လံာ်တၢ်ဟးထီၣ်ကွံာ် 34:28 - Sgaw Karen Common Bible

²⁸ စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်တၢ်ဟးထီၣ်ကွံာ် 34:28 Iomraidhean Croise

လံာ်စီၤပၤအခီၣ်ထံးတဘ့ၣ် 19:8

စီၤအ့ၤလံယၤဂဲၤဆၢထၢၣ်, အီၣ်တၢ်အီတၢ်, ဒီးတၢ်အီၣ်တၢ်အီ ဟ့ၣ်ဂံၢ်ဟ့ၣ်ဘါအီၤလၢဝဲလၢကလဲၤတၢ်အသီလွံၢ်ဆံဆူကစၢၢ်စီ ဆှံစံၤနါန့ၣ်လီၤ.

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 31:18

ဖဲကစၢ်ယွၤကတိၤတၢ်ဒီးစီၤမိၤၡ့လၢကစၢၢ်စံၤနါအလိၤဝံၤဝဲန့ၣ်, အဝဲဟ့ၣ်လီၤအီၤလၢလၢၢ်ဘ့ၣ်ဘၣ်ခံဘ့ၣ်လၢကစၢ်ယွၤအနီၢ်ကစၢ်ဒၣ်ဝဲ ကွဲးလီၤတၢ်မၤလိာ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 32:16

ကစၢ်ယွၤအနီၢ်ကစၢ်ဒၣ်ဝဲမၤလၢၢ်ဘ့ၣ်ဘၣ်တဖၣ်အံၤဒီးစိးပျၤတၢ် မၤလိာ်တဖၣ်လၢအလိၤန့ၣ်လီၤ.

လံာ်တၢ်ဟးထီၣ်ကွံာ် 34:1

ယွၤစံးဘၣ်စီၤမိၤၡ့, “ကူးတဲာ်န့ၢ်လၢၢ်ဘ့ၣ်ဘၣ်ခံဘ့ၣ်ဒ်လၢ အခီၣ်ထံးတဖၣ်အသိးဒီးလၢအလိၤန့ၣ်ယကကွဲးလီၤတၢ်ကတိၤတဖၣ်လၢ အဘၣ်တၢ်ကွဲးတ့ၢ်အီၤလၢလၢၢ်ဘ့ၣ်ဘၣ်အခီၣ်ထံးလၢနမၤသဘှံးကွံာ် အီၤအလိၤန့ၣ်လီၤ.

လံာ်တၢ်ဟးထီၣ်ကွံာ် 34:10

ယွၤစံးဘၣ်စီၤမိၤၡ့, “ခဲအံၤယမၤတၢ်အၢၣ်လီၤအီလီၤတမံၤ ဒီးကီၢ်အံၣ်စရ့လးအပှၤဂီၢ်မုၢ်လီၤ. ယကမၤတၢ်အဒိၣ်အမုၢ်တဖၣ်လၢတမၤတ့ၢ်အသးနီတစုလၢတၢ်လီၢ်နီ တပူၤလၢဟီၣ်ခိၣ်ချၢလၢပှၤနီတကလုာ်အကျါဘၣ်လၢအဝဲသ့ၣ်အမဲာ်ညါလီၤ. ပှၤဂီၢ်မုၢ်ခဲလၢာ်ကထံၣ်ဘၣ်တၢ်မၤဖးဒိၣ်တဖၣ်လၢယၤ, ယွၤ, မၤဝဲသ့န့ၣ်လီၤ. အဂ့ၢ်ဒ်အံၤ, ယကမၤတၢ်လီၤလးလၢသုဂီၢ်လီၤ.

လံာ်မးသဲ 4:2

အဝဲဒုၣ်တၢ်အီၣ်အနံၤလွံၢ်ဆံအနၤလွံၢ်ဆံဝံၤဒီးတၢ်သၣ်ဝံၤ အသးလီၤ.

