လံာ်တၢ်ဟးထီၣ်ကွံာ် 34:25 - Sgaw Karen Common Bible

²⁵ ဖဲသုလုၢ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်လုၢ်ထီၣ်ကိၣ်လၢအအိၣ်ဒီးကိၣ်မံၤတဂ့ၤ. ဆၣ်ဖိကီၢ်ဖိလၢဘၣ်တၢ်မၤသံအီၤဖဲဘူၣ်လဲၤကပာ်အနံၤန့ၣ်ပာ် ဃးအဖံးအညၣ်တုၤမုၢ်ဆ့ၣ်ထီၣ်တနံၤနီတမံၤတဂ့ၤ.

လံာ်တၢ်ဟးထီၣ်ကွံာ် 34:25 Iomraidhean Croise

လံာ်တၢ်ဟးထီၣ်ကွံာ် 12:10

သုတပာ်လီၤတဲာ်တၢ်နီတမံၤတုၤမုၢ်ဆ့ၣ်ထီၣ်န့ၣ်တဂ့ၤ. မ့ၢ်အိၣ်လီၤတဲာ်တ့ၢ်တမံၤမံၤန့ၣ်ဒီးကဘၣ်တၢ်ဆူးကဲၤထီၣ်ကွံာ်အီၤန့ၣ်လီၤ.

လံာ်တၢ်ဟးထီၣ်ကွံာ် 12:20

တၢ်အိၣ်ဒီးကိၣ်မံၣ်န့ၣ်သုတဘၣ်အီၣ်နီတမံၤဘၣ်. သုဘၣ်အီၣ်ကိၣ်တအိၣ်ဒီးကိၣ်မံၣ်, ဖဲသုအိၣ်သုဆိးအလီၢ်ကိး ပူၤဒဲးလီၤ.”

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်တၢ်ဟးထီၣ်ကွံာ် 23:18

ဖဲသုလုၢ်ထီၣ်ပာ်ထီၣ်ဆၣ်ဖိကီၢ်ဖိတဒုဆူယအိၣ်န့ၣ်တဘၣ်ဟ့ၣ် လုၢ်ထီၣ်ကိၣ်အိၣ်ဒီးကိၣ်မံၣ်တဂ့ၤ. ဆၣ်ဖိကီၢ်ဖိတဖၣ်လၢအဘၣ်တၢ်လုၢ်ထီၣ်ပာ်ထီၣ်ဆူယအိၣ်ဖဲမူးတဖၣ် အံၤအကတီၢ်အသိန့ၣ်တဘၣ်အိၣ်လီၤတဲာ်တုၤမုၢ်ဆ့ၣ်ထီၣ်လၢခံ တဂီၤန့ၣ်ဘၣ်.

လံာ်တၢ်ဟးထီၣ်ကွံာ် 29:34

ဒီးတၢ်ဖံးတၢ်ညၣ်ဒီးကိၣ်တနီၤလၢတဘၣ်တၢ်အီၣ်အီၤတုၤလၢမုၢ် ဆ့ၣ်ထီၣ်န့ၣ်ကဘၣ်တၢ်ဆူးကဲၤထီၣ်ကွံာ်အီၤလီၤ. တၢ်တဘၣ်အီၣ်အီၤလၢၤဘၣ်. အဂ့ၢ်ဒ်အံၤ, မ့ၢ်ဝဲတၢ်စီဆှံလီၤ.

လံာ်တၢ်ဘူၣ်ထီၣ်ဘါထီၣ် 2:11

ဒီးတၢ်လုၢ်မၤဘူၣ်ဘုဧိၤဟုဧိၤလၢတၢ်ဟဲစိာ်အီၤဆူယွၤအအိၣ် န့ၣ်တဘၣ်မ့ၢ်တၢ်မၤအီၤလၢကိၣ်မံၣ်ဘၣ်. နတဘၣ်ဆိၣ်ကဲၤထီၣ်ကိၣ်မံၣ်မ့ၢ်ဂ့ၤ, ကနဲစီမ့ၢ်ဂ့ၤလၢတၢ်လုၢ်မၤဘူၣ်ဆူယွၤအအိၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 7:15

တၢ်ညၣ်လၢအဘၣ်တၢ်လုၢ်ထီၣ်အီၤန့ၣ်ကဘၣ်တၢ်အီၣ်လၢာ်ကွံာ်အီၤလၢ တၢ်လုၢ်ထီၣ်အီၤအနံၤန့ၣ်လီၤ. ဒီးတဘၣ်ပာ်တီၢ်အီၤနီတစဲးတုၤမုၢ်ဆ့ၣ်ထီၣ်တနံၤန့ၣ်ဘၣ်.

လံာ်တၢ်ဂံၢ် 9:12

ပာ်တီၢ်တၢ်အီၣ်တုၤလၢမုၢ်ဆ့ၣ်ထီၣ်တနံၤဂီၤခီအဂီၢ်မ့ၢ်ဂ့ၤ, မၤကၢ်ဆၣ်ဖိကီၢ်ဖိအဃံနီတဘိမ့ၢ်ဂ့ၤ, န့ၣ်တဂ့ၤ. မၤထွဲဘူၣ်လဲၤကပာ်ဒ်တၢ်သိၣ်တၢ်ဘျၢအိၣ်ဝဲခဲလၢာ် အသိးန့ၣ်တက့ၢ်.

လံာ်မးသဲ 13:33

အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်သိၣ်လီၤသီလီၤတၢ် 16:3

ဖဲသုအီၣ်တၢ်အီၣ်အံၤန့ၣ်, အီၣ်ကိၣ်လၢအဘၣ်တၢ်မၤအီၤဒီးကိၣ်မံၣ်န့ၣ်တဂ့ၤ. လၢနွံသီအတီၢ်ပူၤန့ၣ်သုကဘၣ်အီၣ်ကိၣ်လၢတၢ်တမၤ အီၤဒီးကိၣ်မံၣ်ဘၣ်, ဒ်သုမၤအီၤဖဲသုဟးထီၣ်လၢကီၢ်အဲၤကူပတူး အပူၤချ့ဒံးချ့ဒူးအသိးန့ၣ်လီၤ. အီၣ်ကိၣ်အံၤတက့ၢ်. တၢ်န့ၣ်ကဘၣ်တၢ်ကိးအီၤလၢတၢ်နးတၢ်ဖှီၣ်အကိၣ်, ဒ်သိးဒီးဖဲသုအိၣ်မူအဆၢကတီၢ်န့ၣ်သုကသ့ၣ်နီၣ်ထီၣ်က့ၤမုၢ် တနံၤဖဲသုဟးထီၣ်လၢကီၢ်အဲၤကူပတူးအပူၤ, လၢအမ့ၢ်တၢ်နးတၢ်ဖှီၣ်အလီၢ်န့ၣ်လီၤ.

လံာ်သိၣ်လီၤသီလီၤတၢ် 16:4

လၢနွံသီအတီၢ်ပူၤန့ၣ်, ပှၤလၢအအိၣ်လၢသုကီၢ်ပူၤတဘၣ်အိၣ်ဒီး ကိၣ်မံၣ်လၢအဟံၣ်ပူၤနီတဂၤဘၣ်. ဒီးဆၣ်ဖိကီၢ်ဖိလၢအဘၣ်တၢ်မၤသံအီၤအညၣ်လၢမုၢ်နံၤအဆိကတၢၢ် တနံၤအမုၢ်တဟါန့ၣ်ကဘၣ်တၢ်အီၣ်အီၤလၢတနၤဃီအတီၢ်ပူၤန့ၣ်လီၤ.