လံာ်တၢ်ဟးထီၣ်ကွံာ် 34:29 - Sgaw Karen Common Bible

²⁹ ဖဲစီၤမိၤၡ့က့ၤလီၤလၢကစၢၢ်စံၤနါအလိၤ, စိာ်ဃုာ်ဒီးတၢ်မၤလိာ်အထံၣ်တဆံန့ၣ်, အမဲာ်သၣ်ကပြုၢ်ကပြီၤဝဲ လၢတၢ်ကတိၤတ့ၢ်တၢ်ဒီးယွၤအဃိလီၤ. ဘၣ်ဆၣ်ဒီးတၢ်န့ၣ်အဝဲတသ့ၣ်ညါဝဲဘၣ်.

လံာ်တၢ်ဟးထီၣ်ကွံာ် 34:29 Iomraidhean Croise

လံာ်တၢ်ဟးထီၣ်ကွံာ် 16:15

ဒီးဖဲပှၤအံၣ်စရ့လးဖိတဖၣ်ထံၣ်ဘၣ်တၢ်န့ၣ်ဒီးအဝဲသ့ၣ်တသ့ၣ် ညါဝဲလၢအမ့ၢ်တၢ်မနုၤလဲၣ်ဘၣ်အဃိသံကွၢ်လိာ်အသး, “တၢ်အံၤမ့ၢ်တၢ်မနုၤလဲၣ်.” န့ၣ်လီၤ. စီၤမိၤၡ့စံးဘၣ်အဝဲသ့ၣ်, “တၢ်အံၤမ့ၢ်တၢ်အီၣ်လၢယွၤဟ့ၣ်လီၤသုလၢသုကအီၣ်အဂီၢ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 32:15

စီၤမိၤၡ့က့ၤလီၤကဒါက့ၤလၢကစၢၢ်လိၤ, စိာ်ဃုာ်ဝဲဒီးလၢၢ် ဘ့ၣ်ဘၣ်ခံဘ့ၣ်လၢတၢ်မၤလိာ်တဖၣ်အိၣ်ကွဲးအသးလၢအလိၤခံကပၤလိာ်န့ၣ်လီၤ.

လံာ်တၢ်ဟးထီၣ်ကွံာ် 34:35

ဒီးအဝဲသ့ၣ်ကထံၣ်ဘၣ်စီၤမိၤၡ့လၢအမဲာ်သၣ်ကပြုၢ်ကပြီၤဝဲလီၤ. မၤသးဒ်န့ၣ်ဒီးအဝဲကကးဘၢအမဲာ်လၢနီၣ်ကျၢၢ်ဘၢမဲာ်တုၤတၢ်ဆၢ ကတီၢ်လၢအကလဲၤကဒီးဝဲလၢကကတိၤတၢ်ဒီးယွၤလၢခံတဘျီန့ၣ်လီၤ.

လံာ်ပှၤစံၣ်တဲၤတဲလီၤတၢ် 8:1

ထဲဒၣ်ပှၤလၢအကူၣ်တၢ်သ့တဂၤဧိၤသ့ၣ်ညါတၢ်တမံၤဂ့ၤတမံၤဂ့ၤ အခီပညီနီၢ်နီၢ်မ့ၢ်တၢ်မနုၤလဲၣ်န့ၣ်လီၤ. တၢ်ကူၣ်သ့ဒုးနံၤကမှံ ထီၣ်အီၤဒီးမၤဟါမၢ်ကွံာ်အတၢ်ကွၢ်လၢမဲာ်ကဒုလာ်န့ၣ်လီၤ.

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

လံာ်မၢ်ကူး 14:40

အန့ၣ်ဝံၤအဝဲဒၣ်ဟဲက့ၤကဒီးတဘျီဆူအပျဲၢ်အဘီၣ်တဖၣ်အအိၣ် ဒီးထံၣ်ဘၣ်ဝဲလၢအဝဲသ့ၣ်မံဘၣ်အသးလီၤ. အဝဲသ့ၣ်အမဲာ်ဖံးဃၢဒီးစီၣ်ထီၣ်အမဲာ်တန့ၢ်ဘၣ်ဒီး ကဘၣ်စံးဆၢအီၤလၢတၢ်ကတိၤမနုၤလဲၣ်န့ၣ်တသ့ၣ်ညါလၢၤ ဝဲဘၣ်.

