လံာ်တၢ်ဟးထီၣ်ကွံာ် 34:5 - Sgaw Karen Common Bible

⁵ ယွၤဟဲလီၤဝဲလၢတၢ်အၢၣ်တလိၣ်အပူၤ, ဆၢထၢၣ်ဃုာ်ဒီးအီၤဖဲ န့ၣ်, ဒီးယၢၤထီၣ်အမံၤစီဆှံ, ယွၤန့ၣ်လီၤ.

လံာ်တၢ်ဟးထီၣ်ကွံာ် 34:5 Iomraidhean Croise

စံးထီၣ်ပတြၢၤ 102:21

လၢတၢ်အံၤအဃိ အဝဲအမံၤကဘၣ်တၢ်ကိးသတြီ အီၤလၢစံယိၣ်အပူၤ, ဒီးကဘၣ်တၢ်စံးထီၣ်ပတြၢၤအီၤလၢ ဝ့ၢ်ယရူၤၡလ့ၣ်အပူၤ,

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်တၢ်ဟးထီၣ်ကွံာ် 19:9

ဒီးယွၤစံးဘၣ်စီၤမိၤၡ့, “ယကဟဲဆူနအိၣ်လၢတၢ်အၢၣ်လၢအတီၣ် တလိၣ်အပူၤဒ်သိးပှၤဂီၢ်မုၢ်ကနၢ်ဟူဘၣ်ယကတိၤတၢ်ဒီးနၤဒီးကနာ် နၤစးထီၣ်ခဲအံၤဒီးဆူညါန့ၣ်လီၤ.” ဒီးစီၤမိၤၡ့တဲဘၣ်ယွၤတၢ်လၢပှၤဂီၢ်မုၢ်စံးဆၢဝဲန့ၣ်လီၤ.

လံာ်တၢ်ဟးထီၣ်ကွံာ် 23:21

ဒိကနၣ်အီၤဒီးစူၢ်အကလုၢ်တက့ၢ်. ပူထီၣ်တၢ်ထီဒါအီၤတဂ့ၤ. အဂ့ၢ်ဒ်အံၤ, ယဆှၢလီၤအီၤဒီးတၢ်ပူထီၣ်ဒ်န့ၣ်အသိးန့ၣ်တမ့ၢ်အဝဲကဝံသးစူၤဘၣ်လီၤ.

လံာ်တၢ်ဟးထီၣ်ကွံာ် 33:19

ယွၤစံးဆၢစီၤမိၤၡ့, “ယကဒုးလဲၤခီဂာ်ယတၢ်ကဟုကညီၢ်ခဲ လၢာ်လၢနမဲာ်ညါ, ဒီးလၢနမဲာ်ညါန့ၣ်ယကကိးထီၣ်ယမံၤစီဆှံလီၤ. ယမ့ၢ်ယွၤဒီးယဒုးနဲၣ်ယတၢ်သူၣ်အိၣ်သးအိၣ်ဒီးသူၣ်ကညီၤသး ကညီၤဘၣ်ပှၤလၢယဃုထၢအီၤတဖၣ်န့ၣ်လီၤ.

လံာ်တၢ်ဟးထီၣ်ကွံာ် 33:9

တုၤစီၤမိၤၡ့လဲၤနုာ်ဝဲတစုန့ၣ်, တၢ်အၢၣ်အထူၣ်ကဟဲလီၤဝဲ, ဒီးအိၣ်ဝဲဖဲယွၤအဒဲစီဆှံအတြဲၤဒီးယွၤကကတိၤတၢ်ဒီးစီၤမိၤၡ့လၢတၢ်အၢၣ်ပူၤန့ၣ်လီၤ.

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်တၢ်ဂံၢ် 11:17

ယကဟဲလီၤဒီးကတိၤတၢ်ဒီးနၤဖဲန့ၣ်ဒီးယကဟံးန့ၢ်သးလၢယဟ့ၣ် လီၤတ့ၢ်နၤတနီၤဒီးဟ့ၣ်လီၤအီၤဆူအဝဲသ့ၣ်အအိၣ်န့ၣ်လီၤ. အန့ၣ်ဒီးအဝဲသ့ၣ်ကမၤစၢၤနၤလၢတၢ်စိာ်ထီၣ်မူဒါလၢပှၤဂီၢ် မုၢ်တဖၣ်အံၤအဂီၢ်, ဒီးနတဝံဘၣ်ယိးဘၣ်ထဲတဂၤဧိၤလၢၤဘၣ်.

လံာ်တၢ်ဂံၢ် 11:25

တုၤနုၤတစုယွၤဟဲလီၤဝဲလၢတၢ်အၢၣ်အပူၤဒီးကတိၤဃီၤတၢ်ဆူ အအိၣ်လီၤ. ယွၤဟံးန့ၢ်သးလၢအဟ့ၣ်လီၤတ့ၢ်စီၤမိၤၡ့ဒီးဟ့ၣ် လီၤအီၤဆူပှၤခိၣ်ပှၤနၢ်အဂၤနွံဆံအအိၣ်န့ၣ်လီၤ. ဖဲသးန့ၣ်လီၤဘၣ်လၢအဝဲသ့ၣ်အလိၤဒီးအဝဲသ့ၣ်စးထီၣ်ကိးပသူ ထီၣ်ဒ်ဝံတဖၣ်အသိး, ဘၣ်ဆၣ်ဒီးတယံာ်ဘၣ်ဝဲဘၣ်.

လံာ်တၢ်ဂံၢ် 12:5

ဒီးယွၤဟဲလီၤလၢတၢ်အၢၣ်အလၢၢ်ထူၣ်တထူၣ်အပူၤ, ဒီးအိၣ်ဆၢထၢၣ်ဖဲဒဲစီဆှံအကျဲစၢၤဒီး ကိးထီၣ်ဝဲ, “စီၤအၤဟရိၣ်, နီၢ်မံးရယၣ်ဧၢ,” န့ၣ်လီၤ. အဝဲသ့ၣ်ခံဂၤခါထီၣ်ဆူညါ,

လံာ်တၢ်ဂံၢ် 14:17

လၢတၢ်န့ၣ်အဃိ, ခဲကနံၣ်အံၤယွၤဧၢ, ယဘါထုကဖၣ်တၢ်, ဒုးနဲၣ်ပှၤလၢနစိကမီၤဒီးမၤတၢ်လၢနအၢၣ်လီၤတ့ၢ်ဖဲနစံး,

လံာ်သိၣ်လီၤသီလီၤတၢ် 32:3

ယကစံးထီၣ်ပတြၢၤယွၤအမံၤ, ဒီးအဝဲအပှၤဂီၢ်မုၢ်ကတဲတၢ်ဘၣ်ထွဲဒီးအဝဲအတၢ်ဒိၣ်တၢ်မုၢ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:18

မၤသးဒ်န့ၣ်ဒီးစီၤၡမူၤအ့လးတဲဘၣ်အီၤတၢ်ကိးမံၤဒဲးဒီး တပာ်ခူသူၣ်တ့ၢ်ဝဲတၢ်နီတမံၤဘၣ်. စီၤဧ့လံၤစံးဝဲ, “အဝဲမ့ၢ်ယွၤလီၤ. အဝဲကမၤတၢ်လၢအထံၣ်ဝဲလၢအဂ့ၤကိးမံၤဒဲးန့ၣ်လီၤ.”