လံာ်တၢ်ဟးထီၣ်ကွံာ် 34:35 - Sgaw Karen Common Bible

³⁵ ဒီးအဝဲသ့ၣ်ကထံၣ်ဘၣ်စီၤမိၤၡ့လၢအမဲာ်သၣ်ကပြုၢ်ကပြီၤဝဲလီၤ. မၤသးဒ်န့ၣ်ဒီးအဝဲကကးဘၢအမဲာ်လၢနီၣ်ကျၢၢ်ဘၢမဲာ်တုၤတၢ်ဆၢ ကတီၢ်လၢအကလဲၤကဒီးဝဲလၢကကတိၤတၢ်ဒီးယွၤလၢခံတဘျီန့ၣ်လီၤ.

လံာ်တၢ်ဟးထီၣ်ကွံာ် 34:35 Iomraidhean Croise

လံာ်တၢ်ဟးထီၣ်ကွံာ် 35:1

ဒီးစီၤမိၤၡ့ကိးဖှိၣ်ကီၢ်အံၣ်စရ့လးအပှၤဂီၢ်မုၢ်အဒူၣ်အထၢ ဒီဒူၣ်ဒီးစံးဘၣ်အဝဲသ့ၣ်, “အဝဲအံၤမ့ၢ်တၢ်လၢယွၤမၤလိာ်သုလၢသုကဘၣ်မၤအီၤလီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်မးသဲ 13:43

တုၤနုၤတဘျီပှၤတီပှၤလိၤတဖၣ်ကကပီၤထီၣ်ဒ်မုၢ်အသိးလၢ အပၢ်အဘီအမုၢ်အပူၤလီၤ. ပှၤအိၣ်ဒီးအနၢ်လၢအနၢ်ဟူတၢ်သ့န့ၣ်, မ်အဒိကနၣ်တၢ်တက့ၢ်.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်ယိၤဟၣ် 5:35

စီၤယိၤဟၣ်မၤအသးဒ်မ့ၣ်အူဒၢတဖျၢၣ်အသိး, ကဲၤထီၣ်ဒီး ကပီၤထီၣ်ဝဲဒီးသုသးအိၣ်တစိၢ်တလီၢ်လၢသုကသူၣ်ဖှံသးညီလၢ အတၢ်ကပီၤအပူၤန့ၣ်လီၤ.

၂ ကရံၣ်သူး 3:13

ပတလီၤဂာ်ဒီးစီၤမိၤၡ့လၢအမၤဘၢအမဲာ်သၣ်လၢနီၣ်ကျၢၢ် ဘၢမဲာ်ဒ်သိးပှၤအံၣ်စရ့လးဖိတဖၣ်သုတထံၣ်တၢ်ကပြုၢ်ကပြီၤ လီၤစၢ်ဒီးဟါမၢ်ကွံာ်တဂ့ၤန့ၣ်ဘၣ်.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,