လံာ်မၢ်ကူး 9:6

စံးတၢ်ဒ်အံၤမ့ၢ်လၢကဘၣ်စံးမနုၤလဲၣ်န့ၣ်တသ့ၣ်ညါလၢၤဝဲဘၣ်ဒီး အဝဲသ့ၣ်ပျံၤတၢ်ဒိၣ်ဒိၣ်ကလဲာ်အဃိန့ၣ်လီၤ.

လံာ်လူၤကၣ် 2:49

အဝဲဒၣ်စံးဆၢအဝဲသ့ၣ်, “ဘၣ်မနုၤအဃိသုဘၣ်လူၤဃုယၤလဲၣ်. မ့ၢ်သုတသ့ၣ်ညါလၢယကဘၣ်အိၣ်လၢယပၢ်အဟံၣ်ပူၤဘၣ်ဧါ.”

လံာ်လူၤကၣ် 9:29

ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်န့ၣ်, အမဲာ်သၣ်အက့ၢ်အဂီၤလဲလိာ်အသးဒီးအကူအသိးတဖၣ် ဝါထီၣ်ဒီးကပြုၢ်ကပြီၤမးလီၤ.

လံာ်ယိၤဟၣ် 5:13

ဘၣ်ဆၣ်ပှၤလၢအဘျါက့ၤတဂၤအံၤယ့ၣ်ၡူးမ့ၢ်မတၤလဲၣ်န့ၣ် တသ့ၣ်ညါဝဲဘၣ်. အဂ့ၢ်မ့ၢ်လၢပှၤအိၣ်ဖဲန့ၣ်ဂီၢ်မုၢ်ဂီၢ်ပၤဒီး ယ့ၣ်ၡူးဟးထီၣ်ကွံာ်ဝဲကစုဒုအဃိန့ၣ်လီၤ.

မၤတၢ် 12:9

စီၤပ့းတရူးပိာ်ထီၣ်အခံဆူဃိာ်အချၢလီၤ. ဘၣ်ဆၣ်ဒီးတၢ်လၢကလူးမၤဝဲမ့ၢ်တၢ်နီၢ်နီၢ်, တမ့ၢ်လဲၣ်န့ၣ်အဝဲတသ့ၣ်ညါဘၣ်. အဝဲဒၣ်ဆိကမိၣ်လၢအထံၣ်တၢ်ထံၣ်လၢညါခီန့ၣ်လီၤ.

မၤတၢ် 23:5

စီၤပီလူးစံးဆၢဝဲ, “ယတသ့ၣ်ညါလၢအဝဲဒၣ်မ့ၢ်ပှၤလုၢ်တၢ်အခိၣ်အဒိၣ် ကတၢၢ်ဘၣ်. ယဒီပုၢ်ဝဲၢ်သ့ၣ်ဧၢ, တၢ်ကွဲးအသးစံးဝဲ, ‘သုတစံးအၢစံးသီပှၤလၢအပၢသုပှၤဂီၢ်မုၢ်န့ၣ်တဂ့ၤ.’ ”

မၤတၢ် 6:15

ကယဲၢ်ပှၤဆ့ၣ်နီၤအိၣ်လၢကီၣ်ကးအလီၢ်န့ၣ်, ကွၢ်စူၣ်စီၤစတ့းဖၣ်ဒီးထံၣ်ဝဲလၢအဝဲဒၣ်အမဲာ်ဖျါလီၤဂာ်ဒ် မူခိၣ်ကလူးတဂၤအမဲာ်အသိးန့ၣ်လီၤ.

၂ ကရံၣ်သူး 3:13

ပတလီၤဂာ်ဒီးစီၤမိၤၡ့လၢအမၤဘၢအမဲာ်သၣ်လၢနီၣ်ကျၢၢ် ဘၢမဲာ်ဒ်သိးပှၤအံၣ်စရ့လးဖိတဖၣ်သုတထံၣ်တၢ်ကပြုၢ်ကပြီၤ လီၤစၢ်ဒီးဟါမၢ်ကွံာ်တဂ့ၤန့ၣ်ဘၣ်.

လံာ်သိၣ်လီၤသီလီၤတၢ် 10:5

ဒီးယဃၣ်ကဒါက့ၤယသးဒီးဟဲက့ၤလီၤလၢကစၢၢ်လိၤန့ၣ်လီၤ. အန့ၣ်ဝံၤဒီး, ဒ်ယွၤမၤလိာ်တ့ၢ်ဝဲဒၣ်အသိး, ယဒၢနုာ်အီၤလၢတလါစီဆှံလၢယမၤတ့ၢ်အီၤအပူၤဒီးအဝဲသ့ၣ် အိၣ်ဖဲန့ၣ်စးထီၣ်လၢန့ၣ်လံၤလံၤလီၤ.

လံာ်စီၤယိၤၡူ 2:4

အဝဲစံးဆၢဝဲ, “မ့ၢ်, ပှၤဟဲတုၤလၢယဟံၣ်လီၤ. ဘၣ်ဆၣ်ယတသ့ၣ်ညါအဝဲသ့ၣ်ဟဲဖဲလဲၣ်န့ၣ်ဘၣ်.

လံာ်စီၤယိၤၡူ 8:14

ဖဲဝ့ၢ်ဂဲအစီၤပၤထံၣ်စီၤယိၤၡူအသုးဖိတဖၣ်ဒီးအဝဲမၤဝဲချ့ချ့လီၤ. အဝဲဒီးအပှၤခဲလၢာ်လဲၤဝဲဆူတၢ်ပၢၤခိၣ်လၢကစၢၢ်ကဆူးဖဲယၤ ဒ့ၣ်, လၢအကဒုးပှၤအံၣ်စရ့လးဖိတဖၣ်လၢတၢ်လီၢ်တတီၤဃီဒ်လၢညါအ သိး, ဒီးတသ့ၣ်ညါဝဲလၢအဝဲကဘၣ်တၢ်ဒုးအီၤလၢဝ့ၢ်အလီၢ်ခံတကပၤန့ၣ် ဘၣ်.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 10:1

တၢ်န့ၣ်ဝံၤအလီၢ်ခံ, ယထံၣ်ဘၣ်ကလူးလၢအဂံၢ်ဆူၣ်ဘါဆူၣ်အဂၤတဂၤဟဲလီၤ လၢမူခိၣ်န့ၣ်လီၤ. အဝဲဒၣ်ဘၣ်တၢ်ကးဘၢဃာ်အီၤလၢတၢ်အၢၣ် တလိၣ်, ဒီးအိၣ်ဝဲဒီးတၢၢ်ကွဲၤတဘိလၢအအိၣ်ဝးတရံးအဝဲဒၣ် အခိၣ်န့ၣ်လီၤ. အဝဲအမဲာ်သၣ်လီၤဂာ်လၢမုၢ်, ဒီးအခီၣ်လီၤဂာ်လၢမ့ၣ်အူအထူၣ်တဖၣ်လီၤ.

လံာ်ပှၤစံၣ်ညီၣ်ကွီၢ် 16:20

တုၤနုၤတစု, ပိာ်မုၣ်န့ၣ်ကိးထီၣ်ဝဲ, “စီၤၡံၣ်ၡိၣ်ဧၢ, ပှၤဖလ့ၡသးဖိတဖၣ်ဟဲလံ.” အဝဲပၢၢ်ထီၣ်ဒီးဆိကမိၣ်ဝဲ, “ယကထူၣ်ဖျဲးထီၣ်ဒ်ကိးဘျီဒဲးအသိးန့ၣ်လီၤ.” အဝဲတသ့ၣ်ညါဝဲလၢယွၤလဲၤသဒၣ်ကွံာ်အီၤလံန့ၣ်ဘၣ်.