လံာ်တၢ်ဟးထီၣ်ကွံာ် 34:26 - Sgaw Karen Common Bible

²⁶ ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

လံာ်တၢ်ဟးထီၣ်ကွံာ် 34:26 Iomraidhean Croise

လံာ်စီၤနဃ့မယၤ 10:35

ဘုဧိၤဟုဧိၤအဆိကတၢၢ်လၢပမၤန့ၢ်အီၤဒီးသ့ၣ်သၣ်အဆိက တၢၢ်လၢအမံဝဲဒီးပထဲးအီၤလၢပသ့ၣ်တဖၣ်န့ၣ်ကိးနံၣ်ဒဲးပကဟဲ စိာ်အီၤဒ်တၢ်မၤဘူၣ်ဆူယွၤအတၢ်လုၢ်ဟံၣ်န့ၣ်လီၤ.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဘူၣ်ထီၣ်ဘါထီၣ် 23:14

ဒီးတချုးလၢသုဟဲစိာ်တၢ်လုၢ်မၤဘူၣ်အံၤဆူကစၢ်ယွၤအအိၣ်န့ၣ်, ကိၣ်ဂ့ၤ, ဘုဝဲာ်လၢမ့ၣ်အူဂ့ၤ, ဘုအစဲၤအသံကစဲာ်ဂ့ၤအီၣ်အီၤတဂ့ၤ. အအံၤမ့ၢ်တၢ်သိၣ်တၢ်ဘျၢလၢသုစၢၤသုသွဲၣ်ဘၣ်တိၢ်န့ၢ်မၤထွဲ အီၤအစိၤစိၤအဃၣ်ဃၣ်န့ၣ်လီၤ.

လံာ်တၢ်ဂံၢ် 15:20

ဖဲသုစိၢ်ဘျဲးကိၣ်န့ၣ်ကိၣ်အဆိကတၢၢ်တလိၣ်လၢတၢ်မၤအီၤအဆိ ကတၢၢ်လၢဘုအသီန့ၣ်ကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ် တၢ်မၤဘူၣ်လီၤဆီတမံၤအသိးန့ၣ်လီၤ. တၢ်အံၤကဘၣ်တၢ်ဟ့ၣ်ထီၣ်အီၤလၢကျဲတဘိဃီဒ်သိးဒၣ်တၢ်မၤဘူၣ် လီၤဆီလၢသုဟ့ၣ်ထီၣ်အီၤလၢဘုဧိၤဟုဧိၤလၢသုယီၢ်လီၤအီၤ အသိးန့ၣ်လီၤ.

လံာ်တၢ်ဂံၢ် 18:13

တၢ်န့ၣ်ဘၣ်ဃးဒီးနၤလီၤ. ပှၤကိးဂၤဒဲးလၢနဟံၣ်ဖိဃီဖိတဖၣ်အကျါလၢအကဆှီဝဲဒ်တၢ်ဘူၣ် တၢ်ဘါအလုၢ်အလၢ်အသိးန့ၣ်အီၣ်အီၤသ့ဝဲလီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

လံာ်သိၣ်လီၤသီလီၤတၢ် 14:21

ဆၣ်ဖိကီၢ်ဖိတဒုလၢ်လၢ်လၢအသံဒၣ်အတၢ်န့ၣ်အီၣ်အီၤတဂ့ၤ. သုတဘၣ်ပျဲအီၣ်ပှၤတခီဘီမုၢ်ဖိလၢအအိၣ်ဆိးလၢသုကျါမ့ၢ် ဂ့ၤ, သုကဘၣ်ဆါအီၤဆူပှၤတခီဘီမုၢ်ဖိအဂၤမ့ၢ်ဂ့ၤန့ၣ်လီၤ. မ့မ့ၢ်သုဘၣ်ဃးဒီးသုကစၢ်ယွၤဒီးသုမ့ၢ်အပှၤဂီၢ်မုၢ်န့ၣ် လီၤ. ချီသိဖိတဒုမ့ၢ်ဂ့ၤ, မဲာ်တဲးလဲးဖိတဒုမ့ၢ်ဂ့ၤလၢအမိၢ် အနုၢ်ထံအပူၤတဂ့ၤ.

လံာ်သိၣ်လီၤသီလီၤတၢ် 26:10

လၢတၢ်န့ၣ်အဃိခဲအံၤ, တၤသူတၤသၣ်လၢယွၤဟ့ၣ်တ့ၢ်ယၤလၢယကကူး က့ၤအီၤအခီၣ်ထံးတပူန့ၣ်, ယဟဲစိာ်အီၤဆူ ယွၤအအိၣ်န့ၣ်လီၤ.’ အန့ၣ်ဝံၤဒီးပာ်လီၤနာ်လၢယွၤအမဲာ်ညါဒီးဘူၣ်ထီၣ်ဘါထီၣ်တၢ် ဖဲန့ၣ်တက့ၢ်.

လံာ်သိၣ်လီၤသီလီၤတၢ် 26:2

သုဝဲကိးဂၤဒဲးသုကဘၣ်ဒၢနုာ်သုတၤသူတၤသၣ်လၢသုထၢဖှိၣ် က့ၤအီၤအခီၣ်ထံးတပူန့ၣ်ဆူနာ်တဖျၢၣ်အပူၤဒီးလဲၤစိာ်အီၤဆူ တၢ်ဘူၣ်ထီၣ်ဘါထီၣ်အလီၢ်တတီၤန့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.