်လီၤ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

လံာ်ယိၤနါ 4:2

အဝဲဘါထုကဖၣ်တၢ်ဆူယွၤအအိၣ်ဒီးစံးဝဲ, “ယွၤဧၢ, အဝဲအံၤတမ့ၢ်ဘၣ်တၢ်လၢယစံးတ့ၢ်ဖဲယအိၣ်လၢယကီၢ် အပူၤဘၣ်န့ၣ်ဧါ. လၢတၢ်န့ၣ်အဃိဒီးလၢအခီၣ်ထံးန့ၣ်ယဃ့ၢ်ကွံာ်ဆူဝ့ၢ်တၢ်ၡံၣ်, အဂ့ၢ်ဒ်အံၤ, ယသ့ၣ်ညါလၢနမ့ၢ်ကစၢ်ယွၤလၢအသးအိၣ်တၢ်ဒီးသးကညီၤတၢ်, သးထီၣ်ကီဒီးလၢဝဲပှဲၤဝဲဒီးတၢ်အဲၣ်ဂၢၢ်ကျၢၤဒီးနပာ်နသးလၢ နကသးကညီၤက့ၤတၢ်ဒီးတသိၣ်ဃီၣ်ဘၣ်တၢ်ဘၣ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်နၤဃူၣ် 1:3

ယွၤအသးထီၣ်ကီ, ဘၣ်ဆၣ်ဒီးအစိအကမီၤဒိၣ်ဝဲ, ဒီးတပျဲဘၣ်တၢ်သရူးကမၣ်လဲၤပူၤကွံာ်တၢ်စံၣ်ညီၣ် နီတစုဘၣ်. ဖဲယွၤလဲၤတၢ်န့ၣ်ကလံၤမုၢ်အိၣ်ထီၣ်ဝဲဒီးတၢ်အၢၣ်တဖၣ်န့ၣ်မ့ၢ် အခီၣ်ထွဲတၢ်အကမူၣ်န့ၣ်လီၤ.

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

လံာ်သိၣ်လီၤသီလီၤတၢ် 32:3

ယကစံးထီၣ်ပတြၢၤယွၤအမံၤ, ဒီးအဝဲအပှၤဂီၢ်မုၢ်ကတဲတၢ်ဘၣ်ထွဲဒီးအဝဲအတၢ်ဒိၣ်တၢ်မုၢ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

လံာ်သိၣ်လီၤသီလီၤတၢ် 5:10

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤအစိၤလၢအကထိတဖၣ်အအိၣ်လၢ အအဲၣ်ယၤဒီးစူၢ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.