လံာ်လူၤကၣ် 4:2

ဖဲအဝဲဒၣ်ဘၣ်တၢ်လ့ပစီအီၤလၢမုၣ်ကီၤလံၢ်လၢအသီလွံၢ်ဆံ အတီၢ်ပူၤန့ၣ်လီၤ. ဖဲအဆၢကတီၢ်ဝဲန့ၣ်ဒီကတီၢ်ညါန့ၣ်, အဝဲတအီၣ်တၢ်နီတမံၤဘၣ်. သတးဒီးလၢခံကတၢၢ်န့ၣ်တၢ်သၣ်ဝံၤအသးလီၤ.

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,

လံာ်သိၣ်လီၤသီလီၤတၢ် 10:10

ယအိၣ်လၢကစၢၢ်ဒီခိၣ်လၢအနံၤလွံၢ်ဆံဒီးအနၤလွံၢ်ဆံ အတီၢ်ပူၤ, ဒ်ယမၤတ့ၢ်အီၤလၢအခီၣ်ထံးတဘျီအသိးန့ၣ်လီၤ. ယွၤဒိကနၣ်ကဒီးယၤတဘျီ, ဒီးဘၣ်သူၣ်ဘၣ်သးလၢအတမၤဟးဂီၤ ကွံာ်သုဘၣ်န့ၣ်လီၤ.

လံာ်သိၣ်လီၤသီလီၤတၢ် 10:5

ဒီးယဃၣ်ကဒါက့ၤယသးဒီးဟဲက့ၤလီၤလၢကစၢၢ်လိၤန့ၣ်လီၤ. အန့ၣ်ဝံၤဒီး, ဒ်ယွၤမၤလိာ်တ့ၢ်ဝဲဒၣ်အသိး, ယဒၢနုာ်အီၤလၢတလါစီဆှံလၢယမၤတ့ၢ်အီၤအပူၤဒီးအဝဲသ့ၣ် အိၣ်ဖဲန့ၣ်စးထီၣ်လၢန့ၣ်လံၤလံၤလီၤ.

လံာ်သိၣ်လီၤသီလီၤတၢ် 4:13

အဝဲတဲဘၣ်သုတၢ်လၢသုဘၣ်မၤအီၤဒ်သိးသုကတိၢ်န့ၢ်ဖံးဃာ်တၢ် အၢၣ်လီၤအီလီၤလၢအဝဲမၤတ့ၢ်ဝဲဒီးသုလၢအမ့ၢ်သုကဘၣ်စူၢ်တၢ် မၤလိာ်အထံၣ်တဆံ, လၢအဝဲကွဲးလီၤတ့ၢ်ဝဲလၢလၢၢ်ဘ့ၣ်ဘၣ်ခံဘ့ၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 9:25

လၢတၢ်န့ၣ်အဃိ, ယထိၣ်လီၤပှီၤယသးဒီးဆုးလီၤယခိၣ်လၢယွၤ အမဲာ်ညါလၢအနံၤလွံၢ်ဆံဒီးအနၤလွံၢ်ဆံအတီၢ်ပူၤဒ်လၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယသ့ၣ်ညါတ့ၢ်လၢအဝဲပာ်လီၤလံအသးလၢကမၤဟးဂီၤ ကွံာ်သုန့ၣ်လီၤ.

လံာ်သိၣ်လီၤသီလီၤတၢ် 9:9

ယလဲၤထီၣ်ဆူကစၢၢ်ဒီခိၣ်လၢယကဒိးန့ၢ်ဘၣ်လၢၢ်ဘ့ၣ်ဘၣ်တဖၣ်လၢတၢ် ကွဲးလီၤဃာ်တၢ်အၢၣ်လီၤအီလီၤတဖၣ်လၢယွၤမၤတ့ၢ်ဒီးသုလၢ အလိၤန့ၣ်လီၤ. ယအိၣ်ဖဲန့ၣ်အနံၤလွံၢ်ဆံဒီးအနၤလွံၢ်ဆံဒီးယတအီၣ်တၢ်မ့ၢ် ဂ့ၤ, အီတၢ်မ့ၢ်ဂ့ၤနီတမံၤဘၣ်န့ၣ်လီၤ.