လံာ်တၢ်ဟးထီၣ်ကွံာ် 34:30 - Sgaw Karen Common Bible

³⁰ စီၤအၤဟရိၣ်ဒီးပှၤဂီၢ်မုၢ်ခဲလၢာ်ကွၢ်ထီၣ်စီၤမိၤၡ့ဒီးထံၣ် ဘၣ်ဝဲလၢအမဲာ်သၣ်ကပြုၢ်ကပြီၤအဃိကလဲၤဘူးဃီၤဆူအအိၣ်န့ၣ်ပျံၤတၢ်လီၤ.

လံာ်တၢ်ဟးထီၣ်ကွံာ် 34:30 Iomraidhean Croise

လံာ်တၢ်ဟးထီၣ်ကွံာ် 34:31

ဘၣ်ဆၣ်စီၤမိၤၡ့ကိးအဝဲသ့ၣ်, ဒီးစီၤအၤဟရိၣ်ဒီးဒူၣ်ထၢ အခိၣ်ခဲလၢာ်လဲၤဆူအအိၣ်ဒီးစီၤမိၤၡ့ကတိၤတၢ်ဒီးအဝဲသ့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်တၢ်ဂံၢ် 12:8

မၤသးဒ်န့ၣ်ဒီးယကတိၤတၢ်ဒီးအီၤမဲာ်သကိးမဲာ်, ဖျိဖျိဖျါဖျါဒီးတမ့ၢ်လၢတၢ်ပှိၤပှံပှိၤပှီၢ်တဖၣ်အပူၤဘၣ်. အဝဲထံၣ်ဘၣ်ဒၣ်လဲာ်ယက့ၢ်ယဂီၤန့ၣ်လီၤ. သုကတိၤထီဒါယခ့ယပှၤစီၤမိၤၡ့န့ၣ်ဘူၣ်ဝဲဒ်လဲၣ်.”

လံာ်မၢ်ကူး 9:15

တုၤပှၤဂီၢ်မုၢ်တဖၣ်ထံၣ်ဘၣ်ယ့ၣ်ၡူးဒီး, တၢ်လီၤကမၢကမၣ်ဘၣ်အဝဲသ့ၣ်ဒိၣ်ဒိၣ်ကလဲာ်သတးဒီး, ဃ့ၢ်ဃီၤဝဲဆူအဝဲဒၣ်အအိၣ်ဒီးကတိၤတူၢ်လိာ်ခီၣ်ဆၢအီၤလီၤ.

လံာ်မၢ်ကူး 9:3

အဝဲအတၢ်ကူတၢ်ကၤတဖၣ်ဝါထီၣ်ကပြုၢ်ကပြီၤဝဲ, အါန့ၢ်ဒံးပှၤဆှုၣ်တၢ်ဖိလၢအဆှုၣ်တၢ်ဝါကတၢၢ်လၢဟီၣ်ခိၣ် ချၢမၤဝဲသ့တက့ၢ်န့ၣ်လီၤ.

လံာ်လူၤကၣ် 5:8

ဖဲစီၤၡံမိၣ်ပ့းတရူးထံၣ်တၢ်လၢအမၤအသးတမံၤအံၤန့ၣ်, အဝဲဒၣ်ချံးခီၣ်တီၤလီၤလၢယ့ၣ်ၡူးအမဲာ်ညါဒီးစံးဝဲ, “ဟးထီၣ်ကွံာ်လၢယအိၣ်တက့ၢ်, ကစၢ်ဧၢ, ယမ့ၢ်ပှၤတၢ်ဒဲးဘးဖိတဂၤလီၤ.”

